യോഗ്യർ ശ്രീനിധി: ക്വാ​ളി​ഫ​യ​റിൽ നെരോകയെ 4-2ന് വീഴ്ത്തി ക​ട​ന്ന് സൂ​പ്പ​ർ ക​പ്പ് യോ​ഗ്യ​ത

മ​ഞ്ചേ​രി:​ സൂ​പ്പ​ർ ക​പ്പ് യോ​ഗ്യ​ത​യി​ൽ ഐ ​ലീ​ഗ് ടീ​മു​ക​ളു​ടെ സൂ​പ്പ​ർ പോ​രി​ൽ ​​ശ്രീ​നി​ധി ഡെ​ക്കാ​ന് ക​ളം​നി​റ​ഞ്ഞ വി​ജ​യം. ബു​ധ​നാ​ഴ്ച ​വൈ​കീ​ട്ട് പ​യ്യ​നാ​ട്ട് ന​ട​ന്ന ഒന്നാം ക്വാളിഫയർ മ​ത്സ​ര​ത്തി​ൽ നെ​രോ​ക എ​ഫ്.​സി​യെ ര​ണ്ടി​നെ​തി​രെ നാ​ല് ഗോ​ളു​ക​ൾ​ക്ക് ത​റ​പ​റ്റി​ച്ചാ​ണ് ശ്രീ​നി​ധി ഡെ​ക്കാ​ൻ യോ​ഗ്യ​ത നേ​ടി​യ​ത്.

ആ​ദ്യ പ​കു​തി​യി​ൽ 37ാം മി​നി​റ്റി​ൽ ശ്രീ​നി​ധി​യു​ടെ അ​ഫ്ഗാ​ൻ മി​ഡ്ഫീ​ൽ​ഡ​ർ ഫൈ​സ​ൽ ശാ​യ്സ്ത​യാ​ണ് ഗോ​ള​ടി​ക്ക് തു​ട​ക്ക​മി​ട്ട​ത്. ര​ണ്ടാം പ​കു​തി​യി​ൽ 54ാം മി​നി​റ്റി​ൽ ക്യാ​പ്റ്റ​ൻ ഡേ​വി​ഡ് മു​നോ​സ് പൈ​നാ​ൽ​റ്റി കി​ക്കി​ലൂ​ടെ ഗോ​ളെ​ണ്ണം ര​ണ്ടാ​ക്കി. തു​ട​ർ​ന്ന് പൊ​രു​തി​ക്ക​ളി​ച്ച നെ​രോ​ക​യെ നി​രാ​ശ​രാ​ക്കി 90ാം മി​നി​റ്റി​ലും അ​ധി​ക​സ​മ​യ​ത്തും പ​ക​ര​ക്കാ​ര​നാ​യി​റ​ങ്ങി​യ റി​ൽ​വാ​ൻ ഹ​സ​ൻ ശ്രീ​നി​ധി​ക്കാ​യി ര​ണ്ട് ഗോ​ളു​ക​ൾ​കൂ​ടെ അ​ടി​ച്ചെ​ടു​ത്ത് സു​പ്പ​ർ ടി​ക്ക​റ്റ് ഉ​റ​പ്പി​ച്ചു.

ര​ണ്ടാം പ​കു​തി​യി​ൽ 60ാം മി​നി​റ്റി​ൽ ടാ​ങ്ങ്‍വ​റാ​ഗു​വും 79ാം മി​നി​റ്റി​ൽ ബെ​ഞ്ച​മി​നും നെ​രോ​ക​യു​ടെ ആ​ശ്വാ​സ ഗോ​ളു​ക​ൾ നേ​ടി. ക​ളി തു​ട​ങ്ങി​യ​പ്പോ​ൾ പ്ര​തി​രോ​ധ​ത്തി​ലൂ​ന്നി ക​ളി​ച്ച ശ്രീ​നി​ധി ​ഡെ​ക്കാ​ൻ പി​ന്നീ​ട് ആ​ക്ര​മ​ണ ഫു​ട്ബാ​ൾ കാ​ഴ്ച​വെ​ക്കു​ക​യാ​യി​രു​ന്നു.

ത​ണു​ത്ത തു​ട​ക്കം, ഒ​ടു​ക്കം ശ്രീ​നി​ധി

ആ​ദ്യ പ​കു​തി​യു​ടെ തു​ട​ക്ക​ത്തി​ൽ 25 മി​നി​റ്റോ​ളം ത​ണു​ത്ത് ക​ളി​ച്ച ശ്രീ​നി​ധി ഡെ​ക്കാ​ൻ എ​ഫ്.​സി പി​ന്നീ​ട് മി​ക​ച്ച നീ​ക്ക​​ങ്ങ​ളോ​ടെ നെ​രോ​ക എ​ഫ്.​സി​യെ വ​രി​ഞ്ഞു​മു​റു​ക്കു​ക​യാ​യി​രു​ന്നു. 20ാം മി​നി​റ്റി​ൽ നെ​രോ​ക​യു​ടെ മി​ഡ്ഫീ​ൽ​ഡ​ർ ടാ​ങ്‍വ ന​ൽ​കി​യ ​ക്രോ​സി​ൽ​നി​ന്ന് സ്ട്രൈ​ക്ക​ർ തോം​യോ ഷി​മ്രാ​യി​യു​ടെ ഒ​രു ഷോ​ട്ട് മാ​ത്ര​മാ​ണ് ആ​ദ്യ​പ​കു​തി​യി​ൽ ശ്രീ​നി​ധി ഡെ​ക്കാ​ന്റെ പ്ര​തി​രോ​ധ​ത്തെ ഭ​യ​പ്പെ​ടു​ത്തി​യ​ത്.

35ാം മി​നി​റ്റി​ൽ, ക​ളം നി​റ​ഞ്ഞ് ക​ളി​ച്ച ശ്രീ​നി​ധി ഡെ​ക്കാ​ന്റെ അ​ഫ്ഗാ​ൻ താ​രം ഫൈ​സ​ൽ ശാ​യ്സ്ത ബോ​ക്സി​നു​ള്ളി​ൽ​നി​ന്ന് പാ​യി​ച്ച ഷോ​ട്ട് നെ​രോ​ക ഗോ​ളി ശു​ഭം ദാ​സ് കൈ​ക​ളി​ലൊ​തു​ക്കി. 37ാം മി​നി​റ്റി​ൽ ശ്രീ​നി​ധി​യു​ടെ മു​ന്നേ​റ്റ​ങ്ങ​ൾ​ക്ക് ഫ​ല​മു​ണ്ടാ​യി. മൈ​താ​ന​ത്തി​ന്റെ മ​ധ്യ​ഭാ​ഗ​ത്തു​നി​ന്ന് റാം​ലും​ചും​ഗ ന​ൽ​കി​യ പാ​സ് ​സ്വീ​ക​രി​ച്ച് ബോ​ക്സ് ലൈ​നി​ൽ​നി​ന്ന് ഫൈ​സ​ൽ ശാ​യ്സ്ത നീ​ട്ടി​യ​ടി​ച്ച ഷോ​ട്ട് നെ​രോ​ക​യു​ടെ ​പ്ര​തി​രോ​ധ​ത്തെ മ​റി​ക​ട​ന്ന് ഗോ​ൾ​പോ​സ്റ്റി​ലേ​ക്ക് ഉ​രു​ണ്ടു​ക​യ​റി.

ഒ​രു ഗോ​ളി​ന് ലീ​ഡാ​യ ശ്രീ​നി​ധി​യു​ടെ പോ​സ്റ്റി​ലേ​ക്ക് ചെ​റി​യ ഭീ​ഷ​ണി​ക​ൾ തീ​ർ​ത്ത് നെ​രോ​ക​ൻ മു​ന്നേ​റ്റ​നി​ര കു​തി​ച്ചെ​ങ്കി​ലും പ്ര​തി​രോ​ധം മ​റി​ക​ട​ക്കാ​നാ​യി​ല്ല. 44ാം മി​നി​റ്റി​ൽ ശ്രീ​നി​ധി​യു​ടെ ​ഫൈ​സ​ൽ ശാ​യ്സ്ത​യു​ടെ ത​ന്ത്ര​പ​ര​മാ​യ നീ​ക്ക​ത്തി​നൊ​ടു​വി​ൽ ക്യാ​പ്റ്റ​ൻ ഡേ​വി​ഡ് മു​നോ​സി​ന് ഹെ​ഡ് ചെ​യ്യാ​ൻ അ​വ​സ​രം ല​ഭി​​ച്ചെ​ങ്കി​ലും ഗോ​ളാ​ക്കാ​ൻ മാ​ത്രം വേ​ഗ​മു​ണ്ടാ​യി​ല്ല.

പോ​രാ​ട്ട​ത്തി​ന്റെ ര​ണ്ടാം പാ​തി

ആ​ദ്യ​പ​കു​തി​യി​ൽ ഒ​രു ഗോ​ളി​ന് പി​ന്നി​ട്ട നെ​രോ​ക​ൻ ടീം ​ഗോ​ൾ മ​ട​ക്കാ​നു​ള്ള ശ്ര​മ​ങ്ങ​ളു​മാ​യി പൊ​രി​ഞ്ഞ ക​ളി പു​റ​ത്തെ​ടു​ക്കു​ന്ന​താ​ണ് ര​ണ്ടാം പ​കു​തി​യി​ൽ ക​ണ്ട​ത്. ഇ​തി​നി​ടെ നെ​രോ​ക​ൻ പോ​സ്റ്റി​ൽ ഫൗ​ൾ ചെ​യ്ത​തി​ന് ല​ഭി​ച്ച പെ​നാ​ൽ​റ്റി​യി​ലൂ​ടെ ശ്രീ​നി​ധി ലീ​ഡ് ര​ണ്ടാ​യു​യ​ർ​ത്തി.

പെ​നാ​ൽ​റ്റി കി​ക്കെ​ടു​ത്ത ശ്രീ​നി​ധി ക്യാ​പ്റ്റ​ൻ ഡേ​വി​ഡ് മു​നോ​സ് അ​നാ​യാ​സം ഗോ​ൾ നേ​ടു​ക​യാ​യി​രു​ന്നു (2-0). തു​ട​ർ​ന്ന് നെ​രോ​ക​ൻ താ​ര​ങ്ങ​ൾ ശ്രീ​നി​ധി​യു​ടെ പോ​സ്റ്റി​ലേ​ക്ക് നി​ര​ന്ത​രം ക​ട​ന്നു​ക​യ​റി​യ​ത് ക​ളി ആ​വേ​ശ​ത്തി​ലാ​ക്കി.

66ാം മി​നി​റ്റി​ൽ നെ​രോ​ക​ൻ മി​ഡ്ഫീ​ൽ​ഡ​ർ ടാ​ങ്‍വാ​റാ​ഗു​വി​ന്റെ ബോ​ക്സി​നു പു​റ​ത്ത് നി​ന്നു​ള്ള ക​ന​ത്തി​ലു​ള്ള ഷോ​ട്ട് ഗോ​ളാ​യി (2-1). 79ാം മി​നി​റ്റി​ൽ ശ്രീ​നി​ധി​യു​ടെ പ്ര​തി​രോ​ധ​ത്തി​ൽ​നി​ന്ന് തി​രി​ച്ചു​വ​ന്ന പ​ന്ത് നെ​രോ​ക മി​ഡ്ഫീ​ൽ​ഡ​ർ ബെ​ഞ്ച​മി​ൻ സ​മ​യം വൈ​കാ​തെ പോ​സ്റ്റി​ലേ​ക്ക് അ​ടി​ച്ചു​ക​യ​റ്റി. ഇ​തോ​ടെ ഇ​രു​ടീ​മും ര​ണ്ട് ഗോ​ള​ടി​ച്ച് ഒ​പ്പ​ത്തി​നൊ​പ്പ​മാ​യി. തു​ട​ർ​ന്ന് വി​ജ​യ​ഗോ​ളി​നാ​യു​ള്ള പെ​രു​ങ്ക​ളി​യാ​യി​രു​ന്നു.

ക​ളി​യു​ടെ 90-ാം മി​നി​റ്റി​ൽ ശ്രീ​നി​ധി പ​ക​ര​ക്കാ​ര​നാ​യി ഇ​റ​ക്കി​യ നൈ​ജീ​രി​യ​ൻ താ​രം റി​ൽ​വാ​ൻ ഹ​സ​ൻ മൂ​ന്നാം ഗോ​ൾ നേ​ടി ക​ളി​യി​ൽ അ​പ്ര​തീ​ക്ഷി​ത ട്വി​സ്റ്റു​ണ്ടാ​ക്കി. ഇ​തോ​ടെ പ​രാ​ജ​യം സ​മ്മ​തി​ച്ച നെ​രോ​ക​യു​ടെ പ്ര​തി​രോ​ധ​നി​ര​യെ വീ​ണ്ടും പ​രീ​ക്ഷി​ച്ച് ശ്രീ​നി​ധി​യു​ടെ റി​ൽ​വാ​ൻ ഹ​സ​ൻ വീ​ണ്ടും സ്കോ​ർ ചെ​യ്ത് ഗോ​ളെ​ണ്ണം നാ​ലാ​ക്കി മാ​റ്റു​ക​യാ​യി​രു​ന്നു.