Begin typing your search above and press return to search.
exit_to_app
exit_to_app
Homechevron_rightSportschevron_rightOther Gameschevron_righthockeychevron_rightആശങ്കയേറ്റി അവസാന...

ആശങ്കയേറ്റി അവസാന പെനാൽറ്റി കോർണർ; കൂളായി തടുത്തിട്ട്​ ശ്രീജേഷ്​, ഇന്ത്യൻ ജയത്തിൽ നിർണായകമായി മലയാളി താരം

text_fields
bookmark_border
ആശങ്കയേറ്റി അവസാന പെനാൽറ്റി കോർണർ; കൂളായി തടുത്തിട്ട്​ ശ്രീജേഷ്​, ഇന്ത്യൻ ജയത്തിൽ നിർണായകമായി മലയാളി താരം
cancel

41 വർഷത്തെ കാത്തിരിപ്പിന്​ വിരാമിട്ടാണ്​ ഇന്ത്യ ഹോക്കിയിൽ ഒരു ഒളിമ്പിക്​സ്​ മെഡൽ സ്വന്തമാക്കുന്നത്​. ജർമ്മനിക്കെതിരായ മത്സരത്തിൽ ജയിച്ച്​ വെങ്കലം നേടിയതോടെയാണ്​ ഇന്ത്യയുടെ കാത്തിരിപ്പിന്​ വിരാമമായത്​. 130 കോടി ഇന്ത്യക്കാരുടെ പ്രാർഥനകൾ സഫലമാക്കി ടേ​ാക്യോയിൽ നിന്ന്​ ഇന്ത്യൻ ഹോക്കി ടീം മടങ്ങു​േമ്പാൾ മലയാളികൾക്കും അഭിമാനിക്കാനേറേയുണ്ട്​. ജർമ്മനിക്കെതിരായ മത്സരത്തിൽ മിന്നും സേവുകളിലൂടെ ഇന്ത്യയുടെ കോട്ട കാത്തത്​ മലയാളിയായ ശ്രീജേഷായിരുന്നു. മലയാളി താരത്തിന്‍റെ സേവുകളില്ലായിരുന്നുവെങ്കിൽ ഒരു പക്ഷേ മത്സരഫലം മറ്റൊന്നായേനെ.

അവസാന സെക്കൻഡുകളിലെ പെനാൽറ്റി കോർണറടക്കം ഒ​മ്പതോളം സേവുകളാണ്​ ശ്രീജേഷ്​ നടത്തിയത്​. കളി തീരാൻ വെറും 12 സെക്കൻഡ്​ മാത്രം ബാക്കിയുള്ളപ്പോഴാണ്​ ജർമ്മനിക്ക്​ അനുകൂലമായി റഫറി പെനാൽറ്റി കോർണർ അനുവദിച്ചത്​. രാജ്യത്തിന്‍റെ ഹൃദയമിടിപ്പ്​ ഒരു നിമിഷം നിലച്ചുപോയ സമയം. ഇന്ത്യയുടെ ശ്രദ്ധ മുഴുവൻ ശ്രീജേഷ്​ എന്ന ഗോൾകീപ്പറിലായിരുന്നു. എന്നാൽ, വർഷങ്ങളുടെ കളിപരിചയം മുതലാക്കി ജർമ്മനിയുടെ പെനാൽറ്റി കോർണർ ശ്രീജേഷ്​ പ്രതിരോധിച്ചതോടെ ഹോക്കിയിൽ വീണ്ടുമൊരു ഒളിമ്പിക്​സ്​ മെഡലെന്ന ഇന്ത്യയുടെ വർഷങ്ങൾ നീണ്ട കാത്തിരിപ്പാണ്​ അവസാനിച്ചത്​​.

സീനിയർ ഗോൾകീപ്പറായ അഡ്രിയൻ ഡിസൂസയ്​ക്കും ഭാരത്​ ഛേത്രിക്കുമായി പലകുറി വഴിമാറി കൊടുക്കേണ്ടി വന്നിട്ടുണ്ടെങ്കിലും ഇന്ത്യൻ ഹോക്കിയിൽ സമാനതകളില്ലാത്ത നേട്ടമാണ്​ ശ്രീജേഷ്​ സ്വന്തമാക്കിയത്​. കൊളംബോയിൽ നടന്ന സൗത്ത്​ ഏഷ്യൻ ഗെയിംസിലാണ്​ ശ്രീജേഷ്​ അരങ്ങേറിയത്​. രണ്ട്​ വർഷത്തിന്​ ശേഷം നടന്ന ജൂനിയർ ഏഷ്യകപ്പിൽ ഇന്ത്യ കിരീടം നേടിയപ്പോൾ മികച്ച ഗോൾകീപ്പറായി ശ്രീജേഷ്​ വരവറിയിച്ചു. പിന്നീട്​ പല നിർണായക മത്സരങ്ങളിലും ഇന്ത്യയുടെ കോട്ട കാത്തത്​ ശ്രീജേഷായിരുന്നു. കളി തീരാൻ 12 സെക്കൻഡ്​ മാത്രം ബാക്കിയുള്ളപ്പോൾ ലഭിച്ച പെനാൽറ്റി കോർണർ ശ്രീജേഷ്​ സേവ്​ ചെയ്​തതിനെ അത്ഭുതകരമെന്നാണ്​ ക്രിക്കറ്റ്​ ഇതിഹാസം സചിൻ വിശേഷിപ്പിച്ചത്​.

Show Full Article
TAGS:Olympics 2021 indian hockey 
News Summary - Concerned final penalty corner; Sreejesh was a cool stop and a crucial Malayalee player in the Indian victory
Next Story