സ​ന്തോ​ഷ് ട്രോ​ഫി: ​കേരളത്തിന് ജയം ജീവനാണ്

കോ​ഴി​ക്കോ​ട്: ജ​യ​ത്തി​ൽ കു​റ​ഞ്ഞൊ​ന്നും പോ​രെ​ന്നു​റ​പ്പു​ണ്ട്. ഒ​രു സ​മ​നി​ല പോ​ലും ചി​ല​പ്പേ​ൾ ‘സ​മ​നി​ല’ തെ​റ്റി​ച്ചേ​ക്കാം. അ​തു​കൊ​ണ്ട് നി​ല​വി​ലെ ചാ​മ്പ്യ​ന്മാ​രാ​യ കേ​ര​ള​ത്തി​ന് സ​ന്തോ​ഷ് ട്രോ​ഫി ഗ്രൂ​പ് ര​ണ്ടി​ൽ ഇ​ന്ന് ജ​മ്മു-​ക​ശ്മീ​രി​നെ നേ​രി​ടു​മ്പോ​ൾ ജ​യ​മ​ല്ലാ​​തെ മ​റ്റൊ​രു ചി​ന്ത​യു​മി​ല്ല.

വൈ​കീ​ട്ട് 3.30നാ​ണ് മ​ത്സ​രം. ആ​റ് ഗ്രൂ​പ്പു​ക​ളി​ൽ​നി​ന്ന് ഓ​രോ ടീ​മും ഏ​റ്റ​വും മി​ക​ച്ച ര​ണ്ടാം സ്ഥാ​ന​ക്കാ​രും മാ​ത്ര​മേ ഫൈ​ന​ൽ റൗ​ണ്ടി​ലേ​ക്കെ​ത്തൂ എ​ന്ന​തി​നാ​ൽ ഇ​നി​ ജീ​വ​ന്മ​ര​ണ പോ​രാ​ട്ട​മാ​ണ്.

അ​വ​സാ​ന മ​ത്സ​രം ഞാ​യ​റാ​ഴ്ച ഗ്രൂ​പ്പി​ൽ ഒ​ന്നാ​മ​ത് നി​ൽ​ക്കു​ന്ന മി​സോ​റ​മി​നെ​തി​രെ​യാ​ണ്. ഇ​തു​വ​രെ കേ​ര​ള​ത്തി​ന് ക​രു​ത്ത​ന്മാ​രെ നേ​രി​ടേ​ണ്ടി​വ​ന്നി​ട്ടി​ല്ല എ​ന്ന​തി​നാ​ൽ ടീ​മി​ന്റെ മി​ക​വ് ശ​രി​ക്കും പ​രീ​ക്ഷി​ക്ക​പ്പെ​ട്ടി​ട്ടി​ല്ല. അ​തു​ത​ന്നെ​യാ​ണ് കേ​ര​ള​ത്തി​ന്റെ ച​ങ്കി​ടി​പ്പി​ക്കു​ന്ന​തും.

അ​ട്ടി​മ​റി​ക​ൾ​ക്ക് ശേ​ഷി​യു​ള്ള ടീ​മാ​ണ് ക​ശ്മീ​ർ. നാ​ലു ക​ളി​ക​ളി​ൽ​നി​ന്ന് 12 പോ​യ​ന്റു​മാ​യി മി​സോ​റം മു​ന്നി​ൽ​ക​ട​ന്നു. മൂ​ന്നു ക​ളി​ക​ളി​ൽ​നി​ന്ന് മൂ​ന്നു ജ​യ​വു​മാ​യി ഒ​മ്പ​തു പോ​യ​ന്റു​ള്ള ​കേ​ര​ളം ര​ണ്ടാ​മ​താ​യി. ഇ​നി​യു​ള്ള ര​ണ്ടു ക​ളി​യും നിർണായകം. ക​ശ്മീ​രി​നെ തോ​ൽ​പി​ക്കു​ക​യും മി​സോ​റ​മു​മാ​യി സ​മ​നി​ല​യാ​വു​ക​യും ചെ​യ്താ​ലും കേ​ര​ള​ത്തി​ന് ഫൈ​ന​ൽ റൗ​ണ്ടി​ലെ​ത്താം.