ഗ​ൾ​ഫ് ക​പ്പ് ട്വ​ന്റി20 ക്രി​ക്ക​റ്റ്; ഖത്തറിനായി അരങ്ങേറാൻ മൂന്ന് മലയാളികൾ

ദോ​ഹ: ലോ​ക​ക​പ്പ് ഫു​ട്ബാ​ളി​ന്റെ ആ​വേ​ശ​മൊ​ഴി​ഞ്ഞ ഖ​ത്ത​റി​ന്റെ മ​ണ്ണി​ൽ ക്രി​ക്ക​റ്റ് പൂ​ര​ത്തി​ന് കൊ​ടി​യേ​റു​മ്പോ​ൾ ബാ​റ്റി​ലും പ​ന്തി​ലും തീ​പ്പാ​റും സാ​ന്നി​ധ്യ​മാ​വാ​ൻ ഒ​രു​ങ്ങു​ക​യാ​ണ് മൂ​ന്ന് മ​ല​യാ​ളി​ക​ൾ. ക​ഴി​ഞ്ഞ ദി​വ​സം പ്ര​ഖ്യാ​പി​ച്ച ഖ​ത്ത​റി​ന്റെ 14 അം​ഗ ദേ​ശീ​യ ടീ​മി​ൽ ഓ​ൾ​റൗ​ണ്ട​റാ​യി കാ​സ​ർ​കോ​ട് ഉ​ളി​യ​ത്ത​ടു​ക സ്വ​ദേ​ശി മു​ഹ​മ്മ​ദ് ഇ​ർ​ഷാ​ദ്, ക​ണ്ണൂ​ർ അഴീക്കോട് സ്വ​ദേ​ശി ബു​ഹാ​രി, തി​രു​വ​ന​ന്ത​പു​രം സ്വ​ദേ​ശി ബി​പി​ൻ​കു​മാ​ർ എ​ന്നി​വ​രാ​ണ് ഇ​ടം​പി​ടി​ച്ച​ത്.

സെ​പ്റ്റം​ബ​ർ 15 മു​ത​ൽ 23 വ​രെ ഖ​ത്ത​ർ വേ​ദി​യാ​കു​ന്ന ഗ​ൾ​ഫ് രാ​ജ്യ​ങ്ങ​ളു​ടെ ട്വ​ന്റി20 ക്രി​ക്ക​റ്റ് ചാ​മ്പ്യ​ൻ​ഷി​പ്പി​നു​ള്ള ​ഖ​ത്ത​ർ ടീ​മി​നാ​യി മി​ന്നും​പോ​രാ​ട്ട​ത്തി​നു​ള്ള ഒ​രു​ക്ക​ത്തി​ലാ​ണ് മൂ​വ​രും. ക​ഴി​ഞ്ഞ ഏ​താ​നും മാ​സ​ങ്ങ​ളാ​യി നീ​ണ്ടു​നി​ന്ന പ​രി​ശീ​ല​ന​ങ്ങ​ൾ​ക്കൊ​ടു​വി​ലാ​യി​രു​ന്നു ദേ​ശീ​യ ടീ​മി​നെ ക​ഴി​ഞ്ഞ ദി​വ​സം പ്ര​ഖ്യാ​പി​ച്ച​ത്. സൗ​ദി അ​റേ​ബ്യ, കു​വൈ​ത്ത്, ഒ​മാ​ൻ, ബ​ഹ്റൈ​ൻ, യു.​എ.​ഇ എ​ന്നീ ടീ​മു​ക​ളാ​ണ് ഖ​ത്ത​റി​നൊ​പ്പം ടൂ​ർ​ണ​മെ​ന്റി​ൽ മാ​റ്റു​ര​ക്കു​ന്ന​ത്. ഏ​ഷ്യ​ൻ ടൗ​ൺ ക്രി​ക്ക​റ്റ് സ്റ്റേ​ഡി​യം വേ​ദി​യാ​കു​ന്ന ചാ​മ്പ്യ​ൻ​ഷി​പ്പി​ൽ മി​ക​ച്ച പ്ര​ക​ട​നം കാ​ഴ്ച​വെ​ച്ചാ​ൽ, സെ​പ്റ്റം​ബ​ർ-​ഒ​ക്ടോ​ബ​റി​ലാ​യി ന​ട​ക്കു​ന്ന ഏ​ഷ്യ​ൻ ക​പ്പ് ട്വ​ന്റി20 യോ​ഗ്യ​ത റൗ​ണ്ടി​നു​ള്ള ഖ​ത്ത​റി​ന്റെ കു​പ്പാ​യ​ത്തി​ലും ഇ​ടം പി​ടി​ക്കാ​നു​ള്ള ത​യാ​റെ​ടു​പ്പി​ലാ​ണ് ഇ​വ​ർ.

കാ​സ​ർ​കോ​ട് ജി​ല്ല ടീ​മി​നും, കേ​ര​ള​ത്തി​നാ​യി അ​ണ്ട​ർ 13 മു​ത​ൽ അ​ണ്ട​ർ 25 വ​രെ വി​വി​ധ പ്രാ​യ​വി​ഭാ​ഗ​ങ്ങ​ളി​ലും പാ​ഡ​ണി​ഞ്ഞ മു​ഹ​മ്മ​ദ് ഇ​ർ​ഷാ​ദ് ജീ​വി​ത പ്രാ​ര​ബ്ധ​ങ്ങ​ൾ​ക്കി​ടെ പാ​ഡ​ഴി​ച്ചു​വെ​ച്ച് ഏ​ഴു വ​ർ​ഷം മു​മ്പാ​യി​രു​ന്നു പ്ര​വാ​സി​യാ​യ​ത്. ഖ​ത്ത​റി​ലെ​ത്തി സ്വ​കാ​ര്യ സ്ഥാ​പ​ന​ത്തി​ൽ അ​ക്കൗ​ണ്ട​ന്റ് ആ​യി ജോ​ലി ചെ​യ്യു​ന്ന​തി​നി​ടെ​യും ക്രി​ക്ക​റ്റ് കൈ​വി​ട്ടി​ല്ല. ഇ​വി​ടെ സു​ഹൃ​ത്തു​ക്ക​ൾ​ക്കൊ​പ്പം പ്ര​മു​ഖ ടൂ​ർ​ണ​മെ​ന്റു​ക​ൾ​ക്കാ​യും, നാ​ട്ടി​ൽ അ​വ​ധി​ക്കെ​ത്തു​മ്പോ​ൾ ജി​ല്ല ലീ​ഗ് മ​ത്സ​ര​ങ്ങ​ളി​ലും ക​ളി​ച്ചു. അ​തി​നി​ടെ​യാ​ണ് ഖ​ത്ത​ർ ക്രി​ക്ക​റ്റ് അ​സോ​സി​യേ​ഷ​ൻ ദേ​ശീ​യ ക്യാ​മ്പി​ൽ പ​​ങ്കെ​ടു​ത്ത് മ​റൂ​ൺ കു​പ്പാ​യം സ്വ​പ്നം​ക​ണ്ടു തു​ട​ങ്ങു​ന്ന​ത്. ക​ഴി​ഞ്ഞ ര​ണ്ടു​വ​ർ​ഷ​മാ​യി ദേ​ശീ​യ ക്യാ​മ്പി​ന്റെ ഭാ​ഗ​മാ​യി​രു​ന്നു. പ​ല​ത​വ​ണ ത​ട്ടി​ത്തെ​റി​ച്ച അ​വ​സ​രം, ഇ​ത്ത​വ​ണ ഗ​ൾ​ഫ് ക​പ്പി​ലൂ​ടെ മു​ന്നി​ലെ​ത്തു​മ്പോ​ൾ മ​റൂ​ൺ കു​പ്പാ​യ​ത്തി​ൽ ഓ​ൾ​റൗ​ണ്ട​റാ​യി അ​ര​ങ്ങേ​റാ​നു​ള്ള ഒ​രു​ക്ക​ത്തി​ലാ​ണ്.

​നേ​ര​ത്തേ കേ​ര​ള​ത്തി​നാ​യി കൂ​ച്ച്ബി​ഹാ​ർ ട്രോ​ഫി, ബു​ച്ചി​ബാ​ബു ട്രോ​ഫി തു​ട​ങ്ങി​യ ദേ​ശീ​യ ചാ​മ്പ്യ​ൻ​ഷി​പ്പു​ക​ളി​ൽ ക​ള​ത്തി​ലി​റ​ങ്ങി. സ​ഞ്ജു സാം​സ​ൺ, സി.​പി റി​സ്‍വാ​ൻ എ​ന്നി​വ​ർ​ക്കൊ​പ്പം കേ​ര​ള കു​പ്പാ​യ​ത്തി​ലും കേ​ര​ള സ​ർ​വ​ക​ലാ​ശാ​ല​ക്കും കാ​സ​ർ​ഗോ​ഡ് ജി​ല്ലാ ടീ​മി​നും വേ​ണ്ടി പ​ല​ത​വ​ണ ക​ളി​ച്ചി​രു​ന്നു. ​മി​ക​ച്ച പേ​സ് ബൗ​ള​ർ എ​ന്ന നി​ല​യി​ൽ ശ്ര​ദ്ധേ​യ​നാ​വു​ന്ന​തി​നി​ടെ​യാ​ണ് ഏ​ഴു വ​ർ​ഷം മു​മ്പ് ഇ​ർ​ഷാ​ദ് ഖ​ത്ത​ർ പ്ര​വാ​സി​യാ​യി മാ​റി​യ​ത്.

തി​രു​വ​ന​ന്ത​പു​രം കാ​ട്ടാ​ക്ക​ട സ്വ​ദേ​ശി​യാ​യ ബി​പി​ൻ​കു​മാ​ർ ഖ​ത്ത​റി​ലെ ക്രി​ക്ക​റ്റ് ആ​രാ​ധ​ക​രു​ടെ പ്രി​യ​​പ്പെ​ട്ട ‘തു​മ്പ​ൻ’ ആ​ണ്. തി​രു​വ​ന​ന്ത​പു​രം മു​ത​ൽ കാ​സ​ർ​കോ​ട് വ​രെ എ​ല്ലാ​യി​ട​ങ്ങ​ളി​ലു​മെ​ത്തി ടെ​ന്നി​സ്ബാ​ൾ ക്രി​ക്ക​റ്റി​ൽ സൂ​പ്പ​ർ​താ​ര​മാ​യി മാ​റി​യ കാ​ല​മു​ണ്ടാ​യി​രു​ന്നു ബി​പി​ന്. പി​ന്നീ​ട് പ്ര​വാ​സി​യാ​യി ഒ​മ്പ​തു വ​ർ​ഷം മു​മ്പ് ഖ​ത്ത​റി​ലെ​ത്തി​യ​പ്പോ​ഴും ക്രി​ക്ക​റ്റി​നെ കൈ​വി​ട്ടി​ല്ല. ഇ​വി​ടെ, യൂ​റോ​പ് കാ​ർ എ​ന്ന സ്ഥാ​പ​ന​ത്തി​ൽ ജീ​വ​ന​ക്കാ​ര​നാ​ണ്. ക​മ്പ​നി​യു​ടെ ഡ​യ​റ​ക്ട​ർ കൂ​ടി​യാ​യ രാ​കേ​ഷ് വി​ജ​യ​കു​മാ​റി​നു കീ​ഴി​ലു​ള്ള ‘ട​സ്ക​ർ’ ക്രി​ക്ക​റ്റ് ടീ​മാ​ണ് താ​ൻ ഉ​ൾ​പ്പെ​ടെ​യു​ള്ള​വ​ർ​ക്ക് വീ​ണ്ടും ക​ളി​യു​ടെ ക്രീ​സ് തു​റ​ന്നു​ത​ന്ന​തെ​ന്ന് ബി​പി​ൽ പ​റ​യു​ന്നു. അ​വി​ടെ നി​ന്നും പ്ര​തി​ഭ തെ​ളി​യി​ച്ച് ഒ​ടു​വി​ൽ ദേ​ശീ​യ ടീ​മി​ൽ പേ​സ് ബൗ​ള​റും ബാ​റ്റ​റു​മാ​യി ചു​വ​ടു​വെ​ക്കാ​ൻ ഒ​രു​ങ്ങു​ക​യാ​ണ്.

നേ​ര​ത്തേ ഒ​രു ത​വ​ണ ദേ​ശീ​യ ടീ​മി​ലേ​ക്ക് അ​വ​സ​രം തേ​​ടി​യെ​ത്തി​യെ​ങ്കി​ലും കോ​വി​ഡി​നി​ട​യി​ൽ പാ​ഴാ​യി. പ്ര​തീ​ക്ഷ കൈ​വി​ടാ​തെ തു​ട​ർ​ന്ന ക​ളി​ക്കൊ​ടു​വി​ലാ​ണ് ഇ​പ്പോ​ൾ, വീ​ണ്ടും വി​ളി​യെ​ത്തി​യി​രി​ക്കു​ന്ന​തെ​ന്ന് ‘ബി​പി​ൻ കു​മാ​ർ’ ഗ​ൾ​ഫ് മാ​ധ്യ​മ​ത്തോ​ട് പ​റ​ഞ്ഞു. ഏഴുവർഷം മുമ്പ് പ്രവാസിയായി ഖത്തറിലെത്തിയ ബുഖാരി കണ്ണൂർ ജില്ലാതലത്തിൽ കളിച്ചിരുന്നു. പിന്നീട് എഞ്ചിനീയറിങ് പഠനത്തിരക്കിൽ സജീവ ക്രിക്കറ്റ് അവസാനിപ്പിച്ച ശേഷം, ഖത്തറിൽ ജോലി തേടിയെത്തയ ശേഷമായിരുന്നു വീണ്ടും ബാറ്റെടുത്തത്.

‘ട​സ്ക​റി​ൽ’ സ​ഹ​താ​ര​മാ​യ പ്രേം​സാ​ഗ​ർ ദേ​ശീ​യ ടീ​മി​ലി​ടം പി​ടി​ച്ചെ​ങ്കി​ലും അ​വ​സാ​ന ദി​ന​ങ്ങ​ളി​ലേ​റ്റ പ​രി​ക്കു​കാ​ര​ണം ഗ​ൾ​ഫ് ക​പ്പി​നു​ള്ള ടീ​മി​ൽ നി​ന്നും പു​റ​ത്താ​യി. എ​ങ്കി​ലും, പ​രി​ക്ക് മാ​റി​യെ​ത്തു​മ്പോ​ൾ അ​വ​സ​രം ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് തി​രു​വ​ന​ന്ത​പു​രം സ്വ​ദേ​ശി​യാ​യ പ്രേം. ​ഖ​ത്ത​റി​ന്റെ 14 അം​ഗ ടീ​മി​ൽ മൂ​ന്ന് മ​ല​യാ​ളി​ക​ൾ ഉ​ൾ​പ്പെ​ടെ അ​ഞ്ച് ഇ​ന്ത്യ​ക്കാ​രാ​ണ് ഇ​ടം നേ​ടി​യ​ത്. മി​ർ​സ അ​ദ്നാ​ൻ അ​ലി, ഹി​മാ​ൻ​ഷു റാ​ത്തോ​ഡ് എ​ന്നി​വ​രാ​ണ് മ​റ്റ് ഇ​ന്ത്യ​ൻ താ​ര​ങ്ങ​ൾ.