വ​നി​ത ലീ​ഗ്; ഗോ​കു​ലം-​കി​ക്ക് സ്റ്റാർട്ട് ഫൈനൽ ഇന്ന് ​

അ​ഹ്മ​ദാ​ബാ​ദ്: ഇ​ന്ത്യ​ൻ വ​നി​ത ലീ​ഗി​ൽ അ​പ​രാ​ജി​ത​യാ​ത്ര തു​ട​ർ​ന്ന് ക​ലാ​ശ​ക്ക​ളി​ക്ക് യോ​ഗ്യ​ത നേ​ടി​യ ഗോ​കു​ലം കേ​ര​ള എ​ഫ്.​സി​ക്ക് ഞാ​യ​റാ​ഴ്ച കി​രീ​ട​പ്പോ​രാ​ട്ടം. ട്രാ​ൻ​സ്റ്റേ​ഡി​യ​യി​ൽ വൈ​കീ​ട്ട് ആ​റി​ന് ന​ട​ക്കു​ന്ന മ​ത്സ​ര​ത്തി​ൽ കി​ക്ക് സ്റ്റാ​ർ​ട്ട് എ​ഫ്.​സി​യാ​ണ് മ​ല​ബാ​റി​യ​ൻ​സി​ന്റെ എ​തി​രാ​ളി​ക​ൾ.

വെ​ള്ളി​യാ​ഴ്ച സെ​മി ഫൈ​ന​ലി​ൽ ഈ​സ്റ്റേ​ൺ സ്പോ​ർ​ട്ടി​ങ് യൂ​നി​യ​നെ 5-1ന് ​ത​ക​ർ​ത്താ​ണ് ഗോ​കു​ലം ഫൈ​ന​ലി​ലെ​ത്തി​യ​ത്. നി​ല​വി​ലെ ചാ​മ്പ്യ​ന്മാ​ർ​ക്കു​വേ​ണ്ടി സ​ബി​ത്ര ഭ​ണ്ഡാ​രി​യും ഇ​ന്ദു​മ​തി ക​തി​രേ​ശ​നും ഇ​ര​ട്ട ഗോ​ളു​ക​ൾ നേ​ടി. വി​വി​യ​ൻ കൊ​നാ​ഡി​ന്റെ വ​ക​യാ​യി​രു​ന്നു മ​റ്റൊ​രു ഗോ​ൾ.

2019-20, 2021-22 വ​നി​ത ലീ​ഗ് ജേ​താ​ക്ക​ളാ​യ ഗോ​കു​ലം ഹാ​ട്രി​ക് കി​രീ​ട​ത്തി​ന​രി​കി​ലാ​ണ്. കോ​വി​ഡ് കാ​ര​ണം 2020-21ൽ ​മ​ത്സ​ര​ങ്ങ​ൾ ന​ട​ന്നി​ല്ല. ഇ​ക്കു​റി ഗ്രൂ​പ് എ ​ജേ​താ​ക്ക​ളാ​യാ​ണ് ഗോ​കു​ലം ക്വാ​ർ​ട്ട​ർ ഫൈ​ന​ലി​ലേ​ക്ക് യോ​ഗ്യ​ത നേ​ടി​യ​ത്.

ഏ​ഴി​ൽ ആ​റ് മ​ത്സ​ര​ങ്ങ​ളി​ലും മി​ക​ച്ച ജ​യം നേ​ടി​യ​പ്പോ​ൾ മി​സാ​ക യു​നൈ​റ്റ​ഡ് ഗോ​കു​ല​ത്തെ ഗോ​ൾ​ര​ഹി​ത സ​മ​നി​ല​യി​ൽ ത​ള​ച്ചു. 28 ഗോ​ളു​മാ​യി ടോ​പ് സ്കോ​റ​ർ പ​ദ​വി ഉ​റ​പ്പി​ച്ച നേ​പ്പാ​ളി സ്ട്രൈ​ക്ക​ർ സ​ബി​ത്ര ഭ​ണ്ഡാ​രി​യി​ലും ഇ​തു​വ​രെ 10 ത​വ​ണ എ​തി​ർ​വ​ല​യി​ൽ പ​ന്തെ​ത്തി​ച്ച ഇ​ന്ദു​മ​തി​യി​ലും ചാ​മ്പ്യ​ന്മാ​ർ വ​ലി​യ പ്ര​തീ​ക്ഷ​യ​ർ​പ്പി​ക്കു​ന്നു​ണ്ട്. സേ​തു എ​ഫ്.​സി​യെ 2-0ത്തി​നാ​ണ് സെ​മി​യി​ൽ കി​ക്ക് സ്റ്റാ​ർ​ട്ട് തോ​ൽ​പി​ച്ച​ത്.