സന്തോഷ് ട്രോഫി: ജമ്മു കശ്മീരിന് ജയം; കേരളം വൈകീട്ട് രാജസ്ഥാനെതിരെ

കോഴിക്കോട്: ഇ.എം.എസ് കോർപറേഷൻ സ്റ്റേഡിയത്തിൽ നടക്കുന്ന സന്തോഷ് ട്രോഫി ഗ്രൂപ്പ് രണ്ടിലെ ആദ്യ പോരാട്ടത്തിൽ ജമ്മു കശ്മീരിന് ജയം. എതിരില്ലാത്ത രണ്ട് ഗോളുകൾക്ക് ബിഹാറിനെയാണ് തോൽപിച്ചത്. ആദ്യ പകുതിയിലെ മുപ്പത്തിയെട്ടാം മിനിറ്റിൽ ഫൈസൽ മക്സൂദ് താക്കൂർ ആണ് ആദ്യ ഗോൾ നേടിയത്. അമ്പത്തിയെട്ടാം മിനിറ്റിൽ ആക്കിഫ് ജാവിദ് രണ്ടാം ഗോളും നേടി. ഇന്ന് വൈകീട്ട് 3.30ന് നടക്കുന്ന രണ്ടാം മത്സരത്തിൽ കേരളം രാജസ്ഥാനെ നേരിടും.