സ​ന്തോ​ഷ് ട്രോ​ഫിയിൽ കേരളത്തിന് തോൽവി

മ​ഡ്ഗാ​വ്: സ​ന്തോ​ഷ് ട്രോ​ഫി ഗ്രൂ​പ് എ​യി​ൽ കേ​ര​ള​ത്തി​ന്റെ വി​ജ​യ​ക്കു​തി​പ്പി​ന് അ​ന്ത്യ​മി​ട്ട ഗോ​വ ഒ​റ്റ ഗോ​ൾ ജ​യ​വു​മാ​യി ഫൈ​ന​ൽ റൗ​ണ്ടി​ൽ പ്ര​വേ​ശി​ച്ചു. വാ​സ്കോ ഡ ​ഗാ​മ​യി​ലെ തി​ല​ക് മൈ​താ​ന​ത്ത് ചൊ​വ്വാ​ഴ്ച വൈ​കു​ന്നേ​രം ന​ട​ന്ന ക​ളി​യു​ടെ 57ാം മി​നി​റ്റി​ൽ ത്രി​ജോ​യ് സാ​വി​യോ ഡ​യ​സ് നേ​ടി​യ ഗോ​ളി​ലാ​ണ് ആ​തി​ഥേ​യ​ർ ടി​ക്ക​റ്റെ​ടു​ത്ത​ത്.

നാ​ല് മ​ത്സ​ര​ങ്ങ​ളി​ൽ മൂ​ന്ന് ജ​യ​വും ഒ​രു സ​മ​നി​ല​യം നേ​ടി പ​ത്ത് പോ​യ​ന്റോ​ടെ ഗോ​വ ഗ്രൂ​പ് ജേ​താ​ക്ക​ളാ​യി. ആ​ദ്യ മൂ​ന്ന് ക​ളി​യും ജ​യി​ച്ച് ഒ​ന്നാ​മ​താ​യി​രു​ന്ന കേ​ര​ളം ഇ​തോ​ടെ ഒ​മ്പ​ത് പോ​യ​ന്റു​മാ​യി ര​ണ്ടാം സ്ഥാ​ന​ത്തേ​ക്ക് വീ​ണു. ഫൈ​ന​ൽ റൗ​ണ്ട് യോ​ഗ്യ​ത​ക്ക് ഇ​നി മ​റ്റു ഗ്രൂ​പ്പു​ക​ളി​ലെ മ​ത്സ​ര​ങ്ങ​ൾ പൂ​ർ​ത്തി​യാ​വാ​ൻ കാ​ത്തി​രി​ക്ക​ണം. ആ​റ് ഗ്രൂ​പ് ജേ​താ​ക്ക​ൾ​ക്കും ഏ​റ്റ​വും മി​ക​ച്ച മൂ​ന്ന് ര​ണ്ടാം സ്ഥാ​ന​ക്കാ​ർ​ക്കു​മാ​ണ് ബെ​ർ​ത്ത്.

ഗു​ജ​റാ​ത്തി​നെ 3-0ത്തി​നും ജ​മ്മു-​ക​ശ്മീ​രി​നെ 6-1നും ഛ​ത്തി​സ്ഗ​ഢി​നെ 3-0ത്തി​നും ത​ക​ർ​ത്ത നി​ജോ ഗി​ൽ​ബ​ർ​ട്ടും സം​ഘ​വും മൂ​ന്ന് മ​ത്സ​ര​ങ്ങ​ളി​ൽ സ്കോ​ർ ചെ​യ്ത​ത് 12 ഗോ​ളു​ക​ളാ​ണ്. വ​ഴ​ങ്ങി​യ​ത് ഒ​ന്നു മാ​ത്രം. ഗോ​ൾ ശ​രാ​ശ​രി​യി​ൽ ബ​ഹു​ദൂ​രം മു​ന്നി​ലാ​യി​രു​ന്നു കേ​ര​ളം. അ​വ​സാ​ന ക​ളി​യി​ൽ സ​മ​നി​ല പോ​ലും ടീ​മി​ന് ധാ​രാ​ള​മാ​യി​രു​ന്നു. എ​ന്നാ​ൽ, ജ‍യം അ​നി​വാ​ര്യ​മാ​യി​രു​ന്ന ഗോ​വ ക​ണ​ക്കു​കൂ​ട്ട​ലു​ക​ളെ​ല്ലാം തെ​റ്റി​ച്ചു. ആ​റ് ഗ്രൂ​പ്പു​ക​ളി​ൽ​നി​ന്നാ​യെ​ത്തു​ന്ന ഒ​മ്പ​തും നി​ല​വി​ലെ ജേ​താ​ക്ക​ളാ​യ ക​ർ​ണാ​ട​ക, റ​ണ്ണ​റ​പ്പാ​യ മേ​ഘാ​ല​യ, ഫൈ​ന​ൽ റൗ​ണ്ട് ആ​തി​ഥേ​യ​രാ​യ അ​രു​ണാ​ച​ൽ പ്ര​ദേ​ശ് ടീ​മു​ക​ളു​മാ​ണ് അ​ടു​ത്ത ഘ​ട്ട​ത്തി​ൽ ക​ളി​ക്കു​ക.

ക​ഴി​ഞ്ഞ ത​വ​ണ കേ​ര​ളം ഫൈ​ന​ൽ റൗ​ണ്ടി​ലെ​ത്തി​യെ​ങ്കി​ലും സെ​മി ഫൈ​ന​ൽ കാ​ണാ​തെ പു​റ​ത്താ​യി. 2021-22ൽ ​ജേ​താ​ക്ക​ളാ​യി​രു​ന്നു കേ​ര​ളം.

കേ​ര​ള​ത്തി​ന്റെ സാ​ധ്യ​ത

ഗ്രൂ​പ് എ​യി​ൽ ഒ​മ്പ​ത് പോ​യ​ന്റു​മാ​യി ര​ണ്ടാം സ്ഥാ​ന​ത്താ​ണ് കേ​ര​ളം. മ​റ്റു ഗ്രൂ​പ്പു​ക​ളി​ലെ ടീ​മു​ക​ളെ​ക്കാ​ൾ ഗോ​ൾ ശ​രാ​ശ​രി​യി​ൽ ബ​ഹു​ദൂ​രം മു​ന്നി​ലു​ണ്ട്. ആ​റ് ഗ്രൂ​പ് ജേ​താ​ക്ക​ൾ​ക്ക് പു​റ​മെ ഏ​റ്റ​വും മി​ക​ച്ച മൂ​ന്ന് ര​ണ്ടാം സ്ഥാ​ന​ക്കാ​ർ​ക്ക് ഫൈ​ന​ൽ റൗ​ണ്ട് യോ​ഗ്യ​ത ല​ഭി​ക്കു​മെ​ന്ന​തി​നാ​ൽ കേ​ര​ള​ത്തി​ന് പ്ര​വേ​ശ​നം ഏ​റെ​ക്കു​റെ ഉ​റ​പ്പാ​ണ്. കേ​ര​ളം ഉ​ൾ​പ്പെ​ടു​ന്ന എ​യി​ൽ അ​ഞ്ചും മ​റ്റു ഗ്രൂ​പ്പു​ക​ളി​ൽ ആ​റും ടീ​മു​ക​ളാ​ണു​ള്ള​ത്. എ ​ഗ്രൂ​പ് ഒ​ഴി​കെ​യു​ള്ള​വ​യി​ൽ ഏ​റ്റ​വും അ​വ​സാ​നം നി​ൽ​ക്കു​ന്ന ടീ​മി​നോ​ട് ക​ളി​ച്ച ഫ​ലം ഒ​ഴി​വാ​ക്കി​യാ​ണ് ര​ണ്ടാം സ്ഥാ​ന​ക്കാ​രെ പ​രി​ഗ​ണി​ക്കു​ക. പോ​യ​ന്റ് മാ​ത്രം നോ​ക്കു​മ്പോ​ൾ ആ​റ് ടീ​മു​ക​ളു​ള്ള ഗ്രൂ​പ്പു​ക​ളി​ലെ ര​ണ്ടാം സ്ഥാ​ന​ക്കാ​ർ കേ​ര​ള​ത്തി​ന് മു​ന്നി​ൽ​ക​യ​റാ​നു​ള്ള സാ​ധ്യ​ത ഇ​തോ​ടെ ഇ​ല്ലാ​താ​വും. ഒ​ക്ടോ​ബ​ർ 24നാ​ണ് ഗ്രൂ​പ് റൗ​ണ്ട് മ​ത്സ​ര​ങ്ങ​ൾ പൂ​ർ​ത്തി​യാ​വു​ക.