ലോ​ക​ക​പ്പ്​ ഫു​ട്​​ബാ​ൾ: സ്‍പെയ്നും ​ജർമനിയും ഒരു ഗ്രൂപ്പിൽ, അർജന്റീനക്ക് കടുത്ത എതിരാളികൾ

ദോ​ഹ: ഖത്തർ ലോകകപ്പിൽ ഓരോ ഗ്രൂപ്പിലെയും ടീമുകളുടെ നറുക്കെടുപ്പ് അവസാനിച്ചു. എട്ട് ഗ്രൂപ്പുകളിലായി 29 ടീമുകളെയാണ് തെരഞ്ഞെടുത്തത്.

ഗ്രൂപ്പ് എ: ഖത്തർ, നെതർലൻഡ്സ്, സെനഗൽ, ഇക്വഡോർ.

ഗ്രൂപ്പ് ബി: ഇംഗ്ലണ്ട്, യു.എസ്.എ, ഇറാൻ, യൂറോപ്യൻ ​പ്ലേ ഓഫ് വിജയികൾ (സ്കോട്‍ലൻഡ്/വെയ്ൽസ്​/യുക്രെയ്ൻ).

ഗ്രൂപ്പ് സി: അർജന്റീന, മെക്സികോ, പോളണ്ട്, സൗദി അറേബ്യ.

ഗ്രൂപ്പ് ഡി: ഫ്രാൻസ്, ഡെൻമാർക്ക്, തുനീഷ്യ, ഇ​ന്‍റ​ർ​കോ​ണ്ടി​നെ​ന്‍റ​ൽ ​​പ്ലേ ​ഓ​ഫ് 1 വിജയികൾ (യു.എ.ഇ/ആസ്ട്രേലിയ/പെറു).

ഗ്രൂപ്പ് ഇ: സ്‍പെയ്ൻ, ജർമനി, ജപ്പാൻ, ഇ​ന്‍റ​ർ​കോ​ണ്ടി​നെ​ന്‍റ​ൽ ​​പ്ലേ ​ഓ​ഫ് 2 വിജയികൾ (കോസ്റ്ററിക്ക/ന്യൂസിലൻഡ്).

ഗ്രൂപ്പ് എഫ്: ബെൽജിയം, ക്രൊയേഷ്യ, മൊറോക്കോ, കാനഡ.

ഗ്രൂപ്പ് ജി: ബ്രസീൽ, സ്വിറ്റ്സർലൻഡ്, സെർബിയ, കാമറൂൺ.

ഗ്രൂപ്പ് എച്ച്: പോർചുഗൽ, ഉറുഗ്വേ, ദക്ഷിണ കൊറിയ, ഘാന.

നവംബർ 21ന്​ നടക്കുന്ന ഉദ്​ഘാടന മത്സരത്തിൽ ഖത്തറിന്​ ഇക്വഡോർ ആണ് എതിരാളികൾ. നവംബർ 22ന് സൗദി അറേബ്യക്കെതിരെയാണ് അർജന്റീനയുടെ ആദ്യ മത്സരം. നവംബർ 24ന് ബ്രസീൽ കളത്തിലിറങ്ങും. സെർബിയയാണ് എതിരാളികൾ. നവംബർ 27നാണ് സ്‍പെയ്ൻ-ജർമനി മത്സരം.

ലഈബ്​';​ ലോകകപ്പിൻെറ ഭാഗ്യമുദ്ര

പ്രതിഭയുള്ള കളിക്കാരൻ എന്ന അർത്ഥം വരുന്ന 'ലഈബ്​' ആണ്​ ഖത്തർ ലോകകപ്പിൻെറ ഭാഗ്യമുദ്ര. നറുക്കെടുപ്പ്​ വേദിയിലാണ്​ ഭാഗ്യമുദ്ര പുറത്തിറക്കിയത്​.

72-ാമ​ത്​ ഫി​ഫ കോ​ൺ​ഗ്ര​സി​ന്‍റെ വേ​ദി​യാ​യ ദോ​ഹ എ​ക്സി​ബി​ഷ​ൻ ആ​ൻ​ഡ്​ ക​ൺ​വെ​ൻ​ഷ​ൻ സെ​ന്‍റ​റി​ൽ ഖ​ത്ത​ർ സ​മ​യം രാ​ത്രി ഏ​ഴി​നാ​ണ്​​ (ഇ​ന്ത്യ​ൻ സ​മ​യം രാ​ത്രി 9.30ന്) ​ന​റു​ക്കെ​ടു​പ്പ് ആരംഭിച്ചത്. ലോ​ക​ക​പ്പി​ന്‍റെ വി​ളം​ബ​ര​മാ​യി മാ​റു​ന്ന ന​റു​ക്കെ​ടു​പ്പ്​ ച​ട​ങ്ങി​ന്​ സാ​ക്ഷി​യാ​വാ​ൻ കാ​ൽ​പ​ന്തു​ക​ളി​യി​ലെ ഇ​തി​ഹാ​സ താ​ര​ങ്ങ​ൾ​ ഖ​ത്ത​റി​ന്‍റെ മ​ണ്ണി​ലെ​ത്തി​യിരുന്നു. ഇ​വ​ർ​ക്കു പു​റ​മെ, യോ​ഗ്യ​ത നേ​ടി ടീ​മു​ക​ളെ​യും ഫെ​ഡ​റേ​ഷ​നു​ക​ളെ​യും പ്ര​തി​നി​ധീ​ക​രി​ച്ച്​ മു​ൻ​കാ​ല ഫു​ട്​​ബാ​ൾ താ​ര​ങ്ങ​ളും, മേ​ധാ​വി​ക​ളും ക​ഴി​ഞ്ഞ ദി​വ​സം ത​ന്നെ ദോ​ഹ​യി​ലെ​ത്തി. ​

ന​വം​ബ​ർ 21ന്​ ​കി​ക്കോ​ഫ്​ കു​റി​ച്ച്​ ഡി​സം​ബ​ർ 31ന്​ ​സ​മാ​പി​ക്കു​ന്ന ലോ​ക​ക​പ്പി​നു​ള്ള യോ​ഗ്യ​ത പോ​രാ​ട്ട​ങ്ങ​ൾ ക​ഴി​ഞ്ഞ രാ​ത്രി​യി​ലാ​ണ്​ അ​വ​സാ​നി​ച്ച​ത്. ഏ​റ്റ​വും ഒ​ടു​വി​ലാ​യി കോ​ൺ​ക​കാ​ഫി​ൽ നി​ന്നും മെ​ക്സി​കോ​യും അ​മേ​രി​ക്ക​യും കൂ​ടി യോ​ഗ്യ​ത നേ​ടി​യ​തോ​ടെ 29 ടീ​മു​ക​ളു​ടെ​യും ചി​ത്രം തെ​ളി​ഞ്ഞിരുന്നു. ആ​കെ മ​ത്സ​രി​ക്കു​ന്ന 32ൽ ​ശേ​ഷി​ക്കു​ന്ന മൂ​ന്ന്​ ടീ​മു​ക​ൾ പി​ന്നീ​ട്​ തീ​രു​മാ​നി​ക്ക​പ്പെ​ടും.

ജൂ​ണി​ൽ ന​ട​ക്കു​ന്ന ഇ​ന്‍റ​ർ​കോ​ണ്ടി​നെ​ന്‍റ​ൽ ​​പ്ലേ ​ഓ​ഫ്​ ക​ളി​ച്ചാ​ണ്​ ര​ണ്ടു ടീ​മു​ക​ൾ യോ​ഗ്യ​ത നേ​ടു​ക. കോ​ൺ​ക​കാ​ഫ്​ -ഓ​ഷ്യാ​നി​യ ​പ്ലേ ​ഓ​ഫി​ൽ കോ​സ്റ്റ​റീ​ക - ന്യൂ​സി​ല​ൻ​ഡി​നെ നേ​രി​ടും. ര​ണ്ടാം ​പ്ലേ ​ഓ​ഫി​ൽ പെ​റു​വി​ന്​ ഏ​ഷ്യ​ൻ മേ​ഖ​ല നാ​ലാം റൗ​ണ്ടി​ലെ വി​ജ​യി​ക​ളാ​വും എ​തി​രാ​ളി​ക​ൾ.

ശേ​ഷി​ക്കു​ന്ന ഒ​രു ടി​ക്ക​റ്റ്​ യു​ക്രെ​യ്​​ൻ - റഷ്യ യു​ദ്ധം കാ​ര​ണം താ​ൽ​കാ​ലി​കമാ​യി മു​ട​ങ്ങി​യി​രി​ക്കു​ക​യാ​ണ്. ​യു​ക്രെ​യ്​​ൻ - സ്​​കോ​ട്​​ല​ൻ​ഡ്​ മ​ത്സ​ര​ത്തി​ൽ വി​ജ​യി​ക​ൾ ഫൈ​ന​ലി​ൽ വെ​യി​ൽ​സി​നെ​യാ​വും നേ​രി​ടു​ക. നി​ല​വി​ലെ സാ​ഹ​ച​ര്യ​ത്തി​ൽ ഇ​തു​സം​ബ​ന്ധി​ച്ച്​ അ​ന്തി​മ തീ​രു​മാ​ന​മാ​യി​ട്ടി​ല്ല.

യോ​ഗ്യ​ത നേ​ടി​യ 29 ടീ​മു​ക​ൾ

ആ​തി​ഥേ​യ​ർ: ഖ​ത്ത​ർ

യൂ​റോ​പ്​ (12):

ബെ​ൽ​ജി​യം, ക്രൊ​യേ​ഷ്യ, ഡെ​ന്മാ​ർ​ക്, ഇം​ഗ്ല​ണ്ട്, ​ഫ്രാ​ൻ​സ്, ജ​ർ​മ​നി, നെ​ത​ർ​ല​ൻ​ഡ്​​സ്, സെ​ർ​ബി​യ, സ്​​പെ​യി​ൻ, സ്വി​റ്റ്​​സ​ർ​ല​ൻ​ഡ്, പോ​ള​ണ്ട്, പോ​ർ​ചു​ഗ​ൽ.

സൗ​ത്ത്​ അ​മേ​രി​ക്ക (4):

അ​ർ​ജ​ന്‍റീ​ന, ബ്ര​സീ​ൽ, എ​ക്വ​ഡോ​ർ, ഉ​റു​ഗ്വാ​യ്​.

ഏ​ഷ്യ (4):

ഇ​റാ​ൻ, ജ​പ്പാ​ൻ, സൗ​ദി അ​റേ​ബ്യ, ദക്ഷിണ കൊ​റി​യ.

ആ​ഫ്രി​ക്ക (5):

സെ​ന​ഗാ​ൾ, കാ​മ​റൂ​ൺ, ഘാ​ന, മൊ​റോ​ക്കോ, തു​നീ​ഷ്യ.

കോ​ൺ​ക​കാ​ഫ് (3)​:

കാ​ന​ഡ, അ​മേ​രി​ക്ക, മെ​ക്സി​കോ.