ഖ​ത്ത​റി​ന് വി​ജ​യ രാ​ത്രി

ദോ​ഹ: 40 ദി​വ​സം മു​മ്പ് ഏ​ഷ്യ​ൻ ക​പ്പ് ഫു​ട്ബാ​ൾ ക​ലാ​ശ​പ്പോ​രാ​ട്ട​ത്തി​ൽ ലു​സൈ​ലി​ൽ അ​വ​സാ​നി​പ്പി​ച്ചി​ട​ത്തു നി​ന്നാ​യി​രു​ന്നു വ്യാ​ഴാ​ഴ്ച രാ​ത്രി​യി​ൽ ജാ​സിം ബി​ൻ അ​ലി സ്റ്റേ​ഡി​യ​ത്തി​ൽ തു​ട​ങ്ങി​യ​ത്. ഗ​ൾ​ഫി​ലെ അ​യ​ൽ​ക്കാ​രാ​യ കു​വൈ​ത്തി​നെ​തി​രെ ത​ങ്ങ​ളു​ടെ ലോ​ക​ക​പ്പ് 2026-ഏ​ഷ്യ​ൻ ക​പ്പ് 2027 യോ​ഗ്യ​താ റൗ​ണ്ടി​ലെ മ​ത്സ​ര​ങ്ങ​ളി​ൽ ബൂ​ട്ടു കെ​ട്ടി​യ​പ്പോ​ൾ മൂ​ന്നു ഗോ​ളി​ന്റെ ത്ര​സി​പ്പി​ക്കു​ന്ന ജ​യ​വു​മാ​യി അ​ക്രം അ​ഫീ​ഫി​ന്റെ​യും സം​ഘ​വും തു​ട​ങ്ങു​ന്നു. ഏ​ഷ്യ​ൻ ക​പ്പി​ൽ രാ​ജ്യ​ത്തി​​ന്റെ വി​ജ​യ ശി​ൽ​പി​യാ​യ അ​ക്രം അ​ഫീ​ഫ് ഇ​ര​ട്ട ഗോ​ളു​ക​ളു​മാ​യി ഇ​ത്ത​വ​ണ​യും താ​ര​മാ​യി. ക​ളി​യു​ടെ 47, 68 മി​നി​റ്റു​ക​ളി​ലാ​യി​രു​ന്നു അ​ഫീ​ഫ് വ​ല​കു​ലു​ക്കി​യ​ത്. ഖ​ത്ത​റി​ന്റെ മു​ന്നേ​റ്റ​ങ്ങ​ളെ ത​ട​ഞ്ഞു​കൊ​ണ്ട് ഒ​ന്നാം പ​കു​തി ഗോ​ൾ​ര​ഹി​ത​മാ​ക്കു​ന്ന​തി​ൽ കു​വൈ​ത്ത് വി​ജ​യി​ച്ചെ​ങ്കി​ൽ ര​ണ്ടാം പ​കു​തി​യി​ൽ ക​ളി മാ​റി. ഖ​ത്ത​റി​ന്റെ വി​ങ്ങി​ൽ നി​ന്നും മു​ഹ​മ്മ​ദ് വാ​ദ് തൊ​ടു​ത്ത ലോ​ങ് ബാ​ൾ ക്ലി​യ​ർ ചെ​യ്യാ​ൻ മ​റ​ന്ന കു​വൈ​ത്ത് പ്ര​തി​രോ​ധ​ത്തി​ന്റെ വീ​ഴ്ച മു​ത​ലെ​ടു​ത്താ​യി​രു​ന്നു അ​ക്രം ആ​ദ്യ ഗോ​ൾ നേ​ടി​യ​ത്.

51ാം മി​നി​റ്റി​ൽ 19കാ​ര​ൻ അ​ഹ​മ്മ​ദ് ഹു​സാം അ​ൽ റാ​വി ര​ണ്ടാം ഗോ​ൾ നേ​ടി. അ​ക്രം അ​ഫീ​ഫ് ന​ൽ​കി​യ ക്രോ​സ് ആ​ദ്യ ട​ച്ചി​ൽ അ​ൽ റാ​വി പോ​സ്റ്റി​ലേ​ക്ക് പാ​യി​ച്ചെ​ങ്കി​ലും കു​വൈ​ത്ത് ഗോ​ളി​യു​ടെ ഡൈ​വി​ൽ ത​ട്ടി​ റീ​ബൗ​ണ്ട് ചെ​യ്ത​പ്പോ​ൾ, അ​തേ വേ​ഗ​ത്തി​ൽ അ​ൽ റാ​വി വീ​ണ്ടും പ​റ​ത്തി​യ​പ്പോ​ൾ വ​ല​കു​ലു​ങ്ങി. 68ാം മി​നി​റ്റി​ലാ​യി​രു​ന്നു അ​ഫീ​ഫ് മൂ​ന്നാം ഗോ​ൾ നേ​ടി​യ​ത്. ഗ്രൂ​പ്പ് ‘എ’​യി​ലെ മൂ​ന്നാം ജ​യ​വു​മാ​യി മു​ഴു​വ​ൻ പോ​യ​ന്റും നേ​ടി​യ ഖ​ത്ത​ർ ഒ​മ്പ​ത് പോ​യ​ന്റു​മാ​യി ബ​ഹു​ദൂ​രം മു​ന്നി​ലെ​ത്തി. ആ​ദ്യ മ​ത്സ​ര​ത്തി​ൽ അ​ഫ്ഗാ​നെ​യും (8-1), ശേ​ഷം ഇ​ന്ത്യ​യെ​യും (3-0) തോ​ൽ​പ്പി​ച്ച​വ​ർ ആ​ദ്യ പാ​ദം പൂ​ർ​ത്തി​യാ​യ​പ്പോ​ൾ ത​ന്നെ വെ​ല്ലു​വി​ളി​ക​ളി​ല്ലാ​തെ അ​ടു​ത്ത ഘ​ട്ട​ത്തി​ലേ​ക്ക് ഇ​ടം ഉ​റ​പ്പി​ച്ചു ക​ഴി​ഞ്ഞു. ര​ണ്ടാം പാ​ദ​ത്തി​ലെ ആ​ദ്യ മ​ത്സ​ര​ത്തി​ൽ മാ​ർ​ച്ച് 26ന് ​ഖ​ത്ത​ർ കു​വൈ​ത്തി​നെ അ​വ​രു​ടെ നാ​ട്ടി​ൽ നേ​രി​ടും. ജൂ​ൺ ആ​റി​ന് അ​ഫ്ഗാ​ൻ, 11ന് ​ഇ​ന്ത്യ എ​ന്നി​വ​ർ​ക്കെ​തി​രെ​യാ​ണ് ശേ​ഷി​ക്കു​ന്ന മ​ത്സ​ര​ങ്ങ​ൾ.

ഗ്രൂ​പ്പി​ലെ ആ​ദ്യ ര​ണ്ടു സ്ഥാ​ന​ക്കാ​ർ ലോ​ക​ക​പ്പ് യോ​ഗ്യ​ത​യു​ടെ മൂ​ന്നാം റൗ​ണ്ടി​ലേ​ക്കും അ​തേ​സ​മ​യം, ഏ​ഷ്യ​ൻ ക​പ്പി​ന് നേ​രി​ട്ടും യോ​ഗ്യ​ത ഉ​റ​പ്പി​ക്കും. റ​മ​ദാ​നി​ലെ രാ​ത്രി​യി​ൽ ന​ട​ന്ന മ​ത്സ​ര​ത്തി​ൽ നി​റ​ഞ്ഞ ഗാ​ല​റി​യു​ടെ പി​ന്തു​ണ​യി​ലാ​യി​രു​ന്നു ഖ​ത്ത​ർ ക​ള​ത്തി​ലി​റ​ങ്ങി​യ​ത്.