വനിത ഫുട്ബാൾ: കേരള യുനൈറ്റഡിന് ജയം

കൊച്ചി: എറണാകുളം മഹാരാജാസ് കോളജ് സ്റ്റേഡിയത്തിൽ നടക്കുന്ന കേരള വനിത ഫുട്ബാൾ ലീഗിൽ മലപ്പുറം കേരള യുനൈറ്റഡ് എഫ്.സി ഒന്നിനെതിരെ അഞ്ച് ഗോളിന് തിരുവനന്തപുരം എമിറേറ്റ്സ് സോക്കർ ക്ലബിനെ തകർത്തു.

വിജയികൾക്കുവേണ്ടി ബേബിലാൽ ചന്ദാമി രണ്ട് ഗോൾ നേടി. മർബാറിൻ നോൺഗ്രം, ആൻഡ്രിക, പകരക്കാരിയായി ഇറങ്ങിയ സി.എ. പ്രിസ്റ്റി എന്നിവരാണ് യുനൈറ്റഡ് എഫ്.സിക്കുവേണ്ടി മറ്റ് ഗോളുകൾ നേടിയത്. ബോയ ദസരി അനിതയാണ് എമിറേറ്റ്സിന്‍റെ ഏക ഗോൾ തിരിച്ചടിച്ചത്.