ഐ ലീഗ് കിരീടം റൗണ്ട് ഗ്ലാസ് പഞ്ചാബിന്; ഇ​ന്ത്യ​ൻ സൂ​പ്പ​ർ ലീ​ഗി​ലേ​ക്ക് സ്ഥാ​ന​ക്ക​യ​റ്റം

ജ​യ്പു​ർ: ഐ ​ലീ​ഗ് 2022-23 സീ​സ​ണി​ലെ കി​രീ​ടം റൗ​ണ്ട് ഗ്ലാ​സ് പ​ഞ്ചാ​ബ് സ്വ​ന്ത​മാ​ക്കി. അ​വ​സാ​ന റൗ​ണ്ട് മ​ത്സ​രം ബാ​ക്കി​യു​ള്ള ഇ​വ​ർ​ക്ക് 21 ക​ളി​ക​ളി​ൽ 49 പോ​യ​ന്റു​ണ്ട്. ര​ണ്ടാം സ്ഥാ​ന​ക്കാ​രാ​യ ശ്രീ​നി​ധി ഡെ​ക്കാ​ന് ര​ണ്ടു മ​ത്സ​രം കൂ​ടി​യു​ണ്ടെ​ങ്കി​ലും 41 പോ​യ​ന്റേ​യു​ള്ളൂ. ക​ഴി​ഞ്ഞ ര​ണ്ടു സീ​സ​ണു​ക​ളി​ൽ ജേ​താ​ക്ക​ളാ​യി​രു​ന്ന ഗോ​കു​ലം കേ​ര​ള എ​ഫ്.​സി മൂ​ന്നാം സ്ഥാ​ന​മെ​ങ്കി​ലും കി​ട്ടാ​ൻ പൊ​രു​തു​ന്ന കാ​ഴ്ച​യാ​ണ്.

ശ​നി​യാ​ഴ്ച രാ​ജ​സ്ഥാ​ൻ യു​നൈ​റ്റ​ഡി​നെ അ​വ​രു​ടെ മ​ണ്ണി​ൽ എ​തി​രി​ല്ലാ​ത്ത നാ​ലു ഗോ​ളി​ന് തോ​ൽ​പി​ച്ച​തോ​ടെ​യാ​ണ് റൗ​ണ്ട് ഗ്ലാ​സി​ന്റെ കി​രീ​ട​ധാ​ര​ണം. മി​ന​ർ​വ പ​ഞ്ചാ​ബ് എ​ഫ്.​സി എ​ന്ന പേ​രി​ൽ ഇ​വ​ർ ഐ ​ലീ​ഗി​ൽ ക​ളി​ച്ച​പ്പോ​ൾ 2017-18ൽ ​ചാ​മ്പ്യ​ന്മാ​രാ​യി​രു​ന്നു. 2019-20ലാ​ണ് പു​തി​യ മാ​നേ​ജ്മെ​ന്റി​നു കീ​ഴി​ൽ റൗ​ണ്ട് ഗ്ലാ​സ് പ​ഞ്ചാ​ബ് എ​ന്ന് പേ​രു​മാ​റ്റി ഇ​റ​ങ്ങി​യ​ത്. തു​ട​ർ​ന്ന് മൂ​ന്നു സീ​സ​ണു​ക​ളി​ൽ യ​ഥാ​ക്ര​മം മൂ​ന്നും ര​ണ്ടും അ​ഞ്ചും സ്ഥാ​ന​മാ​യി​രു​ന്നു.

ഇ​ത്ത​വ​ണ 21ൽ 15 ​മ​ത്സ​ര​ങ്ങ​ളും ജ​യി​ക്കാ​ൻ റൗ​ണ്ട് ഗ്ലാ​സി​നാ​യി. നാ​ലെ​ണ്ണം സ​മ​നി​ല​യി​ലാ​യ​പ്പോ​ൾ തോ​റ്റ​ത് ര​ണ്ടു ക​ളി​ക​ളി​ൽ മാ​ത്രം. ഇ​ട​ക്ക് ശ്രീ​നി​ധി​യു​മാ​യി പോ​യ​ന്റ് പ​ട്ടി​ക​യി​ൽ ഇ​ഞ്ചോ​ടി​ഞ്ച് പോ​രാ​ടി​യ ശേ​ഷ​മാ​ണ് ക​പ്പി​ന​രി​കി​ലേ​ക്ക് നീ​ങ്ങി​യ​ത്. 12 ടീ​മു​ക​ൾ ക​ളി​ക്കു​ന്ന ന​ട​പ്പു സീ​സ​ണി​ൽ പോ​യ​ന്റ് പ​ട്ടി​ക​യി​ൽ ഏ​റ്റ​വും താ​ഴെ​യു​ള്ള ര​ണ്ടെ​ണ്ണം ര​ണ്ടാം ഡി​വി​ഷ​നി​ലേ​ക്ക് ത​രം​താ​ഴ്ത്ത​പ്പെ​ടും. 20 മ​ത്സ​ര​ങ്ങ​ളി​ൽ 13 പോ​യ​ന്റ് മാ​ത്ര​മു​ള്ള സു​ദേ​വ ഡ​ൽ​ഹി ഇ​തി​ന​കം ത​രം​താ​ഴ്ത്ത​പ്പെ​ട്ടു. 16 പോ​യ​ന്റു​ള്ള കെ​ൻ​ക്റേ എ​ഫ്.​സി​യും ഏ​റ​ക്കു​റെ ര​ണ്ടാം ഡി​വി​ഷ​ൻ ഉ​റ​പ്പി​ച്ചി​ട്ടു​ണ്ട്.

റൗ​ണ്ട് ഗ്ലാ​സ് പ​ഞ്ചാ​ബ് ഇ​നി ഐ.​എ​സ്.​എ​ല്ലി​ൽ

ന്യൂ​ഡ​ൽ​ഹി: ഐ ​ലീ​ഗ് ജേ​താ​ക്ക​ളാ​യി ഇ​ന്ത്യ​ൻ സൂ​പ്പ​ർ ലീ​ഗി​ലേ​ക്ക് സ്ഥാ​ന​ക്ക​യ​റ്റം ല​ഭി​ക്കു​ന്ന ആ​ദ്യ ടീ​മാ​യി റൗ​ണ്ട് ഗ്ലാ​സ് പ​ഞ്ചാ​ബ് എ​ഫ്.​സി. ഏ​ഷ്യ​ൻ ഫു​ട്‌​ബാ​ൾ കോ​ൺ​ഫെ​ഡ​റേ​ഷ​നും അ​ഖി​ലേ​ന്ത്യ ഫു​ട്‌​ബാ​ൾ ഫെ​ഡ​റേ​ഷ​നും ത​യാ​റാ​ക്കി​യ റോ​ഡ്‌​മാ​പ്പ് പ്ര​കാ​ര​മാ​ണ് പ്ര​വേ​ശ​നം. ഐ.​എ​സ്.​എ​ല്ലി​നു പു​റ​മെ കേ​ര​ള​ത്തി​ൽ ന​ട​ക്കാ​നി​രി​ക്കു​ന്ന സൂ​പ്പ​ർ ക​പ്പി​ലും റൗ​ണ്ട് ഗ്ലാ​സ് പ​ങ്കെ​ടു​ക്കും. കൂ​ടാ​തെ, 2024-25ലെ ​എ.​എ​ഫ്‌.​സി ക​പ്പി​ൽ ക​ളി​ക്കാ​ൻ റൗ​ണ്ട് ഗ്ലാ​സി​ന് അ​വ​സ​രം ല​ഭി​ക്കും.