ബൂഫൽ എത്തി; ഇനി അൽ റയ്യാന്റെ പത്താം നമ്പറുകാരൻ

ദോ​ഹ: ഖ​ത്ത​ർ ലോ​ക​ക​പ്പി​ൽ വി​സ്മ​യ​പ്ര​ക​ട​ന​വു​മാ​യി ലോ​ക ഫു​ട്ബാ​ളി​നെ അ​തി​ശ​യി​പ്പി​ച്ച മൊ​റോ​ക്ക​ൻ ടീ​മി​ലെ പ്ര​മു​ഖ താ​ര​ങ്ങ​ളി​ലൊ​രാ​ളാ​യ സു​ഫി​യാ​ൻ ബൂ​ഫ​ൽ ഇ​നി ഖ​ത്ത​രി ക്ല​ബാ​യ അ​ൽ റ​യ്യാ​ന്റെ പ​ത്താം ന​മ്പ​ർ താ​രം. ഫ്ര​ഞ്ച് ലീ​ഗ് വ​ൺ ക്ല​ബാ​യ ഏ​യ്​​ഞ്ചേ​ഴ്സി​ൽ​നി​ന്നാ​ണ് ബൂ​ഫ​ൽ അ​ൽ റ​യ്യാ​നി​ലെ​ത്തു​ന്ന​ത്.

29കാ​ര​നാ​യ അ​റ്റാ​ക്കി​ങ് മി​ഡ്ഫീ​ൽ​ഡ​ർ ചൊ​വ്വാ​ഴ്ച ഖ​ത്ത​റി​ൽ വൈ​ദ്യ​പ​രി​ശോ​ധ​ന​ക്കാ​യി എ​ത്തി​യി​രു​ന്നു. ന​ട​പ​ടി​ക്ര​മ​ങ്ങ​ളെ​ല്ലാം പൂ​ർ​ത്തി​യാ​യ​ശേ​ഷ​മാ​ണ് മാ​ധ്യ​മ​ങ്ങ​ൾ​ക്കു മു​മ്പാ​കെ താ​ര​ത്തി​ന് ക്ല​ബ് അ​ധി​കൃ​ത​ർ അ​ൽ റ​യ്യാ​ൻ ജ​ഴ്സി കൈ​മാ​റി​യ​ത്. ലോ​ക​ക​പ്പി​ന്റെ സെ​മി ഫൈ​ന​ലി​ലെ​ത്തു​ന്ന ആ​ദ്യ അ​റ​ബ്, ആ​ഫ്രി​ക്ക​ൻ ടീ​മെ​ന്ന വി​ശേ​ഷ​ണം ഖ​ത്ത​റി​ലെ ക​ണ്ണ​ഞ്ചും പ്ര​ക​ട​ന​ത്തി​ലൂ​ടെ മൊ​റോ​ക്കോ സ്വ​ന്ത​മാ​ക്കി​യി​രു​ന്നു. വി​ശ്വ​മേ​ള​ക്കു​ശേ​ഷം മൊ​റോ​ക്ക​ൻ താ​ര​ങ്ങ​ൾ​ക്ക് ട്രാ​ൻ​സ്ഫ​ർ മാ​ർ​ക്ക​റ്റി​ൽ ഏ​റെ ഡി​മാ​ൻ​ഡ് ​ഉ​യ​ർ​ന്നു. യൂ​റോ​പ്യ​ൻ ടീ​മു​ക​ളി​ൽ പ​ല​തും ബൂ​ഫ​ലി​ൽ നോ​ട്ട​മി​ട്ടി​രു​ന്നു. അ​തെ​ല്ലാം നി​ര​സി​ച്ചാ​ണ് താ​രം ഖ​ത്ത​റി​ലേ​ക്കു പ​റ​ന്ന​ത്. 2016ൽ ​ഫ്ര​ഞ്ച് ലീ​ഗി​ലെ മി​ക​ച്ച ആ​ഫ്രി​ക്ക​ൻ താ​ര​മെ​ന്ന ബ​ഹു​മ​തി ബൂ​ഫ​ൽ നേ​ടി​യി​ട്ടു​ണ്ട്.

2012ൽ ​ഏ​യ്ഞ്ചേ​ഴ്സി​ലൂ​ടെ​യാ​ണ് പ്ര​ഫ​ഷ​ന​ൽ ക​രി​യ​റി​ന് തു​ട​ക്ക​മി​ട്ട​ത്. 2015ൽ ​ഫ്രാ​ൻ​സി​ലെ​ത​ന്നെ ലി​ല്ലെ​യി​ലേ​ക്കു മാ​റി. 2016 മു​ത​ൽ 2020 വ​രെ ഇം​ഗ്ലീ​ഷ് പ്രീ​മി​യ​ർ ലീ​ഗ് ക്ല​ബാ​യ സ​താം​പ്ട​ണി​ന്റെ അ​ണി​യി​ലാ​യി​രു​ന്നു. ഇ​തി​നി​ട​യി​ൽ വാ​യ്പാ​ടി​സ്ഥാ​ന​ത്തി​ൽ ഒ​രു സീ​സ​ണി​ൽ സ്പാ​നി​ഷ് ലീ​ഗി​ൽ സെ​ൽ​റ്റ വി​ഗോ​ക്കു​വേ​ണ്ടി​യും ബൂ​ട്ട​ണി​ഞ്ഞു. 2020ലാ​ണ് ഏ​യ്ഞ്ചേ​ഴ്സി​ൽ തി​രി​ച്ചെ​ത്തി​യ​ത്. അ​തി​നു​ശേ​ഷം 56 മ​ത്സ​ര​ങ്ങ​ളി​ൽ​നി​ന്ന് ഏ​യ്ഞ്ചേ​ഴ്സി​നു​വേ​ണ്ടി 13 ഗോ​ളു​ക​ൾ നേ​ടി​യി​ട്ടു​ണ്ട്. മൊ​റോ​ക്കോ​ക്കു​വേ​ണ്ടി ക​ഴി​ഞ്ഞ ലോ​ക​ക​പ്പി​ൽ ഉ​ൾ​പ്പെ​ടെ 39 മ​ത്സ​ര​ങ്ങ​ളി​ൽ ക​ളി​ച്ചു. ആ​റു ഗോ​ളു​ക​ൾ ദേ​ശീ​യ ടീ​മി​നു​വേ​ണ്ടി നേ​ടി​യി​ട്ടു​ണ്ട്. ചി​ലി​യു​ടെ മു​ന്നേ​റ്റ​താ​രം ജീ​സ​ൺ വാ​ർ​ഗാ​സി​നെ വാ​യ്പാ​ടി​സ്ഥാ​ന​ത്തി​ൽ ടീ​മി​ലെ​ത്തി​ച്ച​താ​യി അ​ൽ റ​യ്യാ​ൻ അ​ധി​കൃ​ത​ർ ക​ഴി​ഞ്ഞ ദി​വ​സം ഔ​ദ്യോ​ഗി​ക ട്വി​റ്റ​ർ ഹാ​ൻ​ഡി​ലി​ൽ വ്യ​ക്ത​മാ​ക്കി​യി​രു​ന്നു. 12 ടീ​മു​ക​ളു​ള്ള ഖ​ത്ത​ർ സ്റ്റാ​ർ​സ് ലീ​ഗി​ൽ നി​ല​വി​ൽ നി​രാ​ശ​ജ​ന​ക​മാ​യ പ്ര​ക​ട​ന​ത്തോ​ടെ പ​ത്താം സ്ഥാ​ന​ത്താ​ണ് അ​ൽ റ​യ്യാ​ൻ.