ശ്രീ​ജേ​ഷ് മി​ന്നി; അ​ർ​ജ​ന്റീ​ന​ക്കെ​തി​രെ ഇ​ന്ത്യ​ക്ക് ജയം

അ​ന്റ്വെ​ർ​പ് (ബെ​ൽ​ജി​യം): എ​ഫ്.​ഐ.​എ​ച്ച് പ്രോ ​ലീ​ഗ് ഹോ​ക്കി യൂ​റോ​പ്യ​ൻ പാ​ദ​ത്തി​ൽ ഇ​ന്ത്യ​ക്ക് അ​ർ​ജ​ന്റീ​ന​ക്കെ​തി​രെ ജ​യ​വും തോ​ൽ​വി​യും. ഷൂ​ട്ടൗ​ട്ടി​ലേ​ക്ക് നീ​ണ്ട മ​ത്സ​ര​ത്തി​ൽ പു​രു​ഷ​ന്മാ​ർ വി​ജ​യം സ്വ​ന്ത​മാ​ക്കി​യ​പ്പോ​ൾ വ​നി​ത​ക​ൾ ദ​യ​നീ​യ തോ​ൽ​വി ഏ​റ്റു​വാ​ങ്ങി. നി​ശ്ചി​ത സ​മ​യം ക​ളി 2-2ൽ ​ക​ലാ​ശി​ച്ച​തി​നെ​ത്തു​ട​ർ​ന്നാ​ണ് ഷൂ​ട്ടൗ​ട്ട് വേ​ണ്ടി​വ​ന്ന​ത്.

തു​ട​ർ​ന്ന് മ​ല​യാ​ളി ഗോ​ൾ കീ​പ്പ​ർ പി.​ആ​ർ. ശ്രീ​ജേ​ഷ് ന​ട​ത്തി​യ ത​ക​ർ​പ്പ​ൻ സേ​വു​ക​ൾ സ​ഡ​ൻ ഡെ​ത്തി​ൽ 5-4ന്റെ ​ജ​യം സ​മ്മാ​നി​ക്കു​ക​യാ​യി​രു​ന്നു. 11ാം മി​നി​റ്റി​ൽ മ​ന്ദീ​പ് സി​ങ് നേ​ടി​യ ഗോ​ളി​ൽ ഇ​ന്ത്യ മു​ന്നി​ലെ​ത്തി. 20ാം മി​നി​റ്റി​ൽ മാ​ർ​ട്ടി​ന​സ് സ​മ​നി​ല പി​ടി​ച്ചു. 56ാം മി​നി​റ്റി​ൽ ല​ളി​ത് ഉ​പാ​ധ്യാ​യ് സ്കോ​ർ ചെ​യ്ത​തോ​ടെ ഇ​ന്ത്യ​ക്ക് വീ​ണ്ടും ലീ​ഡ്. എ​ന്നാ​ൽ, അ​വ​സാ​ന മി​നി​റ്റി​ലെ പെ​നാ​ൽ​റ്റി കോ​ർ​ണ​റി​ൽ തോ​മ​സ് ഡോ​മീ​നും സ​മ​നി​ല ക​ണ്ടെ​ത്തി.

മ​ത്സ​ര​ത്തി​ലു​ട​നീ​ളം മി​ന്നി​യ ശ്രീ​ജേ​ഷ് ഷൂ​ട്ടൗ​ട്ടി​ൽ ര​ണ്ട് ഗോ​ളു​ക​ളും നി​ഷേ​ധി​ച്ചു. അ​തേ​സ​മ​യം, പു​തി​യ പ​രി​ശീ​ല​ക​ൻ ഹ​രേ​ന്ദ്ര സി​ങ്ങി​ന് കീ​ഴി​ൽ ആ​ദ്യ മ​ത്സ​ര​ത്തി​നി​റ​ങ്ങി​യ ഇ​ന്ത്യ​ൻ വ​നി​ത​ക​ൾ എ​തി​രി​ല്ലാ​ത്ത അ​ഞ്ച് ഗോ​ളി​നാ​ണ് തോ​റ്റ​ത്.