17 വയസ്സ്; 1978ൽ അർജന്‍റീനയിൽ ലോകകപ്പ് നടക്കുമ്പോൾ ഡീഗോ മറഡോണയെ ടീമിലെടുത്തില്ല

അർജന്‍റീനയിൽ ഒരു വിസ്മയ ബാലൻ പന്തുതട്ടിത്തുടങ്ങി ശ്രദ്ധനേടിയ കാലത്തായിരുന്നു ലോകകപ്പിന് ആ നാട് വേദിയായത്. അർജന്‍റീനോസ് ജൂനിയേഴ്സിലെ ഗോളടി മികവുമായി അണ്ടർ 20 ദേശീയ ടീമിൽ ഇടം നേടിയെങ്കിലും ആ 17കാരനെ കോച്ച് സെസാർ ലൂയിസ് മെനോട്ടി ലോകകപ്പ് ടീമിലേക്ക് പരിഗണിച്ചില്ല. സ്വന്തം നാട്ടിലെ വലിയൊരു മേളയുടെ സമ്മർദം ആ കൗമാരക്കാരന് താങ്ങാൻ കഴിയില്ലെന്നായിരുന്നു കോച്ചിന്‍റെ നിരീക്ഷണം. അങ്ങനെ ആ കൗമാരക്കാരൻ സ്വന്തം മണ്ണിലെ ലോകകപ്പ് വിജയത്തിന് പുറംകാഴ്ചക്കാരനായി മാറി. അവനാണ് പിന്നീട് അർജന്‍റീനയുടെയും ലോക ഫുട്ബാളിന്‍റെയും നക്ഷത്രമായി മാറിയ ഡീഗോ മറഡോണ. 1986 ലോകകപ്പ് വിജയത്തിലേക്ക് അർജന്‍റീനയെ ഒറ്റക്ക് നയിക്കാനും ഡീഗോക്ക് കഴിഞ്ഞു.