ടീം 4, ​പോ​യ​ന്റ് 3, ക​ളി 2, ബാ​ക്കി 1; ഗ്രൂ​പ് ‘ഇ’​യി​ൽ​നി​ന്ന് ആ​ർ​ക്കും ക​ട​ക്കാം

കൊ​ളോ​ൺ: യൂ​റോ ഗ്രൂ​പ് ഇ​യി​ലെ സ​സ്പെ​ൻ​സ് മൂ​ന്നാം റൗ​ണ്ടി​ലേ​ക്ക് നീ​ട്ടി ടീ​മു​ക​ൾ. ജ​യ​ത്തോ​ടെ റു​മേ​നി​യ​ക്ക് (3) പി​ന്നി​ൽ ര​ണ്ടാം സ്ഥാ​ന​ത്തേ​ക്ക് ക​യ​റി ബെ​ൽ​ജി​യം. മൂ​ന്നും നാ​ലും സ്ഥാ​ന​ക്കാ​രാ​യ സ്ലോ​വാ​ക്യ​ക്കും യു​ക്രെ​യ്നും മൂ​ന്ന് വീ​തം പോ​യ​ന്റ് ത​ന്നെ​യാ​യ​തി​നാ​ൽ അ​വ​സാ​ന മ​ത്സ​ര​ങ്ങ​ൾ എ​ല്ലാ​വ​ർ​ക്കും നി​ർ​ണാ​യ​ക​മാ​യി.

ആ​ദ്യ​ക​ളി​യി​ൽ സ്ലോ​വാ​ക്യ​യോ​ട് തോ​ൽ​വി ഏ​റ്റു​വാ​ങ്ങി​യ ബെ​ൽ​ജി​യം റു​മേ​നി​യ​ക്കെ​തി​രെ ഏ​ക​പ​ക്ഷീ​യ​മാ​യ ര​ണ്ട് ഗോ​ളി​നാ​ണ് ജ​യി​ച്ച​ത്. ര​ണ്ടാം മി​നി​റ്റി​ൽ യൂ​രി ടീ​ലി​മാ​ൻ​സി​ലൂ​ടെ മു​ന്നി​ലെ​ത്തി​യ ബെ​ൽ​ജി​യ​ത്തി​നാ​യി 79ാം മി​നി​റ്റി​ൽ കെ​വി​ൻ ഡി ​ബ്രൂ​യി​നും സ്കോ​ർ ചെ​യ്തു.

ര​ണ്ടാം മി​നി​റ്റി​ൽ ഡോ​കു ബോ​ക്സി​ന​ക​ത്തേ​ക്ക് നീ​ട്ടി​യ പ​ന്ത് സ്വീ​ക​രി​ച്ച റൊ​മേ​ലു ലു​ക്കാ​ക്കു റി​വേ​ഴ്സ് ത്രൂ​വി​ലൂ​ടെ ടീ​ലി​മാ​ൻ​സി​ന് കൈ​മാ​റി. ക​ണ്ണ​ട​ച്ചു​തു​റ​ക്കും വേ​ഗ​ത്തി​ൽ പ​ന്ത് ടീ​ലി​മാ​ൻ​സ് വ​ല​യി​ലാ​ക്കി. പി​ന്നീ​ട് നീ​ണ്ട 77 മി​നി​റ്റ് നേ​രം മ​റു​പ​ടി​ക്കാ​യി റു​മാ​നി​യ​യും ജ​യ​മു​റ​പ്പി​ക്കാ​ൻ ബെ​ൽ​ജി​യ​വും കൊ​ണ്ടും കൊ​ടു​ത്തും മു​ന്നേ​റി​യെ​ങ്കി​ലും ഗോ​ൾ അ​ക​ന്നു​നി​ന്നു. 63ാം മി​നി​റ്റി​ൽ ഡി ​ബ്രൂ​യി​നി​ന്റെ പാ​സി​ൽ ലു​ക്കാ​ക്കു ഗോ​ള​ടി​ച്ച് ആ​ഘോ​ഷം തു​ട​ങ്ങി​യെ​ങ്കി​ലും വാ​റി​ലൂ​ടെ ഓ​ഫ് സൈ​ഡാ​ണെ​ന്ന് ക​ണ്ടെ​ത്തി​യ​തോ​ടെ വീ​ണ്ടും ലീ​ഡ് ഒ​ന്നി​ലേ​ക്ക് ചു​രു​ങ്ങി.

പി​ന്നീ​ട് 79ാം മി​നി​റ്റി​ൽ ബെ​ൽ​ജി​യം ഗോ​ൾ കീ​പ്പ​ർ കാ​സ്റ്റീ​ൽ​സി​ന്റെ ലോ​ങ് റെ​യി​ഞ്ച് ഗോ​ൾ കി​ക്ക് റു​മാ​നി​യ​ൻ ബോ​ക്സി​ന് മു​ന്നി​ൽ​നി​ന്ന് സ്വീ​ക​രി​ച്ച കെ​വി​ൻ ഡി ​ബ്രൂ​യി​ൻ മ​നോ​ഹ​ര​മാ​യി വ​ല​യി​ലെ​ത്തി​ച്ച​തോ​ടെ ര​ണ്ടു​ഗോ​ൾ ലീ​ഡി​ൽ ബെ​ൽ​ജി​യം ജ​യം ആ​ധി​കാ​രി​ക​മാ​ക്കി.

അസൂറി-ക്രോട്ട് ഒടുക്കത്തെ പോര്

ലെയ്പിഷ്: യൂറോയിൽ പ്രീ ക്വാർട്ടർ തേടി ഗ്രൂപ് ബിയിൽ തിങ്കളാഴ്ച ഇറ്റലിയും ക്രൊയേഷ്യയും ഏറ്റുമുട്ടും. ഗ്രൂപ്പിൽ ആദ്യ രണ്ട് മത്സരങ്ങൾ ജയിച്ച് നോക്കൗട്ടിൽ കടന്ന സ്പെയിനിന് അൽബേനിയയും എതിരാളികളായെത്തും. സ്പെയിൻ (6), ഇറ്റലി (3), അൽബേനിയ (1), ക്രൊയേഷ്യ (1) എന്നിങ്ങനെയാണ് നിലവിലെ സ്ഥിതി. ഇറ്റലിയെ തോൽപിച്ചാൽ ക്രൊയേഷ്യക്കും സ്പാനിഷ് സംഘത്തെ അട്ടിമറിക്കാനായാൽ ക്രൊയേഷ്യക്കും നാല് വീതം പോയന്റാവും. മൂന്ന് ടീമുകൾക്കും നോക്കൗട്ട് സാധ്യതയുണ്ടെന്ന് ചുരുക്കം.