ലോ​ക​ക​പ്പ് ഹോ​ക്കി: ഇന്ത്യക്ക് ക്രോസ് ഓവർ കടമ്പ

ഭു​വ​നേ​ശ്വ​ർ: ലോ​ക​ക​പ്പ് ഹോ​ക്കി​യി​ൽ നേ​രി​ട്ട് ക്വാ​ർ​ട്ട​ർ ഫൈ​ന​ലി​ൽ പ്ര​വേ​ശി​ക്കാ​മെ​ന്ന ഇ​ന്ത്യ​യു​ടെ ആ​ഗ്ര​ഹം ത​ല്ലി​ക്കെ​ടു​ത്തി വെ​യ്‍ൽ​സും ഇം​ഗ്ല​ണ്ടും. പൂ​ൾ ഡി​യി​ലെ അ​വ​സാ​ന മ​ത്സ​ര​ത്തി​ൽ വെ​യ്‍ൽ​സി​നെ 4-2നാ​ണ് ആ​തി​ഥേ​യ​ർ തോ​ൽ​പി​ച്ച​ത്. ഇ​ന്ത്യ​യെ​പ്പോ​ലെ ഇം​ഗ്ല​ണ്ടി​നും ഏ​ഴ് പോ​യ​ന്റാ​ണു​ള്ള​തെ​ങ്കി​ലും ഗോ​ൾ വ്യ​ത്യാ​സ​ത്തി​ന്റെ ബ​ല​ത്തി​ൽ പൂ​ൾ ജേ​താ​ക്ക​ളാ​യി ഇം​ഗ്ലീ​ഷു​കാ​ർ നേ​രി​ട്ട് ക്വാ​ർ​ട്ട​റി​ലേ​ക്ക് മു​ന്നേ​റി. ക്വാ​ർ​ട്ട​ർ തേ​ടി ഇ​ന്ത്യ​ക്ക് ക്രോ​സ് ഓ​വ​ർ മ​ത്സ​രം ക​ളി​ക്ക​ണം. ഞാ​യ​റാ​ഴ്ച ന​ട​ക്കു​ന്ന ക​ളി​യി​ൽ പൂ​ൾ സി​യി​ലെ മൂ​ന്നാം സ്ഥാ​ന​ക്കാ​രാ​യ ന്യൂ​സി​ല​ൻ​ഡാ​ണ് എ​തി​രാ​ളി​ക​ൾ. ഇ​തി​ൽ ജ​യി​ക്കു​ന്ന​വ​ർ​ക്ക് അ​വ​സാ​ന എ​ട്ടി​ൽ ഇ​ടം​കി​ട്ടും.

താ​ര​ത​മ്യേ​ന ദു​ർ​ബ​ല​രാ​യ വെ​യ്‍ൽ​സി​നെ വ​ലി​യ വ്യ​ത്യാ​സ​ത്തി​ൽ മ​റി​ക​ട​ന്നാ​ൽ ഇ​ന്ത്യ​ക്ക് നേ​രി​ട്ട് ക്വാ​ർ​ട്ട​റി​ലെ​ത്താ​മാ​യി​രു​ന്നു. എ​ന്നാ​ൽ, ക​ന​ത്ത വെ​ല്ലു​വി​ളി​യാ​ണ് എ​തി​രാ​ളി​ക​ൾ ഉ​യ​ർ​ത്തി​യ​ത്. ഗോ​ൾ​ര​ഹി​ത​മാ​യി​രു​ന്നു ആ​ദ്യ ക്വാ​ർ​ട്ട​ർ. 22ാം മി​നി​റ്റി​ൽ ഷാം​ഷ​ർ ആ​തി​ഥേ​യ​രു​ടെ അ​ക്കൗ​ണ്ട് തു​റ​ന്നു. മൂ​ന്നാം ക്വാ​ർ​ട്ട​റി​ൽ അ​ക്ഷ​ദീ​പ് (32) ആ​ണ് ര​ണ്ടാം ഗോ​ൾ സ്കോ​ർ ചെ​യ്ത​ത്. എ​ന്നാ​ൽ, 43ാം മി​നി​റ്റി​ൽ ഗാ​രെ​ത് ഫ​ർ​ലോ​ങ്ങി​ലൂ​ടെ ആ​ദ്യ തി​രി​ച്ച​ടി. 45ൽ ​ഡ്രാ​പ്പ​റും ഗോ​ൾ നേ​ടി​യ​തോ​ടെ സ്കോ​ർ 2-2. 46ൽ ​അ​ക്ഷ​ദീ​പ് വീ​ണ്ടും ഇ​ന്ത്യ​യെ മു​ന്നി​ലെ​ത്തി​ക്കു​ക​യാ​യി​രു​ന്നു. ക​ളി​തീ​രാ​ൻ നി​മി​ഷ​ങ്ങ​ൾ​മാ​ത്രം ശേ​ഷി​ക്കെ ക്യാ​പ്റ്റ​ൻ ഹ​ർ​മ​ൻ​പ്രീ​ത് സി​ങ്ങും (60) സ്കോ​ർ ചെ​യ്ത് ലീ​ഡു​യ​ർ​ത്തി.

വ്യാ​ഴാ​ഴ്ച സ്പെ​യി​നി​നെ എ​തി​രി​ല്ലാ​ത്ത നാ​ലു ഗോ​ളി​ന് തോ​ൽ​പി​ച്ചാ​ണ് ഇം​ഗ്ല​ണ്ട് ക്വാ​ർ​ട്ട​ർ ടി​ക്ക​റ്റെ​ടു​ത്ത​ത്. ആ​ദ്യ ക​ളി​യി​ൽ വെ​യ്‍ൽ​സി​നെ 5-0ത്തി​ന് ത​ക​ർ​ത്ത ഇം​ഗ്ലീ​ഷു​കാ​ർ ഇ​ന്ത്യ​യു​മാ​യി ഗോ​ൾ​ര​ഹി​ത സ​മ​നി​ല പി​ടി​ച്ചി​രു​ന്നു. ഇം​ഗ്ല​ണ്ടി​ന്റെ ഗോ​ൾ​വ്യ​ത്യാ​സം ഒ​മ്പ​തും ഇ​ന്ത്യ​യു​ടെ​ത് നാ​ലു​മാ​ണ്. വെ​യ്ൽ​സി​നെ​തി​രാ​യ ജ​യം ന​ൽ​കി​യ മൂ​ന്ന് പോ​യ​ന്റ് മാ​ത്ര​മാ​ണ് പൂ​ളി​ൽ സ്പെ​യി​നി​ന്റെ സ​മ്പാ​ദ്യം. പൂ​ൾ സി​യി​ലെ അ​വ​സാ​ന മ​ത്സ​ര​ത്തി​ൽ നെ​ത​ർ​ല​ൻ​ഡ്സ് മ​റു​പ​ടി​യി​ല്ലാ​ത്ത 14 ഗോ​ളി​ന് ചി​ലി​യെ ക​ശ​ക്കി ക്വാ​ർ​ട്ട​റി​ൽ പ്ര​വേ​ശി​ച്ചു. മ​ലേ​ഷ്യ ര​ണ്ടി​നെ​തി​രെ മൂ​ന്നു ഗോ​ളി​ന് ന്യൂ​സി​ല​ൻ​ഡി​നെ തോ​ൽ​പി​ച്ചു. മൂ​ന്നി​ൽ മൂ​ന്നു മ​ത്സ​ര​ങ്ങ​ളും ജ​യി​ച്ച് ഒ​മ്പ​ത് പോ​യ​ന്റു​മാ​യി പൂ​ൾ ജേ​താ​ക്ക​ളാ​യാ​ണ് ഡ​ച്ചു​കാ​രു​ടെ മു​ന്നേ​റ്റം. സി​യി​ലെ ര​ണ്ടാം സ്ഥാ​ന​ക്കാ​രാ​യ മ​ലേ​ഷ്യ​യും ഡി.​യി​ൽ മൂ​ന്നാ​മ​തെ​ത്തി​യ സ്പെ​യി​നും ക്വാ​ർ​ട്ട​ർ തേ​ടി ക്രോ​സ്ഓ​വ​ർ റൗ​ണ്ടി​ൽ ഞാ​യ​റാ​ഴ്ച ഏ​റ്റു​മു​ട്ടും.