സന്തോഷ് ട്രോഫി; കേരളത്തിന്റെ ഗ്രൂപ് മത്സരങ്ങൾ കോഴിക്കോട്ട്

ന്യൂ​ഡ​ൽ​ഹി: 76ാമ​ത് സ​ന്തോ​ഷ് ട്രോ​ഫി ഫു​ട്ബാ​ൾ ടൂ​ർ​ണ​മെൻറി​ന്റെ ഗ്രൂ​പ് മ​ത്സ​ര​ങ്ങ​ൾ കോ​ഴി​ക്കോ​ട്ടും ഡ​ൽ​ഹി​യി​ലും ഭു​വ​നേ​ശ്വ​റി​ലു​മാ​യി ന​ട​ക്കും. മേ​ഖ​ല യോ​ഗ്യ​ത റൗ​ണ്ട് ക​ട​ക്കു​ന്ന ടീ​മു​ക​ൾ അ​ന്തി​മ റൗ​ണ്ടി​ൽ ഏ​റ്റു​മു​ട്ടു​ന്ന​തി​നു പ​ക​രം ഇ​ക്കു​റി ഗ്രൂ​പ്പു​ക​ളാ​യി തി​രി​ച്ചാ​ണ് മ​ത്സ​രം. കേ​ര​ള​മു​ൾ​പ്പെ​ടു​ന്ന ഗ്രൂ​പ് ര​ണ്ടി​ൽ മി​സോ​റം, രാ​ജ​സ്ഥാ​ൻ, ബി​ഹാ​ർ, ആ​ന്ധ്ര​പ്ര​ദേ​ശ്, ജ​മ്മു-​ക​ശ്മീ​ർ എ​ന്നി​വ​രാ​ണു​ള്ള​ത്. ഡി​സം​ബ​ർ 26ന് ​രാ​ജ​സ്ഥാ​നെ​തി​രെ​യാ​ണ് കേ​ര​ള​ത്തി​ന്റെ ആ​ദ്യ ക​ളി. ആ​റു ഗ്രൂ​പ്പു​ക​ളാ​യി തി​രി​ഞ്ഞാ​ണ് പ്രാ​ഥ​മി​ക റൗ​ണ്ടി​ൽ ഏ​റ്റു​മു​ട്ടു​ക. ആ​റു ഗ്രൂ​പ് ചാ​മ്പ്യ​ന്മാ​ർ​ക്ക് പു​റ​മെ ഏ​റ്റ​വും മി​ക​ച്ച മൂ​ന്ന് റ​ണ്ണ​റ​പ്പു​ക​ളും അ​ന്തി​മ റൗ​ണ്ടി​ലേ​ക്ക് യോ​ഗ്യ​ത നേ​ടും. ഇ​വ​ർ​ക്കു പു​റ​മെ ആ​തി​ഥേ​യ​ർ​ക്കും സ​ർ​വി​സ​സി​നും റെ​യി​ൽ​വേ​സി​നും നേ​രി​ട്ട് പ്ര​വേ​ശ​ന​വും ല​ഭി​ക്കും. ഇ​ങ്ങ​നെ 12 ടീ​മു​ക​ളാ​ണ് അ​ന്തി​മ റൗ​ണ്ടി​ലു​ണ്ടാ​വു​ക. കേ​ര​ള​മാ​ണ് നി​ല​വി​ലെ ചാ​മ്പ്യ​ന്മാ​ർ. അ​ന്തി​മ റൗ​ണ്ട് വേ​ദി​യു​ടെ കാ​ര്യ​ത്തി​ൽ തീ​രു​മാ​ന​മാ​യി​ട്ടി​ല്ല.