വനിത ഹോക്കി ലോകകപ്പ്: ഇന്ത്യക്ക് ആദ്യ ജയം

തെരേസ: വനിത ഹോക്കി ലോകകപ്പിൽ ക്വാർട്ടർ കാണാതെ പുറത്തായ ഇന്ത്യക്ക് സ്ഥാനനിർണയ മത്സരത്തിൽ ജയം. ഒമ്പതു മുതൽ 12 വരെ സ്ഥാനക്കാരെ നിർണയിക്കാനുള്ള കളിയിൽ കാനഡയെ ഷൂട്ടൗട്ടിൽ 3-2നാണ് ഇന്ത്യ തോൽപിച്ചത്.

നിശ്ചിത സമയത്ത് സ്കോർ 1-1 ആയിരുന്നു. നായിക സവിതയുടെ ഗോൾപോസ്റ്റിനു കീഴിലെ ഉജ്ജ്വല പ്രകടനമാണ് ഇന്ത്യക്ക് തുണയായത്. അടുത്ത കളിയിൽ ഇന്ത്യ ജപ്പാനെ നേരിടും.