അച്ചടക്കമില്ലായ്​മയിൽ വലഞ്ഞ്​ ഇംഗ്ലണ്ട്;​ കളത്തിനു അകത്തും പുറത്തും പ്രശ്​നക്കാർ

ലണ്ടൻ: അച്ചടക്കരാഹിത്യത്തിനു പേരുകേട്ടതാണ്​ ഇംഗ്ലണ്ട്​ ഫുട്​ബാൾ ടീം. ഡേവിഡ്​ ബെക്കാമും വെയിൻ റൂണിയുമെല്ലാം ഇക്കാര്യത്തിലും കഴിവ്​ തെളിയിച്ചവരായിരുന്നു.

ഗാരെത്​ സൗത്​ഗേറ്റി​െൻറ പരിശീലകത്വത്തിൽ അച്ചടക്കമുള്ള യുവനിരയെ വാർത്തെടുക്കാമെന്ന ഇംഗ്ലീഷ്​ പ്രതീക്ഷക്ക്​ മങ്ങലേൽക്കുന്ന അവസ്ഥയാണ്​ സമീപ മാസങ്ങളിൽ. 2019 നവംബറിൽ റഹീം സ്​റ്റെർലിങ്ങും ജോ ​േഗാമസ​ും ഏറ്റുമുട്ടിയതിൽ തുടങ്ങിയ ​പ്രതിസന്ധി നീളുകയാണ്​.

അന്ന്​ അച്ചടക്ക നടപടിയു​െട ഭാഗമായി സ്​റ്റെർലിങ്ങിനെ പുറത്തുനിർത്തി പ്രശ്​നം താൽക്കാലികമായി പരിഹരിച്ചു. കോവിഡ്​ മഹാമാരി മൂലം നിർത്തിവെച്ച മത്സരങ്ങൾ പുനരാരംഭിക്കും മു​േമ്പ പ്രശ്​നം തുടങ്ങി. മാഞ്ചസ്​റ്റർ യുനൈറ്റഡ്​ നായകൻ കൂടിയായ ഹാരി മഗ്വയർ അവധിയാഘോഷത്തിന്​ ഗ്രീസിൽ പോയി പൊലീസുകാ​രനെ ഇടിച്ചിട്ടതോടെ ​െഎസ്​ലാൻഡിനും ഡെൻമാർക്കിനും എതിരായ നാഷൻസ്​ ലീഗ്​ മത്സരങ്ങളിൽ പുറത്തിരിക്കേണ്ടി വന്നു.

​െഎസ്​ലാൻഡിൽ വെച്ച്​ ഹോട്ടലിലേക്ക്​ സ്​ത്രീകളെ വിളിച്ചുവരുത്തി കോവിഡ്​ പ്രോ​േട്ടാകോൾ ലംഘിച്ച ഫിൽഫോഡനെയും മാസൺ ​ഗ്രീൻവുഡിനെയും തിരിച്ചയക്കേണ്ടി വന്നു.

ഇൗ പ്രശ്​നങ്ങൾ പരിഹരിച്ചുവരവേയാണ്​ ടാമ്മി അബ്രഹാം, ബെൻ ചിൽവിൽ, ജാഡൻ സാഞ്ചോ എന്നിവർ അച്ചടക്കം ലംഘിച്ചത്​. കോവിഡ്​ പ്രോ​േട്ടാകോൾ ലംഘിച്ച്​ ജന്മദിനാഘോഷം സംഘടിപ്പിച്ച മൂവരും ടീമിന്​ പുറത്തായി.

കളത്തിനു​ പുറത്തുള്ള പ്രശ്​നങ്ങളിൽ കളിയിലും ബാധിച്ചുതുടങ്ങി. ഡെൻമാർക്കിനെതിരായ മത്സരത്തിൽ ഹാരി മഗ്വയറും റീസ്​ ജയിംസും ചുവപ്പ്​ കാർഡും വാങ്ങി. ഇനിയുള്ള മത്സരങ്ങൾക്കു മുമ്പ്​ ഇത്തരം പ്രശ്​നങ്ങൾ പരിഹരിക്കാനുള്ള ശ്രമത്തിലാണ്​ സൗത്​ഗേറ്റും നായകൻ ഹാരി കെയ്​നും.