ഹാലൻഡ്​ ഡബ്​ളും ഏശിയില്ല; ​​െലവൻഡോവ്​സ്​കി ഹാട്രികിൽ ഡോർട്​മണ്ടിനെ മുക്കി ബയേൺ

മ്യൂണിക്​: ആദ്യ 10 മിനിറ്റിനിടെ രണ്ടു വട്ടം നോയറെ കീഴടക്കി എർലിങ്​ ഹാലൻഡ്​ ​ബൊറൂസിയ ഡോർട്​മണ്ടിനെ മുന്നിലെത്തിച്ചിട്ടും രണ്ടിനെതിരെ നാലു ഗോളിന്‍റെ തകർപ്പൻ ജയവുമായി ബയേൺ മ്യൂണിക്​​. റോബർട്​ ലെവൻഡോവ്​സ്​കി ഹാട്രികുമായി തകർത്തുകളിച്ച ബുണ്ടസ്​ ലിഗ ആവേശപ്പോരിൽ ഗോരെറ്റ്​സ്​കയാണ്​ അവശേഷിച്ച ഗോൾ നേടിയത്​. വിസിൽ മുഴങ്ങി 74 സെക്കൻഡ്​ മാത്രം പൂർത്തിയാകുന്നതിനിടെയായിരുന്നു കളിയിലെ ആദ്യ ഗോളുമായി ഹാലൻഡ്​ ഡോർട്​മണ്ടിനായി കളി തുടങ്ങിയത്​. തൊർഗൻ ഹസാർഡിൽനിന്ന്​ കിട്ടിയ പന്ത്​ വലയിലെത്തിച്ച്​ ഒമ്പതാം മിനിറ്റിൽ വീണ്ടും ലക്ഷ്യം കണ്ടപ്പോൾ ഡോർട്​മണ്ട്​ വലിയ മാർജിനിൽ ജയിക്കുമെന്ന്​ തോന്നിച്ചു.

അതോടെ ഉണർന്ന ബയേണും​ ലെവൻഡോവ്​സ്​കിയും തുടരെ ഗോളുകളുമായി ചിത്രം മാറ്റുന്നതാണ്​ പിന്നീട്​ മൈതാനം കണ്ടത്​. പെനാൽറ്റി ബോക്​സിൽ ​േകാട്ടകെട്ടിനിന്ന പ്രതിരോധനിരക്കു നടുവിലൂടെ ലിറോയ്​ സാനെ നൽകിയ ക്രോസിൽ 26ാം മിനിറ്റിലായിരുന്നു ആദ്യ മറുപടി​ ഗോൾ. കാലിനു പാകത്തിൽ വന്ന പന്ത്​ വെറുതെ വലയിലേക്കു തട്ടിയിടുക മാത്രമായിരുന്നു ലെവൻഡോവ്​സ്​കിക്കു ബാക്കിയുണ്ടായിരുന്നത്​. കിങ്​സ്​ലി കോമാനെ വീഴ്​ത്തിയതിനു 'വാറി'ൽ ലഭിച്ച പെനാൽറ്റി ലക്ഷ്യത്തിലെത്തിച്ച്​ ലെവൻഡോവ്​സ്​കി ഒന്നാം പകുതി അവസാനിക്കും മുമ്പ്​ സമനില നൽകി. ഡ്രിബ്​ളിങ്ങിന്‍റെ മനോഹാരിതയുമായി ലിയോൺ ഗോരെറ്റ്​സ്​ക 89ാം മിനിറ്റിൽ ബയേണിനെ മുന്നിലെത്തിച്ചതിന്‍റെ പുകയടങ്ങുംമുമ്പ്​ വീണ്ടും വലതുളച്ച്​ ലെവൻഡോവ്​സ്​കി സ്​കോർ 4-2ലെത്തിച്ചു.

വിജയ​േത്താടെ ഒന്നാം സ്​ഥാനത്ത്​ ബയേൺ രണ്ടു പോയിന്‍റ്​ ലീഡുറപ്പിച്ചപ്പോൾ ഡോർട്​മണ്ട്​ ആറാം സ്​ഥാനത്തേക്കിറങ്ങി. ഡോർട്​മണ്ടിന്​ ചാമ്പ്യൻസ്​ ലീഗ്​ യോഗ്യതക്ക്​ ഇനിയുള്ള മത്സരങ്ങൾ കടുപ്പമേറിയതാകും.

ഇന്നലെ രണ്ടു ഗോൾ കുറിച്ച ഹാലൻഡ്​ 20ാം വയസ്സിൽ മുൻനിര ലീഗുകളിൽ 100 ഗോൾ തികക്കുകയെന്ന അപൂർവ നേട്ടംകുറിച്ചതായിരുന്നു കളിയുടെ പ്രധാന സവിശേഷത. 145 മത്സരങ്ങളിലായിരുന്നു താരത്തിന്‍റെ അപൂർവ കുതിപ്പ്​. ഇതേ നേട്ടത്തിന്​ എംബാപ്പെ 180ഉം മെസ്സി 210ഉം റൊണാൾഡോ 301ഉം കളി വരെ കാത്തിരിക്കേണ്ടിവന്നുവെന്ന്​ കൂടി ഓർക്കണം.

മറുവശത്ത്​, ഹാ​ട്രിക്കോടെ ബുണ്ടസ്​ ലിഗയിൽ ലെവൻഡോവ്​സ്​കിയുടെ ഗോൾ നേട്ടം 267 ഗോളായി. ലീഗ്​ ചരിത്രത്തിൽ്യ്യ ​േക്ലാസ്​ ഫിഷർ മാത്രമാണ്​ താരത്തിന്​ മുന്നിലുള്ളത്​.