കന്നട മണ്ണിൽ കാൽപന്തിൻ പുതുവസന്തം

ബം​ഗ​ളൂ​രു: എ​ട്ടു പ​തി​റ്റാ​ണ്ട് പി​ന്നി​ട്ട സ​ന്തോ​ഷ് ട്രോ​ഫി​യു​ടെ ച​രി​ത്ര​ത്തി​ലെ അ​പൂ​ർ​വ എ​ഡി​ഷ​നാ​ണ് ശ​നി​യാ​ഴ്ച റി​യാ​ദി​ലെ കി​ങ് ഫ​ഹ​ദ് സ്റ്റേ​ഡി​യ​ത്തി​ൽ സ​മാ​പി​ച്ച​ത്. കേ​ര​ളം പു​റ​ത്താ​യ​തോ​ടെ കാ​ണി​ക​ളു​ടെ പി​ന്തു​ണ കു​റ​ഞ്ഞെ​ങ്കി​ലും വ​രും​നാ​ളു​ക​ളി​ൽ സം​ഘാ​ട​ന​ത്തി​ൽ മാ​റ്റ​ത്തി​ന്റെ സൂ​ച​ന​ക​ളാ​ണി​ത് ന​ൽ​കു​ന്ന​ത്.

ഫു​ട്ബാ​ളി​ലെ ഈ ​മാ​റ്റ​ക്കാ​റ്റ് ക​ന്ന​ട മ​ണ്ണി​ലും വീ​ശി​ത്തു​ട​ങ്ങി​യി​രി​ക്കു​ന്നു. പ​ഴ​യ പ​ട​ക്കു​തി​ര​ക​ളാ​യി​രു​ന്ന മൈ​സൂ​ർ സ്റ്റേ​റ്റി​നു കീ​ഴി​ൽ ഇ​ന്ത്യ​ൻ ഫു​ട്ബാ​ളി​ന്റെ ഭൂ​പ​ട​ത്തി​ൽ ക​ർ​ണാ​ട​ക സ്വ​ന്തം ഇ​ടം അ​ട​യാ​ള​പ്പെ​ടു​ത്തി​യ കാ​ല​മു​ണ്ടാ​യി​രു​ന്നു. 1969ൽ ​നേ​ടി​യ സ​ന്തോ​ഷ് ട്രോ​ഫി കി​രീ​ടം ആ ​ഷോ​കേ​സി​ലേ​ക്ക് വീ​ണ്ടു​മെ​ത്താ​ൻ അ​ഞ്ച​ര പ​തി​റ്റാ​ണ്ടോ​ള​മാ​ണ് ക​ന്ന​ടി​ക​ർ​ക്ക് കാ​ത്തി​രി​ക്കേ​ണ്ടി​വ​ന്ന​ത്.

ക​ർ​ണാ​ട​ക​യാ​യി പേ​രു​മാ​റി​യ​ശേ​ഷം 1975ൽ ​കോ​ഴി​ക്കോ​ട്ട് ന​ട​ന്ന സ​ന്തോ​ഷ് ട്രോ​ഫി​യി​ൽ ക​ലാ​ശ​ക്ക​ളി​യി​ൽ മാ​റ്റു​ര​ച്ച​ശേ​ഷം മ​റ്റൊ​രു ഫൈ​ന​ൽ ക​ണ്ടി​ട്ടി​ല്ല; അ​ന്ന് ബം​ഗാ​ളി​നോ​ട് ഒ​ന്നി​നെ​തി​രെ മൂ​ന്നു ഗോ​ളി​ന് തോ​ൽ​വി​യാ​യി​രു​ന്നു ഫ​ലം.

വെ​റും ഭാ​ഗ്യ​മ​ല്ല; സ്ഥി​ര​ത​യു​ടെ ഫ​ലം

ഐ.​ടി.​ഐ, എ​ച്ച്.​എ.​എ​ൽ, സി.​ഐ.​എ​ൽ തു​ട​ങ്ങി​യ ടീ​മു​ക​ൾ മൈ​താ​ന​ത്ത് ക​ത്തി​നി​ന്ന കാ​ല​ത്തു​നി​ന്ന് ക​ർ​ണാ​ട​ക ഫു​ട്ബാ​ൾ പ​തി​യെ പ്രാ​ദേ​ശി​ക​മാ​യൊ​തു​ങ്ങി​യി​രു​ന്നു. എ​ന്നാ​ൽ, 2013ൽ ​ബം​ഗ​ളൂ​രു എ​ഫ്.​സി​യു​ടെ വ​ര​വും ഏ​താ​നും വ​ർ​ഷ​ങ്ങ​ളാ​യി ക​ർ​ണാ​ട​ക സ്റ്റേ​റ്റ് ഫു​ട്ബാ​ൾ അ​സോ​സി​യേ​ഷ​ൻ ന​ട​പ്പാ​ക്കി​യ മാ​റ്റ​ങ്ങ​ളു​മൊ​ക്കെ ക​ർ​ണാ​ട​ക മ​ണ്ണ് വീ​ണ്ടും വ​ള​ക്കൂ​റു​ള്ള​താ​ക്കി.

54 വ​ർ​ഷ​ത്തി​നു​ശേ​ഷം ച​രി​ത്ര​നേ​ട്ടം ക​ർ​ണാ​ട​ക എ​ത്തി​പ്പി​ടി​ക്കു​മ്പോ​ൾ അ​തു വെ​റും ഭാ​ഗ്യ​മെ​ന്ന് എ​ഴു​തി​ത്ത​ള്ളാ​നാ​വി​ല്ല. സ്ഥി​ര​ത​യി​ല്ലാ​യ്മ​യു​ടെ പേ​രി​ൽ കേ​ര​ള ടീം ​പ​ഴി​കേ​ൾ​ക്കു​ന്ന​ത് പ​തി​വാ​കു​മ്പോ​ഴാ​ണ് സ​ന്തോ​ഷ് ട്രോ​ഫി​യി​ൽ ക​ഴി​ഞ്ഞ മൂ​ന്നു വ​ർ​ഷ​വും സ്ഥി​ര​ത​യാ​ർ​ന്ന പ്ര​ക​ട​ന​ത്തി​ലൂ​ടെ ക​ർ​ണാ​ട​ക സെ​മി​യി​ൽ ഇ​ടം പി​ടി​ച്ച​ത്.

ക​ഴി​ഞ്ഞ വ​ർ​ഷം മ​ല​പ്പു​റ​ത്ത് ന​ട​ന്ന സെ​മി​യി​ൽ കേ​ര​ള​ത്തോ​ട് തോ​റ്റെ​ങ്കി​ലും ഇ​ത്ത​വ​ണ ഒ​ഡി​ഷ​യി​ൽ​വെ​ച്ച് ക​ടം വീ​ട്ടി. ആ ​തോ​ൽ​വി കേ​ര​ള​ത്തി​ന്റെ പു​റ​ത്താ​ക​ലി​ൽ നി​ർ​ണാ​യ​ക പ​ങ്കു​വ​ഹി​ക്കു​ക​യും ചെ​യ്തു. ശ​ക്ത​മാ​യ ലീ​ഗ് സ​മ്പ്ര​ദാ​യം ക​ർ​ണാ​ട​ക അ​ടു​ത്തി​ടെ പി​ന്തു​ട​രു​ന്നു​ണ്ട്. 19 ടീ​മു​ക​ൾ മാ​റ്റു​ര​ക്കു​ന്ന, നാ​ലു മാ​സ​ത്തോ​ളം നീ​ളു​ന്ന സൂ​പ്പ​ർ ഡി​വി​ഷ​ൻ ലീ​ഗാ​ണി​ത്. ഇ​തോ​ടെ ക​ളി​ക്കാ​ർ​ക്ക് കൂ​ടു​ത​ൽ ക​ളി​ക​ളും തി​ള​ങ്ങാ​ൻ അ​വ​സ​ര​ങ്ങ​ളും ല​ഭി​ക്കും.

കേ​ര​ള​ത്തി​നും മാ​തൃ​ക​യാ​ക്കാം

സ​ന്തോ​ഷ് ട്രോ​ഫി സീ​സ​ണാ​വു​മ്പോ​ൾ മാ​ത്രം ഉ​ണ​രു​ന്ന​താ​ണ് കേ​ര​ള​ത്തി​ലെ രീ​തി. ക​ർ​ണാ​ട​ക​യി​ൽ​നി​ന്ന് ഏ​റെ പ​ഠി​ക്കാ​നു​ണ്ട്. മ​ല​യാ​ളി​യും കോ​ൺ​ഗ്ര​സ് എം.​എ​ൽ.​എ​യും അ​ഖി​ലേ​ന്ത്യ ഫു​ട്ബാ​ൾ ഫെ​ഡ​റേ​ഷ​ൻ വൈ​സ് പ്ര​സി​ഡ​ന്റു​മാ​യ എ​ൻ.​എ. ഹാ​രി​സ് ക​ർ​ണാ​ട​ക ഫു​ട്ബാ​ൾ അ​സോ​സി​യേ​ഷ​ൻ അ​ധ്യ​ക്ഷ സ്ഥാ​ന​മേ​റ്റ​ശേ​ഷം 200ഓ​ളം പു​തി​യ ക്ല​ബു​ക​ളാ​ണ് ര​ജി​സ്റ്റ​ർ ചെ​യ്ത​ത്. 12 ജി​ല്ല​ക​ൾ മാ​ത്രം സ​ഹ​ക​രി​ച്ചി​രു​ന്നി​ട​ത്ത് 29 ജി​ല്ല​ക​ളി​ലേ​ക്ക് അ​ഫി​ലി​യേ​ഷ​ൻ ഉ​യ​ർ​ത്തി.

സം​സ്ഥാ​ന​ങ്ങ​ളു​ടെ പെ​ർ​ഫോ​മ​ൻ​സ് പ​ട്ടി​ക​യി​ൽ 25ാമ​താ​യി​രു​ന്ന ക​ർ​ണാ​ട​ക​യെ നാ​ലാ​മ​തെ​ത്തി​ക്കാ​നാ​യ​തും നേ​ട്ട​മാ​ണ്. നോ​ൺ സ്റ്റോ​പ് ഫു​ട്ബാ​ളാ​ണ് ത​ങ്ങ​ൾ ക​ർ​ണാ​ട​ക​യി​ൽ ല​ക്ഷ്യ​മി​ടു​ന്ന​തെ​ന്നും അ​തി​ന്റെ അ​നു​ര​ണ​ന​മാ​ണ് ഈ ​കി​രീ​ട​വി​ജ​യ​മെ​ന്നും കെ.​എ​സ്.​എ​ഫ്.​എ സെ​ക്ര​ട്ട​റി സ​ത്യ​നാ​രാ​യ​ണ പ​റ​ഞ്ഞു.

വ​നി​ത ഫു​ട്ബാ​ളി​ലും മാ​റ്റം വ​ന്നു​തു​ട​ങ്ങി​യി​ട്ടു​ണ്ട്. നാ​ലു വ​ർ​ഷം മു​മ്പ് ര​ജി​സ്റ്റ​ർ ചെ​യ്ത നാ​ലു വ​നി​ത ക്ല​ബു​ക​ളു​ണ്ടാ​യി​രു​ന്ന​ത് ഇ​ന്ന് 40 ക്ല​ബു​ക​ളാ​യി. വി​ജ​യ​ക​ര​മാ​യ വ​നി​ത ലീ​ഗും അ​ര​ങ്ങേ​റു​ന്നു​ണ്ട്. രാ​ജ്യ​ത്തെ പ​ഴ​ക്കം ചെ​ന്ന ഫു​ട്ബാ​ൾ ടൂ​ർ​ണ​മെ​ന്റു​ക​ളി​ലൊ​ന്നാ​യ സ്റ്റ​ഫോ​ർ​ഡ് ച​ല​ഞ്ച് ക​പ്പി​ന്റെ ആ​ര​വം വീ​ണ്ടും മൈ​താ​ന​ത്തേ​ക്ക് എ​ത്തി​ക്കാ​നും കെ.​എ​സ്.​എ​ഫ്.​എ​ക്ക് ക​ഴി​ഞ്ഞു.

തി​ങ്ക​ളാ​ഴ്ച ബാം​ഗ്ലൂ​ർ ഫു​ട്ബാ​ൾ സ്റ്റേ​ഡി​യ​ത്തി​ൽ സ്റ്റ​ഫോ​ർ​ഡ് ച​ല​ഞ്ച് ക​പ്പ് ഫൈ​ന​ലി​നു​ശേ​ഷം ന​ട​ക്കു​ന്ന ച​ട​ങ്ങി​ൽ സ​ന്തോ​ഷ് ട്രോ​ഫി ജേ​താ​ക്ക​ളാ​യ ടീ​മി​ന് വ​ൻ സ്വീ​ക​ര​ണ​മാ​ണ് ഒ​രു​ക്കു​ന്ന​ത്. കി​രീ​ട​വു​മാ​യി ഞാ​യ​റാ​ഴ്ച രാ​ത്രി ബം​ഗ​ളൂ​രു വി​മാ​ന​ത്താ​വ​ള​ത്തി​ലി​റ​ങ്ങി​യ ടീ​മി​ന് വ​ര​വേ​ൽ​പ് ന​ൽ​കി. തി​ങ്ക​ളാ​ഴ്ച വൈ​കീ​ട്ട് കി​രീ​ട​വു​മാ​യി ബം​ഗ​ളു​രു ന​ഗ​ര​ത്തി​ൽ ടീം ​പ്ര​ദ​ക്ഷി​ണം ന​ട​ത്തും.

മ​ല​യാ​ളി സാ​ന്നി​ധ്യ​മാ​യി ജേ​ക്ക​ബ്

ബം​ഗ​ളൂ​രു: സ​ന്തോ​ഷ് ട്രോ​ഫി​യി​ൽ ക​ർ​ണാ​ട​ക ച​രി​ത്ര​നേ​ട്ടം കൈ​വ​രി​ച്ച​പ്പോ​ൾ ടീ​മി​ൽ ക​രു​ത്താ​യി മ​ല​യാ​ളി താ​ര​വും. തൃ​ശൂ​ർ ഇ​രി​ങ്ങാ​ല​ക്കു​ട സ്വ​ദേ​ശി ജേ​ക്ക​ബ് ജോ​ൺ കാ​ട്ടൂ​ക്കാ​ര​നാ​ണ് ചാ​മ്പ്യ​ന്മാ​ർ​ക്കാ​യി ബൂ​ട്ട​ണി​ഞ്ഞ​ത്. ടൂ​ർ​ണ​മെ​ന്റി​ൽ ജേ​ക്ക​ബ് മൂ​ന്നു ഗോ​ളും അ​ഞ്ച് അ​സി​സ്റ്റും നേ​ടി.

ബം​ഗ​ളൂ​രു സ്പോ​ർ​ട്ടി​ങ് ക്ല​ബി​ന്റെ ഫോ​ർ​വേ​ഡാ​യ ജേ​ക്ക​ബ്, ദേ​ശീ​യ ജൂ​നി​യ​ർ ചാ​മ്പ്യ​ൻ​ഷി​പ്പി​ൽ കേ​ര​ള​ത്തി​നു​വേ​ണ്ടി​യും ജ​ഴ്സി​യ​ണി​ഞ്ഞു. കേ​ര​ള ബ്ലാ​സ്റ്റേ​ഴ്സി​ന്റെ റി​സ​ർ​വ് ടീ​മി​ൽ 2019ൽ ​ക​ളി​ച്ചി​ട്ടു​ണ്ട്. പ്ര​വാ​സി മ​ല​യാ​ളി​ക​ളാ​യ ജോ​ൺ ലൂ​യി കാ​ട്ടൂ​ക്കാ​ര​ൻ- സീ​മ ദ​മ്പ​തി​ക​ളു​ടെ മ​ക​നാ​ണ്. ബം​ഗ​ളൂ​രു സെ​ന്റ് ജോ​സ​ഫ്സ് കോ​ള​ജി​ൽ ബി​രു​ദ വി​ദ്യാ​ർ​ഥി​യാ​ണ്. മ​ല​പ്പു​റം ഒ​തു​ക്കു​ങ്ങ​ൽ സ്വ​ദേ​ശി ജാ​ബി​റാ​ണ് ക​ർ​ണാ​ട​ക ടീ​മി​ന്റോ ഫി​സി​യോ.