അർജന്റീന-ഫ്രാൻസ് കലാശപ്പോരിന്റെ ഗോൾ നില പ്രവചിച്ചത് അച്ചട്ടായി; താരമായി ആറാം ക്ലാസുകാരി
text_fields
നടുവണ്ണൂർ: ഖത്തറിൽ ലോകകപ്പ് ഫുട്ബോൾ തുടങ്ങിയതു മുതൽ പ്രവചനങ്ങളുടെ മത്സരമായിരുന്നു. ആര് കപ്പടിക്കും എന്നതിൽ തുടങ്ങി, ഫൈനലിലെത്തുന്ന ടീമുകൾ എത്ര ഗോളടിക്കും എന്നതിൽ വരെ പ്രവചന മത്സരം നടന്നു.
ഇന്നലെ നടന്ന അർജന്റീന-ഫ്രാൻസ് കലാശപ്പോരിന്റെ ഗോൾ നില പ്രവചിച്ച് താരമായിരിക്കുകയാണ് ആറാം ക്ലാസുകാരി അയിഷ ഐഫ. കോഴിക്കോട് നടുവണ്ണൂർ ഗവ.ഹയർസെക്കൻഡി സ്കൂളിലെ ആറാം ക്ലാസ് വിദ്യാർഥിനിയാണ് ഐഫ. സ്കൂളിൽ നടന്ന മത്സരത്തിലായിരുന്നു ഐഷയുടെ പ്രവചനം.
ഒരാളും കൃത്യമായി പ്രവചിക്കില്ലെന്ന് കരുതി ഷൂട്ടൗട്ടിലെ സ്കോറായ 4-2 ഉത്തരമായി പരിഗണിക്കാമെന്നായിരുന്നു സംഘാടകരുടെ തീരുമാനം. എന്നാൽ ഐഫയുടെ പ്രവചനം എല്ലാ കണക്കുകൂട്ടലുകളും തെറ്റിച്ചുകളഞ്ഞു.
അർജന്റീനയുടെ ആരാധികയാണ് ഐഫ. രണ്ടു മികച്ച ടീമാണെന്നും പ്രവചന മത്സരത്തിൽ വിജയിയായതോടെ അർജന്റീന കപ്പടിച്ച പോലൊരു സന്തോഷം തോന്നിയെന്നും ഐഫ പറഞ്ഞു. ഐഫയുടെ പ്രവചനം ഇങ്ങനെയായിരുന്നു.
പെനാൾട്ടി: അർജന്റീന 4, ഫ്രാൻസ് 2.