സന്തോഷ് ട്രോഫി: രാജസ്ഥാനെ ഗോളിൽ മുക്കി മിസോറം

കോഴിക്കോട്: ഇ.എം.എസ് കോർപറേഷൻ സ്റ്റേഡിയത്തിൽ നടക്കുന്ന സന്തോഷ് ട്രോഫി പോരാട്ടത്തിൽ രാജസ്ഥാനെ എതിരില്ലാത്ത നാലു ഗോളുകൾക്ക് മുക്കി മിസോറം. രണ്ടാം പകുതിയിലായിരുന്നു നാല് ഗോളുകളും പിറന്നത്.

59ാം മിനിറ്റിൽ ലാൽറോ കിമയിലൂടെയാണ് മിസോറം അക്കൗണ്ട് തുറന്നത്. 77ാം മിനിറ്റിൽ ലാൽബിയാക് ദിക രണ്ടാം ഗോളും 85ാം മിനിറ്റിൽ ലാൽഹുൻമാവിയ മൂന്നാം ഗോളും നേടി. കളിയുടെ അധിക സമയത്ത് ലാൽബിയാക് ദിക തന്റെ രണ്ടാം ഗോളും നേടിയതതോടെ മിസോറമിന്റെ ഗോൾനേട്ടം നാലായി.