ടി.എ. ജാഫർ: കാൽപന്തുകളിയെ പ്രാണനാക്കിയ പ്രതിഭ

മ​ട്ടാ​ഞ്ചേ​രി: കേ​ര​ളം സ​ന്തോ​ഷ് ട്രോ​ഫി ആ​ദ്യ​മാ​യി നേ​ടി​യി​ട്ട് ബു​ധ​നാ​ഴ്ച 50 വ​ർ​ഷം തി​ക​യു​ക‍യാ​ണ്. റെ​യി​ൽ​വേ​യു​മാ​യു​ള്ള ക​ലാ​ശ​ക്ക​ളി​യി​ൽ ക്യാ​പ്‌​റ്റ​ൻ മ​ണി ഹാ​ട്രി​ക്കോ​ടെ വി​ജ​യ​ത്തി​ന് ചു​ക്കാ​ൻ​പി​ടി​ച്ച​പ്പോ​ൾ മ​ണി​ക്ക് പാ​സ് ന​ൽ​കു​ന്ന​തി​ൽ പ്ര​ധാ​ന പ​ങ്ക്​ വ​ഹി​ച്ച​ത് ഉ​പ​നാ​യ​ക​നാ​യി​രു​ന്ന റ്റൈ​റ്റ് ഹാ​ഫ് ടി.​എ. ജാ​ഫ​ർ. സ​ന്തോ​ഷ് ട്രോ​ഫി ആ​ദ്യ​മാ​യി സ്വ​ന്ത​മാ​ക്കി​യ ടീ​മി​നെ വി​ജ​യം​കൊ​യ്ത അ​തേ മ​ഹാ​രാ​ജാ​സ് മൈ​താ​ന​ത്ത് ഇ​ന്ന് കൊ​ച്ചി ന​ഗ​ര​സ​ഭ ആ​ദ​രി​ക്കു​മ്പോ​ൾ അ​തേ​റ്റു​വാ​ങ്ങാ​ൻ കാ​ത്തു​നി​ൽ​ക്കാ​തെ​യാ​ണ്​ ഞാ​യ​റാ​ഴ്ച ജാ​ഫ​ർ യാ​ത്ര​യാ​യ​ത്.

ക​ളി​ക്കാ​ര​നും പ​രി​ശീ​ല​ക​നു​മാ​യി തൊ​ട്ട​തെ​ല്ലാം പൊ​ന്നാ​ക്കി​യാ​ണ്​ ജാ​ഫ​ർ ക​രി​യ​ർ മു​ന്നോ​ട്ടു ന​യി​ച്ച​ത്. മ​ട്ടാ​ഞ്ചേ​രി ഹാ​ജി ഈ​സ ഹാ​ജി മൂ​സ മെ​മോ​റി​യ​ൽ ഹൈ​സ്കൂ​ളി​ൽ അ​ഞ്ചാം​ക്ലാ​സി​ൽ പ​ഠി​ക്കു​മ്പോ​ൾ കാ​ൽ​പ​ന്തു​ക​ളി തു​ട​ങ്ങി. യ​ങ്​ സ്റ്റേ​റ്റ് ക്ല​ബി​ൽ അ​ബു എ​ന്ന പ​രി​ശീ​ല​ക​നാ​ണ് ജാ​ഫ​റി​ന്‍റെ ക​ഴി​വു​ക​ൾ തി​രി​ച്ച​റി​ഞ്ഞ് ക​ളി പ​ഠി​പ്പി​ച്ച​ത്. എ​റ​ണാ​കു​ളം സെൻറ്​ ആ​ൽ​ബ​ർ​ട്സ് കോ​ള​ജി​ൽ പ​ഠ​നം തു​ട​ർ​ന്നു. 1968ൽ ​ഫാ​ക്ട് ഫു​ട്​​ബാ​ൾ ടീ​മി​ലെ​ത്തി. ഒ​ളി​മ്പ്യ​ൻ സൈ​മ​ൺ സു​ന്ദ​ർ​രാ​ജ്​ പ​രി​ശീ​ല​ക​നാ​യ ടീം ​പ​ല ടൂ​ർ​ണ​മെൻറു​ക​ളി​ലും ജേ​താ​ക്ക​ളാ​യി. 1971ൽ ​പ്രീ​മി​യ​ർ ട​യേ​ഴ്സ് ഫു​ട്​​ബാ​ൾ ടീം ​രൂ​പ​വ​ത്​​ക​രി​ച്ച​പ്പോ​ൾ ജാ​ഫ​ർ ആ​ദ്യ ക്യാ​പ്റ്റ​നാ​യി.

1974​ൽ ജി.​വി. രാ​ജാ ട്രോ​ഫി, തി​രു​വ​ന​ന്ത​പു​രം മു​നി​സി​പ്പ​ൽ ഗോ​ൾ​ഡ​ൻ ജൂ​ബി​ലി ട്രോ​ഫി, കൊ​ല്ലം നെ​ഹ്​​റു ട്രോ​ഫി, എ​റ​ണാ​കു​ളം ചാ​ക്കോ​ള ഗോ​ൾ​ഡ് ട്രോ​ഫി എ​ന്നീ ടൂ​ർ​ണ​മെൻറു​ക​ളി​ൽ പ്രീ​മി​യ​ർ ട​യേ​ഴ്സ് ജേ​താ​ക്ക​ളാ​യ​പ്പോ​ൾ ഒ​രു സീ​സ​ണി​ൽ നാ​ലു ട്രോ​ഫി​ക​ൾ ഏ​റ്റു​വാ​ങ്ങി​യ ക്യാ​പ്റ്റ​ൻ എ​ന്ന ബ​ഹു​മ​തി ജാ​ഫ​ർ സ്വ​ന്ത​മാ​ക്കി. 1975ൽ ​ഡാ​ർ​ജി​ലി​ങ്ങി​ലെ ഗൂ​ർ​ഖ ബ്രി​ഗേ​ഡ്​ ട്രോ​ഫി​യും ഏ​റ്റു​വാ​ങ്ങി.

1969 മു​ത​ൽ 1975 വ​രെ കേ​ര​ള ടീ​മി​ന്‍റെ റൈ​റ്റ് ഹാ​ഫ് പൊ​സി​ഷ​നി​ൽ ക​ളി​ച്ചു. കൊ​ച്ചി​ൻ പോ​ർ​ട്ട്, കേ​ര​ള പൊ​ലീ​സ്, കെ.​എ​സ്.​ഇ.​ബി, ടൈ​റ്റാ​നി​യം, എ​ഫ്.​സി കൊ​ച്ചി​ൻ ടീ​മു​ക​ളു​ടെ പ​രി​ശീ​ല​ക​നാ​യി​രു​ന്നു. 1994ൽ ​മാ​ല​ദ്വീ​പി​ൽ ന​ട​ന്ന പ്ര​സി​ഡ​ന്‍റ്​ ക​പ്പ് ടൂ​ർ​ണ​മെൻറി​ൽ വി​ജ​യി​ക​ളാ​യ കേ​ര​ള ടീ​മി​ന്‍റെ മു​ഖ്യ പ​രി​ശീ​ല​ക​നാ​യി​രു​ന്നു ജാ​ഫ​ർ. 1988ൽ ​കേ​ര​ള സ്പോ​ർ​ട്സ് കൗ​ൺ​സി​ൽ പ​രി​ശി​ല​ക​നാ​യി. 1992, 93 വ​ർ​ഷ​ങ്ങ​ളി​ൽ സ​ന്തോ​ഷ് ട്രോ​ഫി നേ​ടി​യ കേ​ര​ള ടീ​മി​ന്‍റെ മു​ഖ്യ പ​രി​ശീ​ല​ക​നാ​യി​രു​ന്നു.

കാ​ൽ​പ​ന്തു​ക​ളി​യി​ൽ അ​ടി​വെ​ച്ചു​ക​യ​റി​യ​പ്പോ​ഴും നാ​ട്ടു​കാ​രാ​യ യു​വാ​ക്ക​ൾ​ക്ക് ജാ​ഫ​ർ ഒ​ഴി​വു​വേ​ള​ക​ളി​ൽ പ​രി​ശീ​ല​നം ന​ൽ​കി​പ്പോ​ന്നു. പു​തു​ത​ല​മു​റ​യെ വ​ള​ർ​ത്തി​യെ​ടു​ക്കാ​ൻ പ്ര​ത്യേ​ക ശ്ര​ദ്ധ പ​തി​പ്പി​ച്ചു. ജാ​ഫ​ർ ഫു​ട്​​ബാ​ളി​ന് ന​ൽ​കി​യ സം​ഭാ​വ​ന​ക​ൾ ക​ണ​ക്കി​ലെ​ടു​ത്ത് കൊ​ച്ചി കോ​ർ​പ​റേ​ഷ​ൻ ക​ൽ​വ​ത്തി​യി​ൽ അ​ദ്ദേ​ഹ​ത്തി​ന്​ വീ​ട് നി​ർ​മി​ച്ചു​ന​ൽ​കി. ഈ ​വീ​ടി​ന് ‘ന​ന്ദി’​എ​ന്നാ​ണ്​ ജാ​ഫ​ർ പേ​രി​ട്ട​ത്.

ഫു​ട്ബാ​ൾ രാ​ജാ​വ് പെ​ലെ​ക്ക് ക​റു​ത്ത മു​ത്തെ​ന്ന് പേ​രി​ട്ട​പ്പോ​ൾ, നാ​ട്ടു​കാ​ർ ജാ​ഫ​റി​നെ​യും അ​ങ്ങ​നെ വി​ളി​ച്ചു; കേ​ര​ള​ത്തി​ന്‍റെ ക​റു​ത്ത​മു​ത്ത്. ഫു​ട്​​​ബാ​ൾ പ്രേ​മി​ക​ളെ മു​ഴു​വ​ൻ ക​ണ്ണീ​രി​ലാ​ഴ്ത്തി ആ ​ക​റു​ത്ത മു​ത്ത് യാ​ത്ര​യാ​യി. ക​ളി​ക്കാ​ർ ക​ളി​ക്ക​ള​ത്തി​ലും പു​റ​ത്തും അ​ച്ച​ട​ക്ക​വും മാ​ന്യ​ത​യും പു​ല​ർ​ത്ത​ണ​മെ​ന്ന് ക​ർ​ശ​ന​മാ​യി നി​ഷ്ക​ർ​ഷി​ച്ചി​രു​ന്ന പ​രി​ശീ​ല​ക​ൻ കൂ​ടി​യാ​ണ് വി​ട​പ​റ​ഞ്ഞ​ത്.