കലമുടച്ച് ബംഗളൂരു

കോ​ഴി​ക്കോ​ട്: കാ​ണി​ക​ൾ കു​റ​ഞ്ഞ ഗാ​ല​റി​ക്ക് മു​ന്നി​ൽ ഐ.​എ​സ്.​എ​ൽ ഫൈ​ന​ലി​സ്റ്റു​ക​ളാ​യ ബം​ഗ​ളൂ​രു എ​ഫ്.​സി​ക്ക് സൂ​പ്പ​റ​ല്ലാ​ത്ത തു​ട​ക്കം. സൂ​പ്പ​ർ ക​പ്പ് ഫു​ട്ബാ​ളി​ൽ എ ​ഗ്രൂ​പ്പി​ലെ ആ​ദ്യ ക​ളി​യി​ൽ ഐ ​ലീ​ഗ് ര​ണ്ടാം സ്ഥാ​ന​ക്കാ​രാ​യ ശ്രീ​നി​ധി ഡെ​ക്കാ​ൻ 1-1ന് ​ബം​ഗ​ളൂ​രു​വി​നെ സ​മ​നി​ല​യി​ൽ കു​രു​ക്കി. പ​ത്താം മി​നി​റ്റി​ൽ ബം​ഗ​ളൂ​രു​വി​ന്റെ ഹാ​വി ഹെ​ർ​ണാ​ണ്ട​സ് ബം​ഗ​ളൂ​രു​വി​നെ മു​ന്നി​ലെ​ത്തി​ച്ചു. 21ാം മി​നി​റ്റി​ൽ അ​ഫ്ഗാ​നി​സ്താ​ൻ താ​രം ഫൈ​സ​ൽ ഷാ​യ​സ്തെ ശ്രീ​നി​ധി​യു​ടെ സ​മ​നി​ല ഗോ​ൾ നേ​ടി.

ഒ​ന്നാം നി​ര ടീ​മി​നെ ത​ന്നെ ആ​ദ്യ ഇ​ല​വ​നി​ൽ വി​ന്യ​സി​ച്ച ബം​ഗ​ളൂ​രു എ​ഫ്.​സി കോ​ച്ച് സൈ​മ​ൺ ഗ്രേ​യ്സ​ൺ യു​വ​താ​രം ശി​വ​ശ​ക്തി നാ​രാ​യ​ണ​നെ പ​ക​ര​ക്കാ​രു​ടെ ബെ​ഞ്ചി​ലി​രു​ത്തി. ക്യാ​പ്റ്റ​ൻ സു​നി​ൽ ഛേത്രി 90 ​മി​നി​റ്റും ക​ളി​ച്ചു. മു​ൻ​നി​ര​യി​ൽ ഛേത്രി​ക്ക് കൂ​ട്ടി​ന് ഫി​ജി താ​രം റോ​യ് കൃ​ഷ്ണ​യും. 3-5-2 ഫോ​ർ​മേ​ഷ​നി​ൽ പ​ന്ത് ത​ട്ടി​യ ബം​ഗ​ളൂ​രു​വി​നെ​തി​രെ 4-3-3 ശെ​ലി​യി​ലാ​യി​രു​ന്നു ശ്രീ​നി​ധി​യു​ടെ നീ​ക്ക​ങ്ങ​ൾ.

മ​ത്സ​ര​ത്തി​ലെ ആ​ദ്യ​ത്തെ ത​ക​ർ​പ്പ​ൻ മു​ന്നേ​റ്റം ശ്രീ​നി​ധി​യു​ടേ​താ​യി​രു​ന്നു. അ​ഞ്ചാം മി​നി​റ്റി​ൽ റോ​സ​ൻ ബ​ർ​ഗ് ഗ​ബ്രി​യേ​ലി​ന്റെ ഷോ​ട്ട് ബം​ഗ​ളൂ​രു ഗോ​ളി ഗു​ർ​പ്രീ​ത് സി​ങ് സ​ന്ധു ഡൈ​വ് ചെ​യ്ത് ര​ക്ഷ​പ്പെ​ടു​ത്തി. റീ​ബൗ​ണ്ടും ശ്രീ​നി​ധി താ​രം ഹ​സ​ൻ പാ​ഴാ​ക്കി. പി​ന്നീ​ടാ​യി​രു​ന്നു ബം​ഗ​ളൂ​രു ഉ​യി​ർ​ത്തെ​ഴു​ന്നേ​റ്റ​ത്.

ഏ​ഴാം മി​നി​റ്റി​ൽ സു​നി​ൽ ഛേത്രി ​ഗോ​ളി മാ​ത്രം മു​ന്നി​ൽ നി​ൽ​ക്കേ പ​ന്ത് പു​റ​ത്തേ​ക്ക​ടി​ച്ചു. പി​ന്നാ​ലെ ഗോ​ളെ​ത്തി. മ​ധ്യ​നി​ര​യി​ൽ നി​ന്നു​ള്ള നീ​ക്ക​ത്തി​നൊ​ടു​വി​ൽ ബം​ഗ​ളൂ​രു മി​ഡ്ഫീ​ൽ​ഡ​ർ ഹാ​വി ഹെ​ർ​ണാ​ണ്ട​സി​ന്റെ ഷോ​ട്ട് ശ്രീ​നി​ധി ഗോ​ൾ​കീ​പ്പ​ർ ബി​ജ​യ് ഛേത്രി ​പ്ര​തി​രോ​ധി​ച്ചു. റോ​യ് കൃ​ഷ്ണ​യു​ടെ റീ​ബൗ​ണ്ട് ശ്ര​മം വീ​ണ്ടും ഗോ​ളി വി​ഫ​ല​മാ​ക്കി. തി​രി​ച്ചെ​ത്തി​യ പ​ന്ത് ഹാ​വി ക്ലോ​സ് റേ​ഞ്ചി​ൽ​നി​ന്ന് വ​ല​യി​ലെ​ത്തി​ച്ചു. 21ാം മി​നി​റ്റി​ൽ നൈ​ജീ​രി​യ​ക്കാ​ര​ൻ റി​ൽ​വാ​ൻ ഹ​സ​ന്റെ പാ​സി​ൽ​നി​ന്നാ​ണ് ഫൈ​സ​ൽ ഷ​യ​സ്തേയിലൂ​ടെ ശ്രീ​നി​ധി തി​രി​ച്ച​ടി​ച്ച​ത്.