ശ്രീജേഷിന്​ അംഗീകാരം മന്ത്രിസഭ തീരുമാനിക്കുമെന്ന് മന്ത്രി

തിരുവനന്തപുരം: ​ഒളിമ്പിക്​സിൽ ഹോക്കി വെങ്കല മെഡൽ നേടിയ ഇന്ത്യൻ ടീമംഗം പി.ആർ. ശ്രീ​േജഷിന്​ സംസ്ഥാന സർക്കാർ അർഹമായ അംഗീകാരം നൽകുമെന്ന്​ മന്ത്രി വി. ശിവൻകുട്ടി അറിയിച്ചു. മന്ത്രിസഭ ഇക്കാര്യം ആലോചിച്ച്​ തീരുമാനിക്കും. തീരുമാനം വൈകില്ലെന്ന്​ മന്ത്രി നിയമസഭയിൽ പറഞ്ഞു.

നേരത്തെ വ്യവസായി ഡോ.ഷംസീർ വയലിൽ, മലപ്പുറം ജില്ലാ പഞ്ചായത്ത്​ എന്നിവർ ശ്രീജേഷിന്​ സമ്മാനം പ്രഖ്യാപിച്ചിരുന്നു. ഒരു കോടി രൂപ പാരിതോഷികമായി നൽകുമെന്നായിരുന്നു ഷംസീർ വയലിൽ അറിയിച്ചത്​. ഒരു ലക്ഷം രൂപ നൽകുമെന്ന്​ മലപ്പുറം ജില്ലാ പഞ്ചായത്തും പ്രഖ്യാപിച്ചിരുന്നു.

ടോക്യോ ഒളിമ്പിക്​സിൽ വർഷങ്ങൾക്ക്​ ശേഷം വെങ്കല മെഡൽ നേടിയ ടീമിൽ ശ്രീജേഷ്​ അംഗമായിരുന്നു. ഗോൾകീപ്പറായിരുന്നു ശ്രീജേഷിന്‍റെ സേവുകളാണ്​ ഇന്ത്യക്ക്​ നിർണായക മെഡൽ സമ്മാനിച്ചത്​.