കൊമ്പുകുത്തി വീണു; ഐ ​ലീ​ഗി​ലെ ര​ണ്ടാം സ്ഥാ​ന​ക്കാ​രോ​ട് തോ​റ്റ് കേ​ര​ള ബ്ലാ​സ്റ്റേ​ഴ്സ്

കോ​ഴി​ക്കോ​ട്: സൂ​പ്പ​ർ ക​പ്പി​ലെ ആ​ദ്യ മ​ത്സ​ര​ത്തി​ൽ​ കൊ​മ്പു​കു​ലു​ക്കി ഐ ​ലീ​ഗ് ചാ​മ്പ്യ​ന്മാ​രാ​യ റൗ​ണ്ട് ഗ്ലാ​സി​നെ വീ​ഴ്ത്തി​യ കേ​ര​ള ബ്ലാ​സ്റ്റേ​ഴ്സ് ര​ണ്ടാം മ​ത്സ​ര​ത്തി​ൽ കൊ​മ്പും കു​ത്തി വീ​ണു. ഐ ​ലീ​ഗി​ലെ ര​ണ്ടാം സ്ഥാ​ന​ക്കാ​രാ​യ ശ്രീ​നി​ധി ഡെ​ക്കാ​ൻ മ​റു​പ​ടി​യി​ല്ലാ​ത്ത ര​ണ്ടു ഗോ​ളു​ക​ൾ​ക്കാ​ണ് ബ്ലാ​സ്റ്റേ​ഴ്സി​നെ വീ​ഴ്ത്തി​യ​ത്. ആ​ദ്യ പ​കു​തി​യി​ലാ​യി​രു​ന്നു ര​ണ്ട് ഗോ​ളു​ക​ളും. തോ​ൽ​വി​യോ​ടെ ബ്ലാ​സ്റ്റേ​ഴ്സി​ന്റെ സെ​മി സാ​ധ്യ​ത​ക​ൾ തു​ലാ​സി​ലാ​യി. റൗ​ണ്ട് ഗ്ലാ​സി​നെ​തി​രാ​യ ആ​ദ്യ മ​ത്സ​ര​ത്തി​ലെ ടീ​മി​നെ അ​ടി​മു​ടി മാ​റ്റി​പ്പ​ണി​ത് കോ​ച്ച് ഫ്രാ​ങ്ക് ഡോ​വ​ൻ ന​ട​ത്തി​യ പ​രീ​ക്ഷ​ണം പാ​ളി. ആ​ദ്യ മ​ത്സ​ര​ത്തി​ൽ ക​ളി​ച്ച ഏ​ഴു​പേ​രെ മാ​റ്റി​യാ​ണ് ബ്ലാ​സ്റ്റേ​ഴ്സ് ശ്രീ​നി​ധി​ക്കെ​തി​രെ ഇ​റ​ങ്ങി​യ​ത്. ആ​ദ്യ​പ​കു​തി​യി​ൽ ചി​ത്ര​ത്തി​ൽ​പോ​ലും ബ്ലാ​സ്റ്റേ​ഴ്സു​ണ്ടാ​യി​രു​ന്നി​ല്ല.

ഉ​ണ​രാ​തെ ബ്ലാ​സ്റ്റേ​ഴ്സ്

ക​ളി​യു​ടെ തു​ട​ക്കം മു​ത​ലേ ശ്രീ​നി​ധി​യു​ടെ ആ​ധി​പ​ത്യം വ്യ​ക്ത​മാ​യി​രു​ന്നു. 17ാം മി​നി​റ്റി​ൽ ബ്ലാ​സ്റ്റേ​ഴ്സി​നെ ഞെ​ട്ടി​ച്ച് നൈ​ജീ​രി​യ​ൻ താ​രം റി​ൽ​വാ​ൻ ഒ​ലാ​ൻ റി​വാ​ജു ഹ​സ്സ​ൻ ഗോ​ൾ​വ​ല കു​ലു​ക്കി. മ​ധ്യ​ഭാ​ഗ​ത്തു​നി​ന്ന് കൊ​ൻ​സാം ഫാ​ൽ​ഗു​നി സി​ങ് കൊ​ടു​ത്ത പാ​സ് സ്വീ​ക​രി​ച്ച ഹ​സ​ൻ ഇ​ട​തു മൂ​ല​യി​ലൂ​ടെ നി​ലം​പ​റ്റി​യ ഷോ​ട്ടു​തി​ർ​ത്ത​പ്പോ​ൾ ഗോ​ൾ പോ​സ്റ്റി​ന്റെ വ​ല​തു​മൂ​ല​യി​ലേ​ക്ക് പ​ന്ത് നു​ഴ​ഞ്ഞു​ക​യ​റി.

ഗോ​ൾ വീ​ണി​ട്ടും ബ്ലാ​സ്റ്റേ​ഴ്സി​ന് ഉ​ണ​രാ​ൻ മ​ടി​യാ​യി​രു​ന്നു. 44ാം മി​നി​റ്റി​ൽ ബ്ലാ​സ്റ്റേ​ഴ്സി​ന്റെ ആ​ല​സ്യ​ത്തി​നു​മേ​ൽ ആ​ഞ്ഞ​ടി​ച്ച് ശ്രീ​നി​ധി​യു​ടെ ര​ണ്ടാം ഗോ​ൾ പി​റ​ന്നു. ശ്രീ​നി​ധി ക്യാ​പ്റ്റ​ൻ ഡേ​വി​ഡ് കാ​സ്റ്റ​നേ​ഡ​യു​ടെ കാ​ലി​ൽ​നി​ന്നാ​യി​രു​ന്നു മ​ത്സ​ര​ത്തി​ലെ മ​നോ​ഹ​ര​മാ​യ ഗോ​ൾ പി​റ​ന്ന​ത്. മി​ക​ച്ച ഒ​ത്തി​ണ​ക്ക​ത്തി​ന്റെ ഫ​ലം കൂ​ടി​യാ​യി​രു​ന്നു ര​ണ്ടാം ഗോ​ൾ. മി​ഡ്ഫീ​ൽ​ഡ​ർ ഒ​ലാ​ൻ റി​വാ​ജു ഹ​സ​ൻ ഇ​ട​തു വി​ങ്ങി​ലേ​ക്ക് നീ​ട്ടി​ക്കൊ​ടു​ത്ത പാ​സ് സൊ​റൈ​ഷാം ദി​നേ​ഷ് സി​ങ് സ്വീ​ക​രി​ക്കു​ന്നു. ഗോ​ൾ പോ​സ്റ്റി​നു മു​ന്നി​ൽ​നി​ന്ന കാ​സ്റ്റ​നേ​ഡ​യു​ടെ നെ​ഞ്ചോ​ളം ഉ​യ​ര​ത്തി​ലെ​ത്തി​യ ക്രോ​സ്. വാ​യു​വി​ൽ ചാ​ടി​യു​യ​ർ​ന്ന കാ​സ്റ്റ​നേ​ഡ അ​തി​ഗം​ഭീ​ര​മാ​യി പ​ന്ത് വ​ല​യി​ലാ​ക്കി.

ര​ണ്ടാം പ​കു​തി​യി​ൽ കു​റ​ച്ചു​കൂ​ടി ഒ​ത്തി​ണ​ക്കം കാ​ണി​ച്ച ബ്ലാ​സ്റ്റേ​ഴ്സ് 50ാം മി​നി​റ്റി​ൽ കി​ട്ടി​യ മി​ക​ച്ച അ​വ​സ​രം ക​ള​ഞ്ഞു​കു​ളി​ച്ചു. വ​ല​തു​വി​ങ്ങി​ൽ നി​ന്ന് ആ​യു​ഷ് അ​ധി​കാ​രി കൊ​ടു​ത്ത ക്രോ​സ് സ​ബ്സ്റ്റി​റ്റ്യൂ​ട്ടാ​യി ഇ​റ​ങ്ങി​യ അ​പോ​സ്ത​ല​സ് ഗി​യാ​ന്നോ​വി​ന് ക​ണ​ക്ട് ചെ​യ്യാ​നാ​യി​ല്ല.

മു​ന്നി​ൽ ഗോ​ളി മാ​ത്രം നി​ൽ​ക്കെ കി​ട്ടി​യ മി​ക​ച്ച അ​വ​സ​രം ഗി​യാ​ന്നോ പാ​ഴാ​ക്കി. 62ാം മി​നി​റ്റി​ൽ വീ​ണ്ടും ബ്ലാ​സ്റ്റേ​ഴ്സ് വ​ല​യി​ൽ ഗോ​ൾ ക​യ​റേ​ണ്ട​താ​യി​രു​ന്നു. കാ​സ്റ്റ​നേ​ഡ​യു​ടെ കൃ​ത്യ​ത​യാ​ർ​ന്ന ഷോ​ട്ട് ഇ​ട​തു​വ​ശ​ത്തേ​ക്ക് മു​ഴു​നീ​ള​ത്തി​ൽ ഡൈ​വ് ചെ​യ്ത് ഗോ​ളി സ​ച്ചി​ൻ സു​രേ​ഷ് ര​ക്ഷ​പ്പെ​ടു​ത്തു​ക​യാ​യി​രു​ന്നു. 70ാം മി​നി​റ്റി​ൽ ഗി​യാ​ന്നി​യു​​ടെ ഹെ​ഡ​ർ ഗോ​ൾ പോ​സ്റ്റി​ൽ ത​ട്ടി പു​റ​ത്തു​പോ​യി. അ​വ​സാ​ന മി​നി​റ്റു​ക​ളി​ൽ ബ്ലാ​സ്റ്റേ​ഴ്സ് താ​ളം വീ​ണ്ടെ​ടു​ത്ത​പ്പോ​ഴേ​ക്കും ക​ളി കൈ​വി​ട്ടു​പോ​യി​രു​ന്നു.

പ്ര​തി​രോ​ധ നി​ധി

ബി​ജ​യ് ഛേത്രി​യും സൊ​റൈ​ഷാ​മും അ​രി​ജി​ത് ബ​ഗൂ​യി​യും ചേ​ർ​ന്ന് കോ​ട്ട​പോ​ലെ കാ​വ​ൽ നി​ന്ന പ്ര​തി​രോ​ധ​മാ​ണ് ബ്ലാ​സ്റ്റേ​ഴ്സി​ന്റെ വ​ഴി​മു​ട​ക്കി​യ​ത്. ഓ​രോ ബ്ലാ​സ്റ്റേ​ഴ്സ് നീ​ക്ക​ങ്ങ​ളു​ടെ​യും മു​ന ശ്രീ​നി​ധി പ്ര​തി​രോ​ധ​ത്തി​ൽ ത​ട്ടി ത​ക​രു​ന്ന കാ​ഴ്ച​യാ​ണ് കോ​ർ​പ​റേ​ഷ​ൻ സ്റ്റേ​ഡി​യ​ത്തി​ലെ ഏ​ഴാ​യി​ര​ത്തി​ലേ​റെ കാ​ണി​ക​ൾ ക​ണ്ട​ത്. ആ​ദ്യ മ​ത്സ​ര​ത്തി​ന്റെ നി​ഴ​ൽ​പോ​ലു​മാ​കാ​ൻ ബ്ലാ​സ്റ്റേ​ഴ്സി​ന് ക​ഴി​ഞ്ഞ​തു​മി​ല്ല. ആ​ദ്യ പ​കു​തി​യി​ൽ മു​ൻ​നി​ര​യി​ലേ​ക്ക് പ​ന്ത് അ​പൂ​ർ​വ​മാ​യാ​ണ് എ​ത്തി​യ​ത്.

പ്ര​തി​രോ​ധം ആ​ർ​ക്കു​വേ​ണ​മെ​ങ്കി​ലും പി​ള​ർ​ത്താ​ൻ പാ​ക​ത്തി​ൽ തു​റ​ന്നു​കി​ട​ന്നു. ആ​ദ്യ മ​ത്സ​ര​ത്തി​ൽ മി​ന്നി​യ ക്യാ​പ്റ്റ​ൻ ദി​മി​ത്രി​യോ​സ് ഡ​യ​മ​ന്റ​കോ​സ് അ​നാ​ഥ​മാ​യി മൈ​താ​ന​ത്തി​ൽ അ​ല​യു​ന്ന​ത് കാ​ണാ​മാ​യി​രു​ന്നു. തോ​ൽ​വി​ക്കി​ട​യി​ലും ക​ളം​നി​റ​ഞ്ഞു​ക​ളി​ച്ച​ത് ബ്ലാ​സ്റ്റേ​ഴ്സി​ന്റെ പ്ര​തി​രോ​ധ​ക്കാ​ര​ൻ നി​ഷു​കു​മാ​ർ മാ​ത്രം.