Begin typing your search above and press return to search.
exit_to_app
exit_to_app
Homechevron_rightSportschevron_rightFootballchevron_rightസൂപ്പർകപ്പ് ഏപ്രിൽ...

സൂപ്പർകപ്പ് ഏപ്രിൽ എട്ടു മുതൽ കേരളത്തിൽ

text_fields
bookmark_border
സൂപ്പർകപ്പ് ഏപ്രിൽ എട്ടു മുതൽ കേരളത്തിൽ
cancel

ന്യൂഡൽഹി: രാജ്യത്തെ മുൻനിര താരങ്ങൾ അണിനിരക്കുന്ന സൂപ്പർ കപ്പ് ഫുട്ബാളിന് ഏപ്രിൽ എട്ടു മുതൽ 25 വരെ കേരളം ആതിഥേയരാകും. കൊച്ചിയിലും കോഴിക്കോട്ടും തിരുവനന്തപുരത്തുമാണ് മത്സരങ്ങളെന്ന് അഖിലേന്ത്യ ഫുട്ബാൾ ഫെഡറേഷൻ (എ.ഐ.എഫ്.എഫ്) അറിയിച്ചു.

ഐ.എസ്.എല്ലിലെ 11ഉം ഐ ലീഗിലെ അഞ്ചും ടീമുകളടക്കം 16 ടീമുകൾ സൂപ്പർ കപ്പിനെത്തും. ഐ.എസ്.എല്ലിലെ 11 ടീമുകളും ഐ ലീഗ് ജേതാക്കളും ഗ്രൂപ് ഘട്ടത്തിലേക്ക് നേരിട്ട് യോഗ്യത നേടും. ഐ ലീഗിൽ രണ്ടു മുതൽ പത്തു വരെ സ്ഥാനത്തെത്തുന്ന ടീമുകളുടെ യോഗ്യത മത്സരത്തിന് ശേഷം സൂപ്പർ കപ്പിനുള്ള ബാക്കി നാല് ടീമുകളെ തീരുമാനിക്കും. ഈ യോഗ്യത മത്സരങ്ങൾ ഏപ്രിൽ മൂന്നിന് തുടങ്ങും. സൂപ്പർ കപ്പിന്റെ ഗ്രൂപ് മത്സരങ്ങളും ഫൈനലടക്കമുള്ള പോരാട്ടങ്ങളും കേരളത്തിൽ ഏത് വേദിയിൽ നടത്തുമെന്ന് പിന്നീട് തീരുമാനിക്കും.

മുൻജേതാക്കളാകുന്ന ടീം ഈ സീസണിലെ എ.എഫ്.സി കപ്പ് യോഗ്യത നേടാൻ കഴിഞ്ഞ വർഷത്തെ ഐ ലീഗ് ജേതാക്കളായ ഗോകുലം കേരള എഫ്.സിയുമായി കളിക്കും. ഗോകുലം സൂപ്പർ കപ്പിൽ കിരീടം നേടിയാൽ എ.എഫ്.സി കപ്പിൽ കളിക്കാൻ യോഗ്യത നേടും. മൂന്നു വർഷമായി കോവിഡ് കാരണം സൂപ്പർ കപ്പ് നടന്നിരുന്നില്ല. 2019ൽ എഫ്.സി ഗോവയായിരുന്നു ജേതാക്കൾ.

Show Full Article
TAGS:Super Cup football 
News Summary - Super Cup in Kerala from April 8
Next Story