ഇബ്രാഹീമോവിച്ചിനെ​ കുരുക്കി 'വാതുവെപ്പ്​'; അന്വേഷണ സംഘത്തെ വെച്ച്​ യുവേഫ

സ്​റ്റോക്​ഹോം: ദേശീയ കുപ്പായത്തിലും യൂറോപ്യൻ സോക്കറിലും മടക്കം​ ആഘോഷമാക്കിയ സൂപർ താരം ഇബ്രാഹീമോവിച്ചിന്​ അസമയത്തെ കുരുക്കായി വാതുവെപ്പ്​ കമ്പനിയിലെ പങ്കാളിത്തം. വാതുവെപ്പിൽ സാമ്പത്തിക താൽപര്യം ഒരുനിലക്കും അംഗീകരിക്കാത്ത യുവേഫ നിയമം ഉണ്ടെന്നിരിക്കെ പങ്കാളിത്തമെടുത്തത്​ അന്വേഷിച്ച്​ നടപടിക്കൊരുങ്ങുകയാണ്​ യൂറോപ്യൻ ഫുട്​ബാൾ ​​​സംഘടനകളുടെ കൂട്ടായ്​മയായ യുവേഫ. 40ാം ജന്മദിനാഘോഷത്തിലേക്ക്​ ചുവടുവെക്കുന്ന താരം ചെറിയ ഇ​​ടവേള വരെയാണ്​ വാതുവെപ്പ്​ കമ്പനിയിൽ പങ്കാളിയായത്​. കാലയളവ്​ എത്ര ചെറുതായാലും പ്രഫഷനൽ ഫുട്​ബാളിൽ നിലനിൽക്കുന്നിടത്തോളം അരുതാത്ത കാര്യം ചെയ്​തത്​ അന്വേഷിക്കാൻ പ്രത്യേക സമിതിയെ വെച്ചതായി യുവേഫ അറിയിച്ചു. കുറ്റക്കാരനെന്നു കണ്ടാൽ നടപടി നേരിടേണ്ടിവരും.

ഈ സീസണിൽ 25 കളികളിലായി 17 ഗോളുകൾ നേടിയ താരം അഞ്ചു വർഷത്തിനു ശേഷം സ്വീഡ​െൻറ ദേശീയ ജഴ്​സിയിലും തിരിച്ചെത്തിയിരുന്നു.

അതിനിടെ, കോപ ഇറ്റാലിയ മത്സരത്തിനിടെ ഇൻറർ മിലാൻ താരം റൊമേലു ലുക്കാക്കുവുമായി അടിയുണ്ടാക്കിയതിന്​ കഴിഞ്ഞ ദിവസം 4,000 യൂറോ പിഴയും കിട്ടിയിട്ടുണ്ട്​. വംശീയ പരാമർശം നടത്തിയെന്ന ആരോപണം പക്ഷേ, ഇബ്രാഹീമോവിച്ച്​ നിഷേധിച്ചിട്ടുണ്ട്​. ലുക്കാക്കുവിന്​ 3,000 യൂറോ ആണ്​ പിഴ.