മൂന്നിൽ കുരുങ്ങി ചെൽസി

ലണ്ടൻ: താരപ്പടയുടെ വരവിലും ചെൽസിക്ക്​ ക്ലച്ച്​ പിടിക്കാനാവുന്നില്ല. വെസ്​റ്റ്​ബ്രോംവിച്ചിനെതിരായ മത്സരത്തി​െൻറ ആദ്യ പകുതിയിൽ 3-0ത്തിന്​ പിന്നിൽ നിന്നശേഷം ഉജ്ജ്വലമായി തിരിച്ചെത്തി കളി സമനിലയിലാക്കിയെങ്കിലും (3-3) രണ്ടു പോയൻറ്​ നഷ്​ടമാക്കിയതിന്​ കോച്ച്​ ഫ്രാങ്ക്​ ലാംപാർഡ്​ മറുപടി പറയണം. തിമോ വെർണർ, മാസൺ മൗണ്ട്, തിയാഗോ സിൽവ, ടാമി എബ്രഹാം തുടങ്ങിയ താരങ്ങളെല്ലാമുണ്ടായിട്ടും ഒന്നാം പകുതിയിൽ ചെൽസി മൂന്നു​ ​േഗാളിന്​ പിന്നിലായിപ്പോയി. കോച്ച്​ ലാംപാർഡി​െൻറ ഫോർമേഷനെതിരെയാണ്​(4-2-3-1) ഇതോടെ വിമർശനമുയരുന്നത്​. പരിചയസമ്പന്നനായ തിയാഗോ സിൽവയുടെ വരവുകൊണ്ട്​ പ്രതിരോധത്തിലെ വിള്ളൽ അടക്കാനായില്ല.

കാലം റോബിൻസ​ൻ രണ്ടും (4, 25) കെയ്​ൽ ബാർട്​ലി (27) ഒരു ഗോളും നേടിയതോടെ ആദ്യ പകുതിയിൽ തന്നെ ചെൽസി പതറി. അസ്​പിലിക്യൂറ്റയെ ഇറക്കി പ്രതിരോധം ശക്​തമാക്കിയാണ്​ പിന്നീട്​ കളിച്ചത്​. രണ്ടാം പകുതിയിൽ മാസൺ മൗണ്ട്​ (55), കാലം ഹഡ്​സൺ (70), ​ടാമി എബ്രഹാം (93) എന്നിവരിലൂടെയാണ്​ ചെൽസി തിരിച്ചടിച്ച്​ സമനില പിടിച്ചത്​. മറ്റൊരു മത്സരത്തിൽ എവർട്ടൻ 2-1ന്​ ക്രിസ്​റ്റൽ പാലസിനെ തോൽപിച്ചു.

മറ്റൊരു മത്സരത്തിൽ ഷെഫീൽഡ്​ യുനൈറ്റഡിനെ 1-0ത്തിന്​ തോൽപിച്ച്​ ലീഡ്​സ്​ തുടർച്ചയായ രണ്ടാം ജയം നേടി. അതേസമയം, ടോട്ടൻഹാമിനെ, ന്യൂകാസിൽ യുനൈറ്റഡ്​ 1-1ന്​ തളച്ചു.