ഞങ്ങളും ഒരു വർണ പട്ടമായിരുന്നു!

കോ​ഴി​ക്കോ​ട്: സ​ന്തോ​ഷ് ട്രോ​ഫി ഫു​ട്ബാ​ൾ സെ​മി ഫൈ​ന​ലി​ലെ​ത്താ​തെ കേ​ര​ളം പു​റ​ത്താ​യ​ത് സം​സ്ഥാ​ന ഫു​ട്ബാ​ൾ അ​സോ​സി​യേ​ഷ​നു മാ​ത്ര​മ​ല്ല, അ​ഖി​ലേ​ന്ത്യ ഫു​ട്ബാ​ൾ ഫെ​ഡ​റേ​ഷ​നും തി​രി​ച്ച​ടി‍യാ​യി. ടീം ​തെ​ര​ഞ്ഞെ​ടു​പ്പി​ലെ പാ​ളി​ച്ച​കൂ​ടി നി​ല​വി​ലെ ജേ​താ​ക്ക​ളു​ടെ നേ​ര​ത്തേ​യു​ള്ള മ​ട​ക്ക​ത്തി​ന് കാ​ര​ണ​മാ​യെ​ന്ന വി​മ​ർ​ശ​ന​മു​യ​ർ​ന്നി​ട്ടു​ണ്ട്.

മ​ല​യാ​ളി​ക​ൾ ഏ​റെ​യു​ള്ള സൗ​ദി അ​റേ​ബ്യ​യി​ൽ നോ​ക്കൗ​ട്ട് മ​ത്സ​ര​ങ്ങ​ൾ ന​ട​ത്തു​മ്പോ​ൾ കാ​ണി​ക​ൾ ഒ​ഴു​കി​യെ​ത്തു​മെ​ന്നാ​യി​രു​ന്നു പ്ര​തീ​ക്ഷ. എ​ന്നാ​ൽ, കേ​ര​ളം ക​ളി​ക്കാ​ത്ത സെ​മി​ഫൈ​ന​ലി​ന് റി​യാ​ദ് കി​ങ് ഫ​ഹ​ദ് അ​ന്താ​രാ​ഷ്ട്ര സ്റ്റേ​ഡി​യ​ത്തി​ൽ വേ​ണ്ട​ത്ര ആ​ള​ന​ക്ക​മു​ണ്ടാ​ക്കാ​ൻ ക​ഴി​യു​മോ​യെ​ന്ന ആ​ശ​ങ്ക​യു​ണ്ട്.

എ​ന്തു​കൊ​ണ്ട് ന​മ്മ​ൾ തോ​റ്റു?

ഗ്രൂ​പ്, ഫൈ​ന​ൽ റൗ​ണ്ടി​ലാ​യി 10 മ​ത്സ​ര​ങ്ങ​ൾ ക​ളി​ച്ച​തി​ൽ ഒ​ന്നി​ൽ മാ​ത്ര​മാ​ണ് കേ​ര​ളം തോ​റ്റ​ത്. ഇ​ത് പു​റ​ത്താ​ക​ലി​ന് കാ​ര​ണ​മാ​വു​ക​യും ചെ​യ്തു. കോ​ഴി​ക്കോ​ട്ട് ന​ട​ന്ന ഗ്രൂ​പ് മ​ത്സ​ര​ങ്ങ​ളി​ൽ അ​ഞ്ചി​ൽ അ​ഞ്ചും ജ​യി​ച്ച ടീം ​ഭു​വ​നേ​ശ്വ​റി​ലെ​ത്തി​യ​പ്പോ​ൾ പ​ക്ഷേ പ​ല​പ്പോ​ഴും ക​ളി മ​റ​ന്നു.

കൂ​ട്ട​ത്തി​ൽ ദു​ർ​ബ​ല​രാ​യ ഗോ​വ​യു​മാ​യി വി​യ​ർ​ത്താ​ണ് ജ​യി​ച്ച​ത്. ക​ഴി​ഞ്ഞ ത​വ​ണ ക​ർ​ണാ​ട​ക​യു​ടെ പോ​സ്റ്റി​ൽ ഗോ​ൾ​മ​ഴ പെ​യ്യി​ച്ച കേ​ര​ളം ഇ​ക്കു​റി പ​ക്ഷേ അ​വ​രോ​ട് പ​രാ​ജ​യം​രു​ചി​ച്ചു. മ​ഹാ​രാ​ഷ്ട്ര​ക്കെ​തി​രെ ക​ന​ത്ത തോ​ൽ​വി​യു​ടെ വ​ക്ക​ത്തു​നി​ന്ന് പൊ​രു​തി സ​മ​നി​ല നേ​ടി​യ​ത് മി​ച്ചം. ഒ​ഡി​ഷ​യോ​ടും ജ​യി​ച്ചെ​ങ്കി​ലും ഒ​ടു​വി​ൽ പ​ഞ്ചാ​ബി​നോ​ട് സ​മ​നി​ല വ​ഴ​ങ്ങി​യ​തോ​ടെ എ​ല്ലാം അ​വ​സാ​നി​ച്ചു.

ഇ​ക്ക​ഴി​ഞ്ഞ നാ​ലി​ൽ ര​ണ്ട് സ​ന്തോ​ഷ് ട്രോ​ഫി കി​രീ​ട​ങ്ങ​ളും നേ​ടി​യ​ത് കേ​ര​ള​മാ​ണ്. അ​ന്നൊ​ക്കെ സ​ർ​വ​ക​ലാ​ശാ​ല, ക്ല​ബ് ത​ല​ങ്ങ​ളി​ൽ നി​റ​ഞ്ഞു​നി​ൽ​ക്കു​ക​യും സ്ഥി​ര​മാ​യി ദേ​ശീ​യ മ​ത്സ​ര​ങ്ങ​ളു​ടെ ഭാ​ഗ​മാ​യി​ക്കൊ​ണ്ടി​രി​ക്കു​ക​യും ചെ​യ്തു​കൊ​ണ്ടി​രു​ന്ന​വ​രാ​യി​രു​ന്നു പ​രി​ശീ​ല​ക​ർ. സം​സ്ഥാ​ന സീ​നി​യ​ർ ചാ​മ്പ്യ​ൻ​ഷി​പ്പി​ലെ പ്ര​ക​ട​നം അ​ടി​സ്ഥാ​ന​മാ​ക്കി​യാ​യി​രു​ന്നു സ​ന്തോ​ഷ് ട്രോ​ഫി ടീം ​തെ​ര​ഞ്ഞെ​ടു​പ്പ്. ഇ​ത്ത​വ​ണ ഈ ​മാ​ന​ദ​ണ്ഡം വേ​ണ്ട​ത്ര പാ​ലി​ക്ക​പ്പെ​ട്ടി​ല്ല.

ടീം ​തെ​ര​ഞ്ഞെ​ടു​പ്പി​ൽ ചി​ല താ​ൽ​പ​ര്യ​ങ്ങ​ളും ക​ട​ന്നു​കൂ​ടി. 16 പു​തു​മു​ഖ​ങ്ങ​ളു​മാ​യാ​ണ് കേ​ര​ളം ഒ​ഡി​ഷ​യി​ലേ​ക്ക് ട്രെ​യി​ൻ ക​യ​റി​യ​ത്. മു​മ്പ് സ​ന്തോ​ഷ് ട്രോ​ഫി ക​ളി​ച്ച​വ​ർ ഒ​രു കൈ​യി​ന്റെ വി​ര​ലു​ക​ളി​ൽ എ​ണ്ണാ​വു​ന്ന​വ​ർ മാ​ത്രം. ഫോ​ർ​വേ​ഡ് ജോ​ൺ പോ​ൾ ജോ​സ്, മി​ഡ്ഫീ​ൽ​ഡ​ർ ഗി​ഫ്റ്റി ഗ്യേ​ഷ​സ്, ഡി​ഫ​ൻ​ഡ​ർ​മാ​രാ​യ ജി. ​സ​ഞ്ജു, സ​ച്ചു സി​ബി എ​ന്നി​വ​ർ​ക്ക് പ​രി​ക്കേ​റ്റ​തും വി​ന​യാ​യി. മു​ന്നേ​റ്റ​ക്കാ​ര​ൻ എം. ​വി​ഘ്നേ​ഷ് നി​രോ​ധി​ത മ​രു​ന്ന് ഉ​പ​യോ​ഗി​ച്ചു​വെ​ന്ന് ക​ണ്ടെ​ത്തി​യ​തി​നെ​ത്തു​ട​ർ​ന്ന് ടീ​മി​ൽ​നി​ന്ന് പു​റ​ത്താ​വു​ക​യും ചെ​യ്തു.

കേ​ര​ള​മി​ല്ലാ​തെ സൗ​ദി​യി​ലേ​ക്ക്

2022ൽ ​മ​ല​പ്പു​റം കോ​ട്ട​പ്പ​ടി​യി​ലും മ​ഞ്ചേ​രി പ​യ്യ​നാ​ട്ടു​മാ​യി ന​ട​ന്ന സ​ന്തോ​ഷ് ട്രോ​ഫി ടൂ​ർ​ണ​മെൻറ് കാ​ണാ​ൻ ആ​യി​ര​ങ്ങ​ളെ​ത്തി​യി​രു​ന്നു. മു​ൻ​കൂ​ട്ടി ടി​ക്ക​റ്റെ​ടു​ത്ത​വ​ർ​ക്കു​പോ​ലും അ​ക​ത്തേ​ക്ക് ക​യ​റാ​നാ​വാ​തെ മ​ട​ങ്ങേ​ണ്ട സാ​ഹ​ച​ര്യ​മു​ണ്ടാ​യി. ഫൈ​ന​ൽ ദി​വ​സം തി​ര​ക്ക് പി​ടി​വി​ട്ട​പ്പോ​ൾ പൊ​ലീ​സി​ന് ലാ​ത്തി​യും പ്ര​യോ​ഗി​ക്കേ​ണ്ടി​വ​ന്നു.

സം​സ്ഥാ​ന സ​ർ​ക്കാ​റി​ന്റെ​യും സ്പോ​ർ​ട്സ് കൗ​ൺ​സി​ലി​ന്റെ​യും നി​യ​ന്ത്ര​ണ​ത്തി​ൽ ന​ട​ന്ന ടൂ​ർ​ണ​മെ​ന്റി​ൽ​നി​ന്ന് വ​ലി​യ വ​രു​മാ​ന​വും ല​ഭി​ച്ചു. ഒ​രു വ​ർ​ഷ​ത്തി​നി​പ്പു​റം പ​ക്ഷേ കോ​ഴി​ക്കോ​ടും ഭു​വ​നേ​ശ്വ​റും സാ​ക്ഷി​യാ​യ​ത് ആ​ളി​ല്ലാ ടൂ​ർ​ണ​മെ​ന്റി​നാ​ണ്.

സൗ​ദി​യി​ൽ പ​ക്ഷേ നി​റ​ഞ്ഞ ഗാ​ല​റി പ്ര​തീ​ക്ഷി​ച്ചാ​ണ് മ​ല​യാ​ളി​യാ​യ ഷാ​ജി പ്ര​ഭാ​ക​ര​ൻ ത​ല​പ്പ​ത്തി​രി​ക്കു​ന്ന അ​ഖി​ലേ​ന്ത്യ ഫു​ട്ബാ​ൾ ഫെ​ഡ​റേ​ഷ​ൻ ച​രി​ത്ര​ത്തി​ലാ​ദ്യ​മാ​യി വി​ദേ​ശ​ത്ത് മ​ത്സ​ര​ങ്ങ​ൾ ന​ട​ത്താ​ൻ തീ​രു​മാ​നി​ച്ച​ത്. ഫൈ​ന​ൽ റൗ​ണ്ട് മു​ഴു​വ​ൻ സൗ​ദി​യി​ലാ​യി​രി​ക്കു​മെ​ന്നാ​യി​രു​ന്നു തു​ട​ക്ക​ത്തി​ലെ റി​പ്പോ​ർ​ട്ടു​ക​ൾ. പി​ന്നീ​ട് സെ​മി​ഫൈ​ന​ൽ മു​ത​ല​ങ്ങോ​ട്ടു​ള്ള നാ​ലു ക​ളി​ക​ളാ​ക്കി ചു​രു​ക്കി.

ക​ഴി​ഞ്ഞ ഒ​ക്ടോ​ബ​റി​ൽ എ.​ഐ.​എ​ഫ്.​എ​ഫും സൗ​ദി അ​റേ​ബ്യ ഫു​ട്ബാ​ൾ ഫെ​ഡ​റേ​ഷ​നും ധാ​ര​ണ​പ​ത്ര​ത്തി​ൽ ഒ​പ്പി​ട്ടി​രു​ന്നു. സാ​ങ്കേ​തി​ക പി​ന്തു​ണ ന​ൽ​ക​ൽ, സ്ഥി​ര​മാ​യി പു​രു​ഷ​ന്മാ​ർ​ക്കും സ്ത്രീ​ക​ൾ​ക്കും മ​ത്സ​ര​ങ്ങ​ൾ സം​ഘ​ടി​പ്പി​ക്ക​ൽ, ഫു​ട്ബാ​ൾ-​ഭ​ര​ണ വി​ദ​ഗ്ധ​രു​ടെ കൈ​മാ​റ്റം എ​ന്നി​വ​യു​ൾ​പ്പെ​ടെ വി​പു​ല​മാ​യ പ്ര​വ​ർ​ത്ത​ന​ങ്ങ​ൾ ക​രാ​റി​ലു​ണ്ട്.

സം​സ്ഥാ​ന​ത​ല​ത്തി​ലു​ള്ള ക​ളി​ക്കാ​രെ പ്രോ​ത്സാ​ഹി​പ്പി​ക്കു​ന്ന​തി​നും സൗ​ദി​യി​ലെ വ​ലി​യ ഇ​ന്ത്യ​ൻ സ​മൂ​ഹ​ത്തെ ഇ​ന്ത്യ​ൻ ഫു​ട്‌​ബാ​ളു​മാ​യി ബ​ന്ധി​പ്പി​ക്കു​ന്ന​തി​നും ര​ണ്ടു ഫെ​ഡ​റേ​ഷ​നു​ക​ൾ​ക്കും വി​ജ​യ​സാ​ഹ​ച​ര്യം സൃ​ഷ്ടി​ക്കു​ന്ന​തി​നു​മാ​യാ​ണ് സ​ന്തോ​ഷ് ട്രോ​ഫി​യി​ലൂ​ടെ​ത്ത​ന്നെ തു​ട​ങ്ങു​ക എ​ന്ന ആ​ശ​യം ഉ​യ​ർ​ന്ന​ത്.

കേ​ര​ള​മി​ല്ലാ​ത്ത​ത് പ​ക്ഷേ ആ​രം​ഭ​ത്തി​ലേ ആ​വേ​ശം കു​റ​ച്ചി​രി​ക്കു​ക​യാ​ണ്. മു​ക്കാ​ൽ ല​ക്ഷം പേ​രെ ഉ​ൾ​ക്കൊ​ള്ളാ​വു​ന്ന വി​ദേ​ശ​ത്തെ ഒ​രു അ​ന്താ​രാ​ഷ്ട്ര സ്റ്റേ​ഡി​യ​ത്തി​ൽ ആ​ദ്യ​മാ​യി ഇ​ന്ത്യ​യി​ലെ ദേ​ശീ​യ ടൂ​ർ​ണ​മെ​ന്റ് ന​ട​ക്കു​മ്പോ​ൾ കാ​ണി​ക​ൾ ന​ന്നേ കു​റ​യു​ന്ന​ത് തി​രി​ച്ച​ടി​യാ​വും.