Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightസിദാൻ റയൽ വിടുന്നു;...

സിദാൻ റയൽ വിടുന്നു; പിൻഗാമിയാവാൻ പരിഗണിക്കുന്നത്​ മൂന്ന്​ പേരെ

text_fields
bookmark_border
zinedine zidane
cancel

മഡ്രിഡ്​: ഫ്രഞ്ച്​ ഫുട്​ബാൾ ഇതിഹാസവും സൂപ്പർ പരിശീലകനുമായ സിനദിൻ സിദാൻ റയൽ മഡ്രിഡ്​ പരിശീലക സ്​ഥാനം ഒഴിയുന്നു. സീസൺ അവസാനത്തോടെ ക്ലബ്​ വിടുമെന്ന്​ സിദാൻ കളിക്കാരോട്​ പറഞ്ഞതായി സ്​പാനിഷ്​ മാധ്യമങ്ങൾ റിപ്പോർട്ട്​ ചെയ്​തു.

2022 വരെ കരാറുണ്ടെങ്കിലും അടുത്ത ആഴ്​ച സീസൺ അവസാനിക്കുന്നതോടെ താൻ പരിശീലകക്കുപ്പായം അഴിക്കുമെന്ന്​ സിദാൻ റയൽ താരങ്ങളോട്​ വ്യക്തമാക്കിയതായി ഒൻഡ സെറോ റേഡി​േയായും ഗോൾ ഓൺലൈനും റിപ്പോർട്ട്​ ചെയ്​തു.

മുൻ യുവന്‍റസ്​ പരിശീലകൻ മാസിമില്ല്യാനോ അല്ലഗ്രി, മുൻ റയൽ താരം റൗൾ ഗോൺസാലസ്​, യോക്വിം ലോയ്​വ്​ എന്നിവരിൽ ഒരാളാകും സിദാന്‍റെ പിൻഗാമിയെന്നാണ്​ ഒൻഡ സെറോ റിപ്പോർട്ട്​ ചെയ്യുന്നത്​. റയൽ റിസർവ്​ ടീമിന്‍റെ പരിശീലകനായ റൗളിനാണ്​ കൂടുതൽ സാധ്യത​. യൂറോപ്യൻ ചാമ്പ്യൻഷിപ്പുകൾ കഴിയുന്നതോടെ ലോയ്​വ്​ ജർമനിയുടെ പരിശീലക സ്​ഥാനം ഒഴിയും.

ടീമിനെ തുടർച്ചയായ മൂന്നാം തവണ ചാമ്പ്യൻസ്​ ലീഗ്​ ജേതാക്കളാക്കിയ ശേഷം 2018ൽ​ സിദാൻ റയലിന്‍റെ പരിശീലക സ്​ഥാനം ഒഴിഞ്ഞിരുന്നു​. എന്നാൽ വെറും 10 മാസങ്ങൾക്ക്​ ശേഷം അദ്ദേഹം സാന്‍റിയാഗോ ബെർണബ്യൂവിൽ മടങ്ങി​യെത്തി.

സിദാന്​ കീഴിൽ റയൽ 2016-2017, 2018-2020 സീസണുകളിൽ ലാലിഗ ജേതാക്കളായിട്ടുണ്ട്​. സിദാനോടൊപ്പം റയൽ 2016ലും 2017ലും യുവേഫ സൂപ്പർ കപ്പും ഫിഫ ക്ലബ്​ ലോകകപ്പും സ്വന്തമാക്കിയിട്ടുണ്ട്​.

രണ്ട്​ മത്സരം മാത്രം അവശേഷിക്കേ അത്​ലറ്റിക്കോക്ക് (80 പോയന്‍റ്​)​ പിന്നിൽ രണ്ടാമതാണ്​ റയൽ (78 പോയന്‍റ്​). 76 പോയന്‍റുമായി ബാഴ​്​സലോണയാണ്​ മൂന്നാമത്​. ലാലിഗയിൽ ഞായറാഴ്ച നടക്കുന്ന എവേ മത്സരത്തിൽ റയൽ അത്​ലറ്റിക്കോ ബിൽബാവോയെ നേരിടും. വാൻഡമെട്രോപൊളിറ്റാനോയിൽ ഒസാസുനയാണ്​ അത്​ലറ്റിക്കോയുടെ എതിരാളി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:real madridfootballzinedine zidane
News Summary - Spanish Media reports Zinedine Zidane Has Told Players He's Leaving Real Madrid
Next Story