വെള്ളിത്തിളക്കത്തിലും കടത്തിന്റെ സങ്കടം; മത്സരങ്ങൾക്കും പരിശീലനത്തിനും ഫണ്ടില്ലാതെ ബേസ് ബോൾ താരം കെ.കാവ്യ

പാ​ല​ക്കാ​ട്: ക​ട​ക്കെ​ണി​ക്കി​ട​യി​ലാ​ണെ​ങ്കി​ലും അ​ന്താ​രാ​ഷ്ട്ര മ​ത്സ​ര​ത്തി​ൽ രാ​ജ്യ​ത്തി​നാ​യി പൊ​രു​തി വെ​ള്ളി മെ​ഡ​ൽ നേ​ടി​യ​തി​ന്‍റെ സ​ന്തോ​ഷ​ത്തി​ലാ​ണ് പി​രാ​യി​രി സ്വ​ദേ​ശി​നി കെ. ​കാ​വ്യ. ഏ​പ്രി​ൽ അ​വ​സാ​ന​വാ​രം താ​യ്‍ല​ൻ​ഡി​ൽ ന​ട​ന്ന നാ​ലാ​മ​ത് ബേ​സ്ബോ​ൾ വി​മ​ൻ​സ് ഏ​ഷ്യ​ൻ ക​പ്പ് ചാ​മ്പ്യ​ൻ​ഷി​പ്പി​ൽ വെ​ള്ളി മെ​ഡ​ൽ നേ​ടി​യ ഇ​ന്ത്യ​ൻ ടീം ​അം​ഗ​മാ​ണ് ഈ 24 ​കാ​രി. ആ​ദ്യ​മാ​യാ​ണ് ഇ​ന്ത്യ​ൻ വ​നി​താ ടീം ​അ​ന്താ​രാ​ഷ്ട്ര മ​ത്സ​ര​ത്തി​ൽ മെ​ഡ​ൽ ക​ര​സ്ഥ​മാ​ക്കു​ന്ന​ത്. കേ​ര​ള​ത്തി​ൽ​നി​ന്ന് ടീ​മി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ട ര​ണ്ടു​പേ​രി​ൽ ഒ​രാ​ളാ​ണ് കാ​വ്യ. എ​ന്നാ​ൽ, സ​ന്തോ​ഷ​ത്തി​നി​ട​യി​ലും ആ​ശ​ങ്ക​ക്ക് ശ​മ​ന​മി​ല്ല. ഒ​രു ല​ക്ഷ​ത്തോ​ളം രൂ​പ ക​ടം വാ​ങ്ങി​യാ​ണ് താ​യ്‍ല​ൻ​ഡി​ലേ​ക്ക് പോ​യ​ത്.

ചാ​മ്പ്യ​ൻ​ഷി​പ്പി​ൽ ശ്രീ​ല​ങ്ക​യു​ടെ കൂ​ടെ ന​ട​ന്ന ആ​ദ്യ മ​ത്സ​ര​ത്തി​ൽ 12-4ന് ​ഇ​ന്ത്യ വി​ജ​യി​ച്ചു. പാ​കി​സ്താ​ന്‍റെ കൂ​ടെ 2-1നും ​ഇ​റാ​ന്‍റെ കൂ​ടെ 13-0നും ​വി​ജ​യി​ച്ചു. ആ​തി​ഥേ​യ​രാ​യ താ​യ്‍ല​ൻ​ഡി​നൊ​പ്പം ന​ട​ന്ന ക​ടു​ത്ത മ​ത്സ​ര​ത്തി​ൽ 6-5 സ്കോ​റി​നാ​ണ് വി​ജ​യി​ച്ച​ത്. ഫൈ​ന​ൽ മ​ത്സ​ര​ത്തി​ൽ ഇ​ന്തോ​നീ​ഷ്യ​യു​മാ​യി പൊ​രു​തി​യെ​ങ്കി​ലും ര​ണ്ടാം സ്ഥാ​നം കൊ​ണ്ട് തൃ​പ്തി​പ്പെ​ടേ​ണ്ടി വ​ന്നു. മ​ത്സ​ര​ത്തോ​ടെ ഒ​ക്ടോ​ബ​റി​ൽ ചെ​ന്നൈ​യി​ൽ ന​ട​ക്കു​ന്ന ഏ​ഷ്യ​ൻ ഗെ​യിം​സി​ൽ പ​ങ്കെ​ടു​ക്കാ​ൻ ഇ​ന്ത്യ​ൻ ടീം ​യോ​ഗ്യ​ത നേ​ടി.

ചെ​ന്നൈ​യി​ലെ മ​ത്സ​ര​ത്തി​ൽ വി​ജ​യി​ച്ചാ​ൽ ലോ​ക​ക​പ്പ് യോ​ഗ്യ​ത നേ​ടും. കൂ​ലി​പ്പ​ണി​ക്കാ​രാ​യ പി​താ​വ് ക​ണ്ണ​നും അ​മ്മ സു​നി​ത​യും മ​ക​ളു​ടെ ആ​ഗ്ര​ഹ​ങ്ങ​ൾ​ക്ക് പൂ​ർ​ണ പി​ന്തു​ണ ന​ൽ​കു​ന്നു​ണ്ടെ​ങ്കി​ലും സാ​മ്പ​ത്തി​ക​മാ​യി ഏ​റെ പ്ര​യാ​സം നേ​രി​ടു​ന്നു​ണ്ട്. എം.​എ​ൽ.​എ മു​ഖേ​ന​യും മ​റ്റും ചെ​റു​സ​ഹാ​യ​ങ്ങ​ൾ ല​ഭി​ച്ചി​രു​ന്നു. എ​ന്നാ​ൽ, തു​ട​ർ​പ​രി​ശീ​ല​ന​ത്തി​നും മ​ത്സ​ര​ങ്ങ​ളി​ൽ പ​ങ്കെ​ടു​ക്കാ​നും ന​ല്ലൊ​രു തു​ക ആ​വ​ശ്യ​മു​ണ്ട്.

ഏ​ഷ്യ​ൻ ഗെ​യിം​സി​ൽ പ​ങ്കെ​ടു​ക്കാ​നു​ള്ള ത​യാ​റെ​ടു​പ്പി​ലാ​ണ് കാ​വ്യ. അ​തി​ന് മു​ന്നോ​ടി​യാ​യി ആ​ഗ​സ്റ്റി​ൽ പ​ഞ്ചാ​ബി​ൽ ഒ​രു മാ​സ​ത്തെ പ​രി​ശീ​ല​നം ഉ​ണ്ടാ​കും. ഇ​തി​നും ചെ​ല​വു​ണ്ട്. കേ​ര​ള​ത്തി​ൽ​നി​ന്ന് കാ​വ്യ​യും തൃ​ശൂ​ർ സ്വ​ദേ​ശി​നി​യാ​യ മ​റ്റൊ​രു പെ​ൺ​കു​ട്ടി​യും മാ​ത്ര​മാ​ണ് തെ​ര​ഞ്ഞെ​ടു​ക്ക​പ്പെ​ട്ട​ത്.

പ​റ​ളി സ്കൂ​ളി​ൽ അ​ത് ല​റ്റാ​യി​രു​ന്ന കാ​വ്യ മേ​ഴ്സി കോ​ളേജി​ൽ ബി​രു​ദ​ത്തി​ന് പ്ര​വേ​ശി​ച്ച ശേ​ഷ​മാ​ണ് ബേ​സ് ബോ​ൾ പ​രി​ശീ​ല​നം തു​ട​ങ്ങി​യ​ത്. സോ​ഫ്റ്റ് ബോ​ളും ക​ളി​ക്കും. അ​ഞ്ച് ദേ​ശീ​യ​ത​ല മ​ത്സ​ര​ങ്ങ​ളി​ലും അ​ഞ്ച് ഇ​ന്റ​ർ യൂ​നി​വേ​ഴ്സി​റ്റി മ​ത്സ​ര​ങ്ങ​ളി​ലും പ​ങ്കെ​ടു​ത്ത് മെ​ഡ​ലു​ക​ൾ നേ​ടി​യി​ട്ടു​ണ്ട്. തൃ​ശൂ​ർ സെ​ന്‍റ് മേ​രീ​സ് കോ​ള​ജി​ൽ എം.​എ ഹി​സ്റ്റ​റി ര​ണ്ടാം വ​ർ​ഷ വി​ദ്യാ​ർ​ഥി​നി​യാ​ണ്. താ​യ്‍ല​ൻ​ഡി​ലെ മ​ത്സ​രം ഏ​റെ ആ​ഗ്ര​ഹി​ച്ച് ല​ഭി​ച്ച അ​വ​സ​ര​മാ​ണെ​ന്ന് കാ​വ്യ പ​റ​ഞ്ഞു. മ​റ്റ് സം​സ്ഥാ​ന​ങ്ങ​ളി​ലെ താ​ര​ങ്ങ​ൾ​ക്ക് യാ​ത്രാ​ചെ​ല​വ് അ​ത​ത് സം​സ്ഥാ​ന​ങ്ങ​ൾ വ​ഹി​ക്കു​മ്പോ​ഴാ​ണ് കാ​വ്യ​യെ പോ​ലു​ള്ള മി​ക​ച്ച താ​ര​ങ്ങ​ൾ ക​ഴി​വു​ണ്ടാ​യി​ട്ടും മു​ന്നോ​ട്ടു​പോ​കാ​ൻ വ​ഴി​യി​ല്ലാ​തെ പ്ര​യാ​സ​പ്പെ​ടു​ന്ന​ത്.