സന്തോഷ് ട്രോഫിയിൽ കേരളത്തിന് വിജയത്തുടക്കം; മറുപടിയില്ലാത്ത ഒറ്റ ഗോളിന് റെയിൽവേസിനെ പരാജയപ്പെടുത്തി

കോഴിക്കോട്: സന്തോഷ് ട്രോഫിയിൽ കേരളത്തിന് വിജയ തുടക്കം. ആദ്യ ഗ്രൂപ്പ് മത്സരത്തിൽ കേരളം ശക്തരായ റെയിൽവേസിനെ മറുപടിയില്ലാത്ത ഒരു ഗോളിന് പരാജയപ്പെടുത്തി. ആദ്യ പകുതിയിലെ ഗോൾ വരൾച്ചക്ക് ശേഷം രണ്ടാം പകുതിയിൽ, 71-ാം മിനിറ്റിൽ മുഹമ്മദ് അജ്സൽ നേടിയ ഗോളിലൂടെയാണ് കേരളം ജയം സ്വന്തമാക്കിയത്. നിജോ ഗിൽബർട്ടിന്റെ അസിസ്റ്റിലാണ് ഈ ഗോൾ പിറന്നത്. റെയിൽവേ പ്രത്യാക്രമണം നടത്തിയെങ്കിലും തിരിച്ചടിക്കാനായില്ല. വെള്ളിയാഴ്ച നടക്കുന്ന രണ്ടാം മത്സരത്തിൽ കേരളം ലക്ഷദ്വീപിനെ നേരിടും.

ഗ്രൗ​ണ്ട് പ​രി​ച​യ​ത്തി​ന്റെ​യും മി​ക​ച്ച സ്ക്വാ​ഡി​ന്റെ​യും ആ​ത്മ​വി​ശ്വാ​സ​ത്തി​ലാണ് സ​ന്തോ​ഷ് ട്രോ​ഫി ഗ്രൂ​പ് എ​ച്ചി​ൽ ത​ങ്ങ​ളു​ടെ ആ​ദ്യ മ​ത്സ​ര​ത്തി​ൽ കേ​ര​ള ടീം റെ​യി​ൽ​വേ​സി​നെ നേ​രി​ട്ടത്. ദേ​ശീ​യ​താ​ര​മാ​യ ഷി​ജു സ്റ്റീ​ഫ​ന്റെ നേ​തൃ​ത്വ​ത്തി​ലി​റ​ങ്ങിയ റെ​യി​ൽ​വേ​സി​നെ​തി​രെ സ​ർ​വ​സ​ന്നാ​ഹ​ത്തോ​ടെ​യു​മാ​ണ് അ​ഞ്ചു​ത​വ​ണ സ​ന്തോ​ഷ് ട്രോ​ഫി​ ഫുട്ബാളിൽ ക​ളി​ച്ച് പ​രി​ച​യ​മു​റ​പ്പി​ച്ച ജി. ​സ​ഞ്ജു​വി​ന് കീ​ഴി​ൽ കേ​ര​ള​ം അണിനിരന്നത്.

എ​ട്ടാം ത​വ​ണ സ​ന്തോ​ഷ് ട്രോ​ഫി കി​രീ​ടം പ്ര​തീ​ക്ഷി​ക്കു​ന്ന കേ​ര​ള ടീ​മി​ന്റെ ക​രു​ത്ത് ക​ളി​ക്കാ​രു​ടെ പ്രാ​യ​ക്കു​റ​വും മ​ത്സ​ര​ങ്ങ​ളി​ലെ പ​രി​ച​യ​വു​മാ​ണ്. ക​ഴി​ഞ്ഞ​വ​ർ​ഷം ഫൈ​ന​ൽ റൗ​ണ്ടി​ലേ​ക്ക് യോ​ഗ്യ​ത നേ​ടി​യ ടീം ​പ​ക്ഷേ ക്വാ​ർ​ട്ട​ർ ഫൈ​ന​ലി​ൽ മ​ട​ങ്ങി. കാ​ലി​ക്ക​റ്റ് എ​ഫ്.​സി​യു​ടെ ഗോ​ള​ടി​യ​ന്ത്രം ഗ​നി അ​ഹ​മ്മ​ദ് നി​ഗം ഉ​ൾ​പ്പെ​ടെ സൂ​പ്പ​ർ ലീ​ഗ് കേ​ര​ള​യി​ൽ ക​ളി​ച്ച എ​ട്ടു താ​ര​ങ്ങ​ളി​ലാ​ണ് പ്ര​തീ​ക്ഷ. സൂ​പ്പ​ർ ലീ​ഗി​ൽ ഏ​റ്റ​വും കു​റ​ച്ച് ഗോ​ൾ വ​ഴ​ങ്ങി​യ ഫോ​ഴ്സ കൊ​ച്ചി​യു​ടെ ഗോ​ൾ​കീ​പ്പ​ർ പാ​ല​ക്കാ​ടു​കാ​ര​ൻ എ​സ്. ഹ​ജ്മ​ൽ സ്ക്വാ​ഡി​ന്റെ ഉ​പ​നാ​യ​ക​നു​മാ​ണ്. പ്ര​തി​രോ​ധ​നി​ര​യി​ലും മ​ധ്യ​നി​ര​യി​ലും ഏ​ഴു​പേ​രെ വീ​ത​വും അ​റ്റാ​ക്കി​ങ്ങി​ന് അ​ഞ്ചു​പേ​രെ​യു​മാ​ണ് കേ​ര​ളം കോ​ഴി​ക്കോ​ട്ട് ഒ​രു​ക്കി​യ​ത്.