മറഡോണ എന്ന വിസ്​മയം

2012ൽ മ​റഡോണ കണ്ണൂരിലെത്തിയപ്പോൾ പരിപാടിയുടെ അവതാരകയായിരുന്ന രഞ്​ജിനി ഹരിദാസ്​ ഇതിഹാസ താരത്തെ ഓർക്കുന്നു.

മറഡോണയുടെ മരണവാർത്ത കേട്ടപ്പോൾ എ​െൻറ ഓർമകൾ നേരെ പോയത്​ കണ്ണൂരിൽ അദ്ദേഹത്തോടൊപ്പം പ​ങ്കെടുത്ത ചടങ്ങിലേക്കാണ്​. ആ പരിപാടി കാണാത്ത മലയാളികൾ കുറവായിരിക്കും. ലക്ഷക്കണക്കിന്​ ഫുട്​ബാൾ ആരാധകരാണ്​ അന്ന്​ മറഡോണയെ കാണാൻ തടിച്ചുകൂടിയത്​.

ഫുട്​ബാളി​െൻറ നാട്​ കൂടിയാണല്ലോ കണ്ണൂർ. ഉത്സവപ്രതീതി നിറഞ്ഞ അവിടുത്തെ അന്തരീക്ഷം ഏറെ ആവേശം ജനിപ്പിക്കുന്നതായിരുന്നു. മറഡോണയുടെ​ ചുറ്റുമുള്ള പ്രകാശവലയത്തിൽ എല്ലാവരും സ്​തംഭിച്ചതുപോലെ. ആരാധകരെ കണ്ട്​ അദ്ദേഹവും ഞെട്ടി.

അത്ര വലിയൊരു ആൾക്കൂട്ടം പ്രതീക്ഷിച്ചിരുന്നില്ല. ഊർജസ്വലതയുള്ളവരെ വേദിയിൽ കിട്ടു​േമ്പാൾ എന്നെപ്പോലുള്ള അവതാരകർക്ക്​ ആവേശം ഇരട്ടിയാകും. നമ്മുടെ പ്രകടനത്തിനും മിഴിവ്​ കൂടും. അവിടെയും അതാണ്​ സംഭവിച്ചത്​. മറഡോണ എന്നോടൊപ്പം പാട്ട്​ പാടി, നൃത്തം ചെയ്​തു. പാട്ടും നൃത്തവും ഹൃദയംകൊണ്ട്​ ഇഷ്​ടപ്പെടുന്ന അ​േദ്ദഹത്തിന്​ നല്ല താളബോധമുണ്ടായിരുന്നു.

കളിയുടെ ചലനങ്ങളിലും ആ താളം കാണാം. വേദിയിലുണ്ടായിരുന്ന അര മണിക്കൂർ വല്ലാത്തൊരു തരംഗമാണ്​ മറഡോണ സൃഷ്​ടിച്ചത്​. ഭാഷയുടെ അതിരിനപ്പുറം നമ്മളിൽ ഒരാളെന്ന്​ തോന്നിപ്പിക്കുന്നതും അത്​ഭുതം ജനിപ്പിക്കുന്നതുമാണ്​ ആ വ്യക്​തിത്വം. മലയാളികൾക്ക്​ ഒരിക്കലും മറക്കാനാവാത്ത അനുഭവം സമ്മാനിച്ചാണ്​ അന്ന്​ മറഡോണ നാട്ടിലേക്ക്​ മടങ്ങിയത്​.

അദ്ദേഹത്തി​െൻറ വ്യക്​തിജീവിതവും ഫുട്​ബാൾ ജീവിതവും ഒന്നുപോലെ ആഘോഷഭരിതമായിരുന്നു. സ്വന്തം ഇഷ്​ടങ്ങളും തത്വസംഹിതകളും അനുസരിച്ചായിരുന്നു ജീവിതം. ജീവിച്ചിരുന്ന ഓരോ നിമിഷവും ആഘോഷമാക്കി.

മൈക്കൽ ജാക്​സനെ പോലെ ലോകത്തിലെ എല്ലാവർക്കും ഒരുപോലെ അറിയാവുന്ന പേരാണ്​ മറഡോണ. ​​ ഏതോ ഒരു രീതിയിൽ അദ്ദേഹം എല്ലാവരെയും തൊട്ടു​. അത്​ കളിയിലൂടെ മാത്രമായിരുന്നില്ല. ഗാലറിക്ക്​ വേണ്ടി കളിച്ച കായികപ്രതിഭയായിരുന്നു. സെലിബ്രിറ്റികൾക്ക്​ പൊതുവെ സ്വന്തം ആഗ്രഹപ്രകാരം ജീവിക്കാൻ ഭയമാണ്​.

എന്നാൽ, മറഡോണക്ക്​ അങ്ങനെ ഒരു ഭയം ഉണ്ടായിരുന്നില്ല. 60 വയസ്സ്​ എന്നത്​ ഒരു കായികതാരത്തെ സംബന്ധിച്ചിടത്തോളം ചെറുപ്പമാണ്​. പക്ഷേ, ജീവിതത്തിൽ സ്വയം കൈക്കൊണ്ട ചില തീരുമാനങ്ങളുടെ അടിസ്​ഥാനത്തിലെ ശാരീരിക പ്രശ്​നങ്ങളാണ്​ നമ്മോട്​ ഇത്ര വേഗം​ വിടപറയുന്ന സാഹചര്യം സൃഷ്​ടിച്ചത്​.

പക്ഷേ, മലയാളികളുടെയോ ലോകത്തി​െൻറയോ മനസ്സിൽ മറഡോണക്ക്​ മരണമില്ല. അദ്ദേഹം ലോകത്തിന്​ സമ്മാനിച്ച ആവേശവും പ്രചോദനവും മരണത്തിനും അതീതമാണ്​. ഇതൊക്കെ​ ചിന്തിക്കു​േമ്പാൾ മരണത്തിൽ സങ്കടപ്പെടാതെ ആ ജീവിതം നമ്മളും ആഘോഷിക്കുകയാണ്​ വേണ്ടത്​.

ഞാൻ ഇതുവരെ വേദി പങ്കിട്ടതിൽ ഊർജസ്വലമായ വ്യക്​തിത്വം കൊണ്ട്​ എന്നെ ഏറ്റവുമധികം വിസ്​മയിപ്പിക്കുകയും സ്വാധീനിക്കുകയും ചെയ്​ത ആളാണ്​ മറഡോണ. മരണം അറിഞ്ഞപ്പോൾ മുതൽ ഞാൻ അദ്ദേഹത്തെക്കുറിച്ച്​ സംസാരിച്ചുകൊണ്ടിരിക്കുന്നു. ആ ഓർമകൾ പുതുമയോടെ മടങ്ങിയെത്തി. ലോകത്തി​െൻറ ഒരറ്റത്ത്​ ഇരിക്കുന്ന എനിക്ക്​ മ​റഡോണയോടൊപ്പം വേദി പങ്കിടാൻ കഴിഞ്ഞു എന്നത്​ നിറഞ്ഞ അഭിമാനമാണ്​.

2020ൽ കുറേ പേർ നമ്മെ വിട്ടുപോയി. ലോകത്തിന്​ വളരെ പ്രായസങ്ങൾ നിറഞ്ഞൊരു വർഷമായിരുന്നു. ഇപ്പോൾ മറഡോണയും വിട പറഞ്ഞിരിക്കുന്നു. ലോകത്തിന്​ വലിയൊരു ഇതിഹാസത്തെയാണ്​ നഷ്​ടപ്പെട്ടത്​. ആ ഓർമകൾക്ക്​ മുന്നിൽ പ്രണാമം.