യുനൈറ്റഡിന്​ തോൽവിത്തുടക്കം; ചെങ്കുപ്പായക്കാരെ മലർത്തിയടിച്ചത്​ ക്രിസ്​റ്റൽ പാലസ്​

ലണ്ടൻ: സ്വന്തം തട്ടകമായ ഓൾഡ്​ ​ട്രാഫോർഡിൽ അനായാസ ജയം കുറിച്ച്​ പുതുസീസണ്​ തുടക്കമിടാൻ കരുതിയിറങ്ങിയ മാഞ്ചസ്​റ്റർ യുനൈറ്റഡിന്​ കനത്ത തിരിച്ചടി. ഒന്നിനെതിരെ മൂന്നുഗോളുകൾക്ക്​ തകർത്ത്​ ക്രിസ്​റ്റൽ പാലസ്​ ചെങ്കുപ്പായക്കാർക്ക്​ അപ്രതീക്ഷിത ഷോക്ക്​ നൽകി.

പന്ത്​ കൈവശം വെക്കുന്നതിലും ആക്രമണങ്ങൾ സൃഷ്​ടിക്കുന്നതിലും മുന്നിട്ടുനിന്നെങ്കിലും പ്രതിരോധത്തിലെ വലിയ വീഴ്​ചകളാണ്​ യുനൈറ്റഡിന്​ വേദനിപ്പിക്കുന്ന തുടക്കം സമ്മാനിച്ചത്​. ഏഴാം മിനുട്ടിൽ തന്നെ ആ​ന്ദ്രോസ്​ ടൗൺസെൻറിലൂടെ ക്രിസ്​റ്റൽ പാലസ്​ മുന്നിലെത്തിയിരുന്നു. വിൽഫ്രഡ്​ സാഹയുടെ ഇരട്ട ഗോളുകൾ കൂടി ചേർന്നപ്പോൾ യുനൈറ്റഡിന്റെ പതനം വേഗത്തിലായി.

പെനൽറ്റിയിലൂടെ സാഹ നേടിയ ഗോൾ വിവാദത്തിനിടയാക്കിയിട്ടുണ്ട്​. യുനൈറ്റഡി​െൻറ വിക്​ടർ ലിൻഡോഫി​െൻറ കയ്യിൽ പന്ത്​ തട്ടിയതിനെത്തുടർന്ന്​ ലഭിച്ച പെനൽറ്റി ​ ഗോൾകീപ്പർ ഡേവിഡ്​ ഡിഹിയ സമർഥമായി തടുത്തി​ട്ടെങ്കിലും ​ഗോൾകീപ്പറുടെ ചലനത്തിലെ അപാകത കാരണമായിച്ചൊല്ലി വാർ സിസ്​റ്റം വഴി വീണ്ടും പെനൽറ്റി വിധിക്കുകയായിരുന്നു. 2014നു ശേഷം ഡിഹിയ ആദ്യമായി തടുത്തിട്ട പെനൽറ്റി ഫലത്തിൽ ഒന്നുമല്ലാതായി. സംഭവത്തിൽ പ്രതിഷേധവുമായി യുനൈറ്റഡിന്റെ​ മുൻതാരം ഗാരിനെവില്ല ഉ​ൾപ്പെടെയുള്ളവർ രംഗത്തെത്തിയിട്ടുണ്ട്​.

യുനൈറ്റഡിനായി അരങ്ങേറ്റക്കാരനായ ഡോണി വാൻ ഡി ബിക്കാണ്​ ആശ്വാസഗോൾ നേടിയത്​. കഴിഞ്ഞ സീസണിന്റെ അവസാനത്തിൽ താളം വീണ്ടെടുത്ത യുനൈറ്റഡി​െൻറ പ്രീമിയർ ലീഗിലെ 14 മത്സരങ്ങൾ നീണ്ട അപരാജിത കുതിപ്പിന്​ ഇതോടെ വിരാമമായി.

ലീഡ്​സിന്​ ജയം

ലണ്ടൻ: ഇംഗ്ലീഷ്​ പ്രീമിയർ ലീഗിൽ ലീഡ്​സിന്​ തകർപ്പൻ ജയം. ആദ്യ മത്സരത്തിൽ ലിവർപൂളിനെ ഞെട്ടിച്ച ലീഡ്​സ്​ ശനിയാഴ്​ച ഫൂൾഹാമിനെ 4-3ന്​ അട്ടിമറിച്ചു. ഹെൽഡർ കോസ്​റ്റ രണ്ട്​ ഗോൾ നേടി.

മറ്റൊരു മത്സരത്തിൽ എവർട്ടൻ 5-2ന്​ വെസ്​​റ്റ്​ബ്രോമിനെ തോൽപിച്ചു.

Latest Video: