സാമുറായ് പടയൊരുങ്ങി; ആദ്യം പറന്നിറങ്ങും

ദോ​ഹ: ​ലോ​ക​ക​പ്പ് ആ​തി​ഥേ​യ ന​ഗ​രി​യി​ലെ ബ​ഹു​നി​ല കെ​ട്ടി​ട​ത്തി​നു മു​ക​ളി​ൽ നാ​യ​ക​ൻ മ​ായാ യോ​ഷി​ദോ​യു​ടെ ത​ല​യെ​ടു​പ്പു​ള്ള ചി​ത്രം കാ​ണ​ണം. വി​ശ്വ​മേ​ള​യി​ൽ പ​ന്തു ത​ട്ടു​ന്ന ടീ​മു​ക​ളു​ടെ പ്ര​ധാ​ന താ​ര​ങ്ങ​ളു​ടെ കൂ​റ്റ​ൻ ചി​ത്ര​ങ്ങ​ൾ അ​ല​ങ്ക​രി​ച്ച് അ​വ​രെ വ​ര​വേ​ൽ​ക്കു​ന്ന​തി​ന്റെ ഭാ​ഗ​മാ​ണ് മാ​യാ യോ​ഷി​ദ​യും ദോ​ഹ​യു​ടെ ക​ണ്ണാ​യ ദി​ക്കി​ൽ ഇ​ടം നേ​ടി​യ​ത്.

തൊ​ട്ട​രി​കി​ലാ​യി​ത്ത​ന്നെ വ​ലി​യൊ​രു കെ​ട്ടി​ട​ത്തി​ൽ ആ​രാ​ധ​ക​രു​ടെ ആ​വേ​ശ​വും പ​ക​ർ​ത്തി​വെ​ച്ചാ​ണ് ഖ​ത്ത​ർ സാ​മു​റാ​യ്സി​നെ വ​ര​വേ​ൽ​ക്കു​ന്ന​ത്. ലോ​ക​ക​പ്പ് വേ​ദി​യി​ലേ​ക്ക് ആ​ദ്യ​മാ​യി പ​റ​ന്നി​റ​ങ്ങാ​ൻ ഒ​രു​ങ്ങു​ന്ന ജ​പ്പാ​ൻ ടീ​മി​നെ ചൊ​വ്വാ​ഴ്ച പ്ര​ഖ്യാ​പി​ച്ച​തോ​ടെ ആ​വേ​ശം അ​ത്യു​ന്ന​തി​യി​ലാ​യി. ടോ​ക്യോ​യി​ൽ ന​ട​ന്ന വാ​ർ​ത്ത സ​മ്മേ​ള​ന​ത്തി​ലാ​ണ് കോ​ച്ച് ഹ​ജി​മെ മൊ​റി​യാ​സു 26 അം​ഗ ടീ​മി​നെ പ്ര​ഖ്യാ​പി​ച്ച​ത്.

ലോ​ക​ക​പ്പി​നു​ള്ള 32 ടീ​മു​ക​ളി​ൽ അ​ന്തി​മ സം​ഘ​ത്തെ പ്ര​ഖ്യാ​പി​ക്കു​ന്ന ആ​ദ്യ ടീം ​കൂ​ടി​യാ​ണ് സാ​മു​റാ​യ്സ്. മു​ൻ ഏ​ഷ്യ​ൻ ചാ​മ്പ്യ​ന്മാ​ർ കൂ​ടി​യാ​യ നീ​ല​പ്പ​ട ന​വം​ബ​ർ ഏ​ഴി​ന് ഖ​ത്ത​റി​ലെ​ത്തും. ലോ​ക​ക​പ്പ് വേ​ദി​യി​ലേ​ക്ക് പ​റ​ന്നി​റ​ങ്ങു​ന്ന ആ​ദ്യ സം​ഘ​വു​മാ​ണ് ത​കു​മോ അ​സാ​നോ, മു​ൻ ലി​വ​ർ​പൂ​ൾ താ​രം കൂ​ടി​യാ​യ മൊ​ണ​ാ​കോ​യു​ടെ ത​കു​മി മി​നാ​മി​നോ, ​സീ​നി​യ​ർ​താ​രം യൂ​ടോ ന​ഗ​തു​മോ എ​ന്നി​വ​ര​ട​ങ്ങി​യ ടീം.

​ഏ​ഴി​ന് ഖ​ത്ത​റി​ലെ​ത്തു​ന്ന ടീം ​ന​വം​ബ​ർ 17ന് ​ദു​ബൈ​യി​ലെ​ത്തി കാ​ന​ഡ​യു​മാ​യി ത​ങ്ങ​ളു​ടെ അ​വ​സാ​ന സ​ന്നാ​ഹ മ​ത്സ​ര​ത്തി​ൽ പ​ന്തു ത​ട്ടും. ഗ്രൂ​പ് 'ഇ'​യി​ൽ സ്‍പെ​യി​ൻ, കോ​സ്റ്റ​റീ​ക, ജ​ർ​മ​നി എ​ന്നി​വ​ർ​ക്കൊ​പ്പ​മാ​ണ് ജ​പ്പാ​ൻ ക​ളി​ക്കു​ന്ന​ത്. പ​ഞ്ച​ന​ക്ഷ​ത്ര ഹോ​ട്ട​ലാ​യ റാ​ഡി​സ​ൺ ബ്ലൂ ​ഹോ​ട്ട​ലി​ലാ​ണ് ടീ​മി​ന്റെ താ​മ​സം. അ​ൽ സ​ദ്ദി​ന്റെ വേ​ദി​യി​ലാ​ണ് പ​രി​ശീ​ല​നം.