സ​ന്തോ​ഷ് ട്രോ​ഫി; മ​ല​പ്പു​റം ഒരുങ്ങുന്നു

മ​ല​പ്പു​റം ജി​ല്ല ആ​ദ്യ​മാ​യി സ​ന്തോ​ഷ് ട്രോ​ഫി ഫൈ​ന​ൽ റൗ​ണ്ട് മ​ത്സ​ര​ങ്ങ​ൾ​ക്ക് വേ​ദി​യാ​കാ​ൻപോ​വു​ന്നു. മ​ഞ്ചേ​രി പ​യ്യ​നാ​ട് സ്​​റ്റേ​ഡി​യ​ത്തി​ലാ‍യി​രി​ക്കും മ​ത്സ​രം. കാ​ലി​ക്ക​റ്റ് സ​ർ​വ​ക​ലാ​ശാ​ല, കോ​ട്ട​പ്പ​ടി, തി​രൂ​ർ, എ​ട​പ്പാ​ൾ, എ​ട​വ​ണ്ണ, മ​ഞ്ചേ​രി ഗ​വ. ബോ​യ്സ് ഹ​യ​ർ സെ​ക്ക​ൻ​ഡ​റി സ്കൂ​ൾ എ​ന്നി​വി​ട​ങ്ങ​ളി​ലെ സ്​​േ​റ്റ​ഡി​യ​ങ്ങ​ൾ പ​രി​ശീ​ല​ന​ത്തി​നും പ​രി​ഗ​ണി​ക്കു​ന്നു. സ​ന്തോ​ഷ് ട്രോ​ഫി മ​ത്സ​ര​ങ്ങ​ളും പ​രി​ശീ​ല​ന​വും ന​ട​ക്കാ​നി​രി​ക്കു​ന്ന മൈ​താ​ന​ങ്ങ​ളി​ലൂ​ടെ.

പ​യ്യ​നാ​ട് സ്​​റ്റേ​ഡി​യം

സ​ന്തോ​ഷ് ട്രോ​ഫി ഫൈ​ന​ൽ റൗ​ണ്ട് മ​ത്സ​ര​ങ്ങ​ൾ​ക്ക് മു​ന്നോ​ടി​യാ​യി പ​യ്യ​നാ​ട് സ്​​റ്റേ​ഡി​യ​ത്തി​ൽ സൗ​ക​ര്യ​ങ്ങ​ൾ വ​ർ​ധി​പ്പി​ക്കു​ന്ന പ്ര​വൃ​ത്തി ഉ​ട​ൻ ആ​രം​ഭി​ക്കും. ഗാ​ല​റി​യി​ൽ കാ​ഴ്ച​ക്ക് അ​സൗ​ക​ര്യം നേ​രി​ടു​ന്ന ചി​ല ഭാ​ഗ​ങ്ങ​ൾ ഉ​യ​ർ​ത്താ​നും സൗ​ക​ര്യ​ങ്ങ​ൾ കൂ​ട്ടാ​നു​മു​ള്ള പ്ര​വൃ​ത്തി​ക​ളാ​ണ് ന​ട​ക്കു​ക. ഇ​തി​ന് പു​റ​മെ പ​വ​ലി​യ​ന്​ താ​ഴെ സ്ഥാ​പി​ക്കാ​ൻ 1000 പു​തി​യ ക​സേ​ര​ക​ൾ വാ​ങ്ങും. ഗാ​ല​റി​ക്ക് താ​ഴെ​യു​ള്ള പ​ഴ​യ ക​സേ​ര​ക​ൾ അ​റ്റ​കു​റ്റ​പ്പ​ണി ന​ട​ത്തും. സ്​​റ്റേ​ഡി​യ​ത്തി​ലേ​ക്കു​ള്ള മു​ഴു​വ​ൻ റോ​ഡു​ക​ളും ഗ​താ​ഗ​ത​യോ​ഗ്യ​മാ​ക്കാ​നും പ​ദ്ധ​തി​യു​ണ്ട്. നി​ല​വി​ൽ 1200 വെ​ർ​ട്ടി​ക്ക​ൽ ല​ക്സ് പ്ര​കാ​ശ​തീ​വ്ര​ത​യു​ള്ള വി​ള​ക്കു​ക​ളാ​ണ് സ്ഥാ​പി​ച്ച​ത്. ഇ​ത് വ​ർ​ധി​പ്പി​ക്കാ​നും ആ​ലോ​ച​ന​യു​ണ്ട്. നാ​ല് കോ​ടി രൂ​പ ചെ​ല​വി​ലാ​ണ് ഫ്ല​ഡ്​​ലൈ​റ്റ് സ്ഥാ​പി​ച്ച​ത്.

കാ​ലി​ക്ക​റ്റ് സ​ർ​വ​ക​ലാ​ശാ​ല സ്​​റ്റേ​ഡി​യം

ദേ​ശീ​യ അ​ന്ത​ർ സ​ർ​വ​ക​ലാ​ശാ​ല ഫു​ട്ബാ​ൾ, ദ​ക്ഷി​ണേ​ന്ത്യ അ​ന്ത​ർ സ​ർ​വ​ക​ലാ​ശാ​ല ഫു​ട്ബാ​ൾ തു​ട​ങ്ങി​യ​വ​ക്ക് വേ​ദി​യാ​യ കാ​ലി​ക്ക​റ്റ് സ​ർ​വ​ക​ലാ​ശാ​ല സ്​​റ്റേ​ഡി​യം സ​ന്തോ​ഷ് ട്രോ​ഫി മ​ത്സ​ര​ങ്ങ​ൾ ന​ട​ത്താ​ൻ പ​ര്യാ​പ്ത​മാ​ണ്. ഗാ​ല​റി, ഡ്ര​സ്സി​ങ് റൂം, ​ശു​ചി​മു​റി തു​ട​ങ്ങി​യ​വ​യെ​ല്ലാ​മു​ണ്ട്. ജി​ല്ല​യി​ലെ മ​റ്റ്​ സ്​​റ്റേ​ഡി​യ​ങ്ങ​ൾ പ​രി​ശോ​ധി​ച്ച് മ​ട​ങ്ങ​വെ​യാ​ണ് അ​ഖി​ലേ​ന്ത്യ ഫു​ട്ബാ​ൾ ഫെ​ഡ​റേ​ഷ​ൻ പ്ര​തി​നി​ധി​ക​ൾ സ​ർ​വ​ക​ലാ​ശാ​ല മൈ​താ​നം സ​ന്ദ​ർ​ശി​ച്ച​ത്. സൗ​ക​ര്യ​ങ്ങ​ളു​ടെ കാ​ര്യ​ത്തി​ൽ സം​തൃ​പ്തി രേ​ഖ​പ്പെ​ടു​ത്തി​യ​താ​യാ​ണ് വി​വ​രം.

കോ​ട്ട​പ്പ​ടി ഫു​ട്ബാ​ൾ സ്​​റ്റേ​ഡി​യം

ജി​ല്ല ആ​സ്ഥാ​ന​ത്തെ കോ​ട്ട​പ്പ​ടി ഫു​ട്ബാ​ൾ സ്​​റ്റേ​ഡി​യ​ത്തി​ൽ ന​വീ​ക​ര​ണ​പ്ര​വൃ​ത്തി​ക​ൾ ന​ട​ക്കു​ന്നു​ണ്ട്. ഗാ​ല​റി​യി​ലെ ഇ​രി​പ്പി​ട​ത്തി​ൽ മാ​റ്റ് വി​രി​ച്ചു. സ്ഥി​രം ക​സേ​ര​ക​ൾ സ്ഥാ​പി​ക്കാ​നും പ​ദ്ധ​തി​യു​ണ്ട്. സ​ന്തോ​ഷ് ട്രോ​ഫി പ​രി​ശീ​ല​ന​ത്തി​ന് ന​ൽ​കേ​ണ്ടി വ​രു​മെ​ന്ന് ഉ​റ​പ്പാ​യ​തോ​ടെ ട​ർ​ഫി​ലെ വി​ട​വു​ക​ൾ നി​ക​ത്ത​ൽ, കു​ഴി​ക​ൾ അ​ട​ക്ക​ൽ തു​ട​ങ്ങി​യ​വ താ​മ​സി​യാ​തെ തു​ട​ങ്ങും. മ​ഴ മാ​റാ​ൻ കാ​ത്തി​രി​ക്കു​ക​യാ​ണ് അ​ധി​കൃ​ത​ർ.

എ​ട​വ​ണ്ണ സീ​തി ഹാ​ജി സ്​​റ്റേ​ഡി​യം

പ​യ്യ​നാ​ട് സ്​​റ്റേ​ഡി​യം സ​ന്തോ​ഷ് ട്രോ​ഫി മ​ത്സ​ര​ത്തി​ന് വേ​ദി​യാ​കാ​ൻ ഒ​രു​ങ്ങു​മ്പോ​ൾ മ​ത്സ​ര​ത്തി​നെ​ത്തു​ന്ന ടീ​മു​ക​ൾ​ക്ക് പ​രി​ശീ​ല​ന​ത്തി​നാ​യി ഒ​രു​ങ്ങു​ക​യാ​ണ് എ​ട​വ​ണ്ണ സീ​തി ഹാ​ജി സ്​​റ്റേ​ഡി​യം. 100 മീ​റ്റ​ർ നീ​ള​ത്തി​ലും 70 മീ​റ്റ​ർ വീ​തി​യി​ലു​മു​ള്ള ജി​ല്ല​യി​ലെ നാ​ല് ഇ​ല​വ​ൻ​സ് മൈ​താ​ന​ങ്ങ​ളി​ൽ പ്ര​ധാ​ന​പ്പെ​ട്ട​താ​ണി​ത്. പ​രി​മി​തി​ക്കു​ള്ളി​ൽ ആ​ധു​നി​ക സൗ​ക​ര്യ​ങ്ങ​ളോ​ടെ സ​ന്തോ​ഷ് ട്രോ​ഫി താ​ര​ങ്ങ​ൾ​ക്ക് പ​രി​ശീ​ല​നം ന​ട​ത്താ​ൻ സ​ജ്ജ​മാ​ണ്. നി​ര​വ​ധി ത​വ​ണ സം​സ്ഥാ​ന, ജി​ല്ല, അ​ഖി​ലേ​ന്ത്യ ഫു​ട്ബാ​ൾ മ​ത്സ​ര​ങ്ങ​ൾ​ക്കും സ്​​റ്റേ​ഡി​യം വേ​ദി​യാ​യി​ട്ടു​ണ്ട്. അ​റ്റ​കു​റ്റ​പ്പ​ണി​ക​ൾ പു​രോ​ഗ​മി​ക്കു​ക​യാ​ണ്.

മ​ഞ്ചേ​രി ബോ​യ്സ് സ്കൂ​ൾ മൈ​താ​നം

പ​യ്യ​നാ​ട് സ്​​റ്റേ​ഡി​യ​ത്തി​ൽ സ​ന്തോ​ഷ് ട്രോ​ഫി മ​ത്സ​ര​ങ്ങ​ൾ ന​ട​ക്കു​മ്പോ​ൾ ടീ​മു​ക​ൾ​ക്ക് പ​രി​ശീ​ല​നം ന​ട​ത്താ​നു​ള്ള മൈ​താ​ന പ​ട്ടി​ക​യി​ൽ മു​ൻ​പ​ന്തി​യി​ലാ​ണ് മ​ഞ്ചേ​രി ഗ​വ. ബോ​യ്സ് ഹ‍യ​ർ സെ​ക്ക​ൻ​ഡ​റി സ്കൂ​ൾ മൈ​താ​നം. സ്​​റ്റേ​ഡി​യ​ത്തി​ലേ​ക്ക് ഇ​വി​ടെ നി​ന്ന്​ അ​ധി​ക​ദൂ​ര​മി​ല്ലെ​ന്ന​ത് സാ​ധ്യ​ത വ​ർ​ധി​പ്പി​ക്കു​ന്നു. എ​ന്നാ​ൽ, അ​സൗ​ക​ര്യ​ങ്ങ​ൾ​ക്ക് ന​ടു​വി​ലാ​ണ് ഇ​വി​ടം. ക​ളി​ക്കാ​ർ​ക്ക് വി​ശ്ര​മി​ക്കാ​നും വ​സ്ത്രം മാ​റാ​നും മ​തി​യാ​യ സൗ​ക​ര്യ​ങ്ങ​ൾ ഇ​ല്ല. ശു​ചി​മു​റി​ക​ളു​ടെ അ​ഭാ​വ​വു​മു​ണ്ട്. കോ​വി​ഡ് പ്ര​തി​സ​ന്ധി​യി​ൽ മൈ​താ​നം വേ​ണ്ട​ത്ര ഉ​പ​യോ​ഗി​ക്കാ​തി​രു​ന്ന​തോ​ടെ പ​ല ഭാ​ഗ​ത്തും പു​ല്ലും മു​ള​ച്ചു. പ​രി​ശീ​ല​ന​ത്തി​ന് ഉ​പ​യോ​ഗി​ക്ക​ണ​മെ​ങ്കി​ൽ താ​ൽ​ക്കാ​ലി​ക സം​വി​ധാ​ന​ങ്ങ​ൾ ഒ​രു​ക്കേ​ണ്ടി വ​രും.

എ​ട​പ്പാ​ൾ സ്കൂ​ൾ സ്​​റ്റേ​ഡി​യം

ഒ​ക്ടോ​ബ​ർ ആ​ദ്യം അ​ഖി​ലേ​ന്ത്യ ഫു​ട്ബാ​ൾ ഫെ​ഡ​റേ​ഷ​ൻ പ്ര​തി​നി​ധി​ക​ൾ എ​ട​പ്പാ​ൾ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ സ്​​റ്റേ​ഡി​യം സ​ന്ദ​ർ​ശി​ച്ച് സ്ഥി​തി വി​ല​യി​രു​ത്തി​യി​രു​ന്നു.

ഫ്ല​ഡ്​​ലി​റ്റ്, നാ​ച്വ​റ​ൽ ട​ർ​ഫ്, ഓ​ട്ടോ​മാ​റ്റ​ഡ് സ്പ്രിം​ഗ്ല​ർ സി​സ്​​റ്റ​ത്തോ​ട കൂ​ടി​യ ഫി​ഫ അം​ഗീ​കൃ​ത ഇ​ല​വ​ൻ​സ് ഫു​ഡ്ബാ​ൾ കോ​ർ​ട്ട് എ​ന്നി​വ​ക്ക് പു​റ​മേ ക​ളി​ക്കാ​ർ​ക്കു​ള്ള മു​റി​ക​ൾ, മെ​ഡി​ക്ക​ൽ റൂം, ​ഫി​സി​ക്ക​ൽ എ​ജു​​ക്കേ​ഷ​ൻ റൂം, ​മീ​ഡി​യ റൂം, ​സ്​​റ്റോ​ർ റൂം, ​ശു​ചി​മു​റി സൗ​ക​ര്യ​ങ്ങ​ളോ​ടു കൂ​ടി​യ എ​മി​നി​റ്റി സെൻറ​റും ഇ​വി​ടെ​യു​ണ്ട്. ഫ്രെ​ബു​വ​രി​യി​ലാ​ണ് സ്​​റ്റേ​ഡി​യം നാ​ടി​ന് സ​മ​ർ​പ്പി​ച്ച​ത്. എ​ന്നാ​ൽ, ഇ​തു​വ​രെ പ​ന്തു​രു​ണ്ടി​ട്ടി​ല്ല. സ​ന്തോ​ഷ് ട്രോ​ഫി മ​ത്സ​രം ത​ന്നെ എ​ട​പ്പാ​ളി​ലേ​ക്ക് ല​ഭി​ക്കു​മെ​ന്ന് സൂ​ച​ന​യു​ണ്ടാ​യി​രു​ന്നു. പ​രി​ശീ​ല​ന മൈ​താ​ന​മാ​വു​മെ​ന്ന് ഉ​റ​പ്പി​ച്ചി​ട്ടു​ണ്ട്.

തി​രൂ​ർ രാ​ജീ​വ് ഗാ​ന്ധി മു​നി​സി​പ്പ​ൽ സ്​​റ്റേ​ഡി​യം

സ​ന്തോ​ഷ് ട്രോ​ഫി മ​ത്സ​ര​ത്തി​ന് തി​രൂ​ർ രാ​ജീ​വ് ഗാ​ന്ധി മു​നി​സി​പ്പ​ൽ സ്​​റ്റേ​ഡി​യം വേ​ദി​യാ​വു​മോ ഇ​ല്ല​യോ എ​ന്ന് ഇ​തു​വ​രെ വ്യ​ക്ത​മ​ല്ല. പ​രി​ശീ​ല​ന മൈ​താ​ന​മാ​യി പ​രി​ഗ​ണി​ക്കു​ന്നു​ണ്ട്. അ​ഖി​ലേ​ന്ത്യ ഫു​ട്ബാ​ൾ ഫെ​ഡ​റേ​ഷ​ൻ പ്ര​തി​നി​ധി​ക​ൾ സ്‌​റ്റേ​ഡി​യം സ​ന്ദ​ർ​ശി​ച്ചി​രു​ന്നു. ബാ​ത്ത് റൂം, ​ക​ളി​ക്കാ​ർ​ക്കു​ള്ള ഡ്ര​സ്സി​ങ് റൂം ​എ​ന്നീ സൗ​ക​ര്യ​ങ്ങ​ളി​ല്ലാ​ത്ത​തി​നാ​ലാ​ണ് സ​ന്തോ​ഷ് ട്രോ​ഫി മ​ത്സ​രം തി​രൂ​രി​ൽ ന​ട​ക്കു​മോ​യെ​ന്ന കാ​ര്യ​ത്തി​ൽ എ.​ഐ.​എ​ഫ്.​എ​ഫ് ഇ​തു​വ​രെ ഉ​റ​പ്പ് ന​ൽ​കാ​ത്ത​ത്. സൗ​ക​ര്യം ഒ​രു​ക്കു​ന്ന​തി​െൻറ പേ​രി​ൽ തി​രൂ​ർ ന​ഗ​ര​സ​ഭ ഭ​ര​ണ​പ​ക്ഷ, പ്ര​തി​പ​ക്ഷ പ​ഴി​ചാ​ര​ലി​നും ഇ​ട​യാ​ക്കി​യി​രു​ന്നു.ഉ​ട​ൻ മ​തി​യാ​യ സൗ​ക​ര്യ​മൊ​രു​ക്കു​മെ​ന്നാ​ണ് തി​രൂ​ർ ന​ഗ​ര​സ​ഭ ചെ​യ​ർ​പേ​ഴ്സ​നും വൈ​സ് ചെ​യ​ർ​മാ​നും അ​റി​യി​ച്ച​ത്.