സ്ലാട്ടൻ ഇബ്രഹിമോവിച് കോവിഡ്​ മുക്തനായി

മിലാൻ: സ്വീഡിഷ്​ സൂപ്പർതാരം സ്ലാട്ടൻ ഇബ്രഹിമോവിച് കോവിഡ്​ മുക്തനായതായി ഇറ്റാലിയൻ ഫുട്​ബാൾ ക്ലബായ എ.സി മിലാൻ അറിയിച്ചു. രണ്ട്​ പ്രാവശ്യം നടത്തിയ പരിശോധനയിലും താരത്തി​െൻറ ഫലം നെഗറ്റീവായതായി ക്ലബ്​ പ്രസ്​താവനയിലൂടെ അറിയിച്ചു. ഇതോടെ ക്വാറൻറീൻ പൂർത്തിയാക്കിയ താരം ഉടൻ കളിക്കളത്തിൽ തിരിച്ചെത്തും. ​

താൻ രോഗമുക്തനായി ക്വാറൻറീൻ പൂർത്തിയാക്കിയതായും പുറത്തുപോകാൻ ആരോഗ്യ മന്ത്രാലയം അധികൃതർ അനുമതി നൽകിയതായി 39കാരനായ ഇബ്ര സമൂഹമാധ്യമങ്ങളിൽ കുറിച്ചു.

കഴിഞ്ഞ ദിവസം ഇബ്രയുടെ പരിശോധന ഫലം പോസിറ്റീവായിരുന്നു. ഇതോടെ ഒക്​ടോബർ 17 നടക്കേണ്ട മിലാൻ ഡെർബിയിൽ സൂപ്പർ താരത്തി​െൻറ സേവനം ലഭ്യമാകില്ലെന്ന ആശങ്കയിലായിരുന്നു അധികൃതരും ആരാധകരും. സെപ്​റ്റംബർ 24നായിരുന്നു​ ഇബ്രഹിമോവിചിന്​ കോവിഡ്​ സ്​ഥിരീകരിച്ചത്​.

രണ്ട്​ മിലാൻ കളിക്കാരും അഞ്ച്​ ഇൻറർ കളിക്കാരും സെൽഫ്​ ഐസൊലേഷനിൽ ആയതിനാൽ ഡെർബിയുടെ ഭാവി അനിശ്ചിതത്വത്തിലാണ്​. ഇബ്രയുടെ അഭാവത്തിലും സീരി 'എ'യിലെ ആദ്യ മൂന്ന്​ മത്സരങ്ങൾ വിജയിച്ച മിലാൻ പോയൻറ്​ പട്ടികയിൽ മൂന്നാം സ്​ഥാന​ത്തേക്ക്​ കയറിയിരുന്നു. ഗോൾ ശരാശരിയിൽ അത്​ലാൻറയാണ്​ ഒന്നാമത്​.