ഒന്നുകൂടി തെന്നിക്കേറണം; കൊ​ച്ചി​യി​ൽ ഇ​ന്ന് തെ​ന്നി​ന്ത്യ​ൻ ഡെ​ർ​ബി

കൊ​ച്ചി: ശ​നി​യാ​ഴ്ച ക​ലൂ​രി​ൽ ഹൈ​ദ​രാ​ബാ​ദ് എ​ഫ്.​സി​യെ ഒ​റ്റ ഗോ​ളി​ന്‌ വീ​ഴ്ത്തി ടേ​ബി​ൾ ടോ​പ്പി​ൽ എ​ത്തി​യ​താ​യി​രു​ന്നു കേ​ര​ള ബ്ലാ​സ്റ്റേ​ഴ്‌​സ്. ആ​ഘോ​ഷം പ​ക്ഷേ, 48 മ​ണി​ക്കൂ​ർ തി​ക​ച്ച​പ്പോ​ഴേ​ക്ക് എ​ഫ്.​സി ഗോ​വ വീ​ണ്ടും മു​ന്നി​ൽ ക​യ​റി. ഐ.​എ​സ്.​എ​ല്‍ പോ​യ​ന്റ് പ​ട്ടി​ക​യി​ലെ ഒ​ന്നാം സ്ഥാ​നം തി​രി​ച്ചു​പി​ടി​ക്കാ​ന്‍ കേ​ര​ള ബ്ലാ​സ്റ്റേ​ഴ്‌​സ് ബുധനാഴ്ച സ്വ​ന്തം ത​ട്ട​ക​ത്തി​ൽ വീ​ണ്ടു​മി​റ​ങ്ങു​ന്നു.

ജ​വ​ഹ​ര്‍ലാ​ല്‍ നെ​ഹ്‌​റു സ്റ്റേ​ഡി​യ​ത്തി​ല്‍ രാ​ത്രി എ​ട്ടി​ന് ന​ട​ക്കു​ന്ന മ​ത്സ​ര​ത്തി​ല്‍ എ​തി​രാ​ളി​ക​ള്‍ ചെ​ന്നൈ​യി​ന്‍ എ​ഫ്‌.​സി​യാ​ണ്. മു​ന്‍ ചാ​മ്പ്യ​ന്മാ​രാ​യ ഹൈ​ദ​രാ​ബാ​ദ് എ​ഫ്‌.​സി​യെ തോ​ൽ​പി​ച്ച ആ​വേ​ശ​വും ആ​ത്മ​വി​ശ്വാ​സ​വു​മാ​ണ് സീ​സ​ണി​ലെ എ​ട്ടാം മ​ത്സ​ര​ത്തി​ലെ കൈ​മു​ത​ൽ.

ത​ട്ട​ക​ത്തി​ൽ അ​ജ​യ്യ​ർ

സീ​സ​ണി​ൽ ഇ​തു​വ​രെ സ്വ​ന്തം കാ​ണി​ക​ൾ​ക്ക് മു​ന്നി​ൽ തോ​റ്റി​ട്ടി​ല്ല ഇ​വാ​ൻ വു​കു​മ​നൊ​വി​ച്ചി​ന്റെ കു​ട്ടി​ക​ൾ. ആ​കെ ഏ​ഴ് മ​ത്സ​ര​ങ്ങ​ളി​ൽ അ​ഞ്ച് ജ​യ​വും ഓ​രോ സ​മ​നി​ല​യും തോ​ൽ​വി​യു​മാ​യി 16 പോ​യ​ന്റ്. അ​ഞ്ച് മ​ത്സ​രം ക​ളി​ച്ച ഗോ​വ​ക്കും 16 പോ​യ​ന്റാ​ണെ​ങ്കി​ലും ഗോ​ൾ വ്യ​ത്യാ​സ​ത്തി​ന്റെ ആ​നു​കൂ​ല്യ​ത്തി​ൽ ഒ​ന്നാം സ്ഥാ​ന​ത്തേ​ക്ക് ക​യ​റി.

വി​ജ​യ​സം​ഘ​ത്തി​ൽ പ​രീ​ക്ഷ​ണ​ങ്ങ​ൾ​ക്ക് സാ​ധ്യ​ത കു​റ​വാ​ണ്. ഇ​ന്ന​ത്തെ തെ​ന്നി​ന്ത്യ​ൻ ഡെ​ർ​ബി സ​മ​നി​ല​യി​ലാ​യാ​ൽ​പോ​ലും മ​ഞ്ഞ​പ്പ​ട​ക്ക് ഒ​ന്നാം സ്ഥാ​ന​ത്തേ​ക്ക് ക​യ​റാം. മി​ക​ച്ച ജ​യ​ത്തി​ലൂ​ടെ ലീ​ഡ് കൂ​ട്ടി പ​ട്ടി​ക​യി​ലെ ഒ​ന്നാ​മ​ന്മാ​ർ​ക്കു​ള്ള ഐ.​എ​സ്.​എ​ൽ ഷീ​ൽ​ഡ് കൂ​ടി കൈ​പ്പി​ടി​യി​ലൊ​തു​ക്കു​ക​യാ​ണ് ല​ക്ഷ്യം.

ആ​ക്ര​മ​ണ​ങ്ങ​ൾ​ക്ക് മൂ​ർ​ച്ച ഇ​ല്ലാ​ത്ത​താ​ണ് ബ്ലാ​സ്‌​റ്റേ​ഴ്‌​സി​നെ അ​ല​ട്ടു​ന്ന പ്ര​ധാ​ന പ്ര​ശ്‍നം. പ്ര​തി​രോ​ധ നി​ര​യാ​വ​ട്ടെ ‘ഓ​വ​ർ​ടൈം’ പ​ണി​യെ​ടു​ക്കു​ന്നു​മു​ണ്ട്. വി​ല​ക്ക് ക​ഴി​ഞ്ഞി​റ​ങ്ങി​യ മോ​ണ്ടി​നെ​ഗ്രോ ഡി​ഫ​ൻ​ഡ​ർ മി​ലോ​സ് ഡ്രി​ന്‍സി​ച്ചി​ന്റെ ഗോ​ളി​ലാ​ണ് ഹൈ​ദ​രാ​ബാ​ദി​നെ തോ​ൽ​പി​ച്ച​ത്.

അ​വ​സ​ര​ങ്ങ​ൾ പ​ല​തും ല​ഭി​ച്ചെ​ങ്കി​ലും ഷോ​ട്ട് ഓ​ൺ ടാ​ർ​ഗ​റ്റ് ര​ണ്ടെ​ണ്ണം മാ​ത്രം. മ​ധ്യ​നി​ര​യി​ൽ പാ​ക​പ്പി​ഴ​ക​ൾ കു​റ​വാ​യി​രു​ന്നു. അ​ഡ്രി​യാ​ന്‍ ലൂ​ണ, ക്വാ​മി പെ​പ്ര, ഡ​യ്‌​സു​കെ, കെ.​പി. രാ​ഹു​ല്‍ തു​ട​ങ്ങി​യ താ​ര​ങ്ങ​ളി​ലും ഗോ​ള്‍വ​ല കാ​ക്കു​ന്ന സ​ച്ചി​ന്‍ സു​രേ​ഷി​ലും ബ്ലാ​സ്റ്റേ​ഴ്‌​സ് വ​ലി​യ പ്ര​തീ​ക്ഷ പു​ല​ർ​ത്തു​ന്നു​ണ്ട്.

ഏ​ഴി​ല്‍നി​ന്ന് പു​റ​ത്തു​ക​ട​ക്കാ​ൻ ചെ​ന്നൈ​യി​ൻ

ചെ​ന്നൈ​യി​നെ സം​ബ​ന്ധി​ച്ച് പ്ലേ​ഓ​ഫ് സ്വ​പ്ന​ങ്ങ​ൾ​ക്ക് നി​റം​പ​ക​രാ​ൻ ജ​യ​ത്തി​ൽ കു​റ​ഞ്ഞൊ​ന്നും ആ​വ​ശ്യ​മി​ല്ല. ഇ​തു​വ​രെ ര​ണ്ട് മ​ത്സ​ര​ങ്ങ​ള്‍ മാ​ത്രം ജ​യി​ച്ച് ഏ​ഴ് പോ​യ​ന്റു​മാ​യി ഏ​ഴാം സ്ഥാ​ന​ത്താ​ണ് മു​ൻ ചാ​മ്പ്യ​ന്മാ​ർ. കൊ​ച്ചി​യി​ലെ മ​ഞ്ഞ​പ്പ​ട ആ​രാ​ധ​ക​ര്‍ക്ക് മു​ന്നി​ലെ മ​ത്സ​രം വെ​ല്ലു​വി​ളി നി​റ​ഞ്ഞ​താ​ണെ​ങ്കി​ലും മി​ക​ച്ച പ്ര​ക​ട​നം ന​ട​ത്താ​ന്‍ സ​ജ്ജ​മാ​യി​ക്ക​ഴി​ഞ്ഞെ​ന്ന് ചെ​ന്നൈ​യി​ന്‍ പ​രി​ശീ​ല​ക​ന്‍ ഓ​വ​ന്‍ കോ​യി​ല്‍ വ്യ​ക്ത​മാ​ക്കി.

മു​ന്‍ ബ്ലാ​സ്റ്റേ​ഴ്‌​സ് താ​രം വി​ന്‍സി ബ​റേ​റ്റ, ഇ​ന്ത്യ​ൻ സ്‌​ട്രൈ​ക്ക​ർ റ​ഹീം അ​ലി തു​ട​ങ്ങി​യ​വ​രി​ൽ​നി​ന്ന് കാ​ര്യ​മാ​യ സം​ഭാ​വ​ന​ക​ൾ പ്ര​തീ​ക്ഷി​ക്കു​ന്നു​ണ്ട്. നേ​ർ​ക്കു​നേ​ർ ജ​യ​പ​രാ​ജ​യ​ങ്ങ​ളു​ടെ ക​ണ​ക്കെ​ടു​ത്താ​ൽ ഒ​പ്പ​ത്തി​നൊ​പ്പ​മാ​ണ് ബ്ലാ​സ്റ്റേ​ഴ്‌​സും ചെ​ന്നൈ​യി​നും. 20ൽ ​ആ​റു വീ​തം മ​ത്സ​ര​ങ്ങ​ൾ ജ​യി​ച്ചു. ഈ ​സ​മ​നി​ല​കൂ​ടി ത​ക​ർ​ക്കാ​ൻ ക​ലൂ​രി​ലെ ക​ളി നേ​ടു​ന്ന​വ​ർ​ക്ക് ക​ഴി​യും.