അണ്ടർ 20 ലോകകപ്പ്: ഉസ്ബകിസ്താനും എക്വഡോറും പ്രീ ക്വാർട്ടറിൽ

ബ്വേനസ് ഐറിസ്: അണ്ടർ 20 ഫുട്ബാൾ ലോകകപ്പിൽ മൂന്നിൽ മൂന്ന് മത്സരങ്ങളും ജയിച്ച അർജന്റീനയും അമേരിക്കയും ഗ്രൂപ് ജേതാക്കളായി. ഗ്രൂപ് എയിൽനിന്ന് നേരത്തെ പ്രീ ക്വാർട്ടറിൽ കടന്ന അർജന്റീന അവസാന കളിയിൽ ന്യൂസിലൻഡിനെ എതിരില്ലാത്ത അഞ്ച് ഗോളിനാണ് തോൽപിച്ചത്.

ഗ്വാട്ടമാലയെ 2-0ത്തിന് പരാജയപ്പെടുത്തി ഉസ്ബകിസ്താനും ‘എ’യിൽനിന്ന് നോക്കൗട്ടിലേക്ക് മുന്നേറി. ഗ്രൂപ് ബിയിൽ മൂന്നാം മത്സരത്തിൽ സ്ലോവാക്യയെ മറുപടിയില്ലാത്ത രണ്ട് ഗോളിന് അമേരിക്കയും മടക്കി. ‘ബി’യിൽ ഫീജിയെ ഏകപക്ഷീയമായ ഒമ്പത് ഗോളിന് തകർത്ത എക്വഡോറിനും പ്രീ ക്വാർട്ടർ ബെർത്ത് ലഭിച്ചു.