ലോ​ക​ക​പ്പി​നു ശേ​ഷം 'വെ​യി​ൽ​സ്' ഓ​ർ​മ​യാ​കും

ദോ​ഹ: ഗാ​ര​ത് ബെ​യ്ൽ, റ്യാ​ൻ ഗി​ഗ്സ്, െക്ര​യ്ഗ് ബെ​ല്ലാ​മി തു​ട​ങ്ങി ലോ​കം​ക​ണ്ട ഒ​ട്ട​ന​വ​ധി താ​ര​ങ്ങ​ളി​ലൂ​ടെ ഫു​ട്ബാ​ൾ ലോ​ക​ത്ത് പ​രി​ചി​ത​മാ​യ വെ​യി​ൽ​സ്​ എ​ന്ന നാ​മം ഖ​ത്ത​ർ ലോ​ക​ക​പ്പോ​ടെ ഓ​ർ​മ​യാ​കും. ഫു​ട്ബാ​ളി​ൽ വെ​യി​ൽ​സി​ന്റെ പേ​ര് മാ​റ്റു​ന്ന​ത് സം​ബ​ന്ധി​ച്ച് യു​വേ​ഫ​യു​മാ​യി ച​ർ​ച്ച​ക​ൾ ആ​രം​ഭി​ച്ചു​ക​ഴി​ഞ്ഞു. നീ​ണ്ട 64 വ​ർ​ഷ​ത്തെ കാ​ത്തി​രി​പ്പി​നൊ​ടു​വി​ലാ​ണ് റോ​ബ് പേ​ജി​ന്റെ നേ​തൃ​ത്വ​ത്തി​ൽ പ്ലേ ​ഓ​ഫ് ക​ട​മ്പ ക​ട​ന്ന് വെ​ൽ​ഷ് പ​ട ലോ​ക​ക​പ്പി​നെ​ത്തു​ന്ന​ത്.

പ്ലേ ​ഓ​ഫ് സെ​മി ഫൈ​ന​ലി​ൽ ടീ​മി​ന്റെ തു​റു​പ്പു​ശീ​ട്ടും ക്യാ​പ്റ്റ​നു​മാ​യ ഗാ​ര​ത് ബെ​യ്​​ലി​ന്റെ അ​സാ​മാ​ന്യ മി​ക​വി​ൽ ഓ​സ്​​ട്രി​യ​യെ പ​രാ​ജ​യ​പ്പെ​ടു​ത്തി​യ വെ​യി​ൽ​സ്, കാ​ർ​ഡി​ഫി​ൽ യു​​ക്രെ​യ്നെ കീ​ഴ​ട​ക്കി​യാ​ണ് ഖ​ത്ത​ർ ലോ​ക​ക​പ്പ് ഫൈ​ന​ൽ റൗ​ണ്ടി​ലേ​ക്കു​ള്ള ടി​ക്ക​റ്റ് ഉ​റ​പ്പി​ച്ച​ത്. 1958ൽ ​സ്വീ​ഡ​നി​ൽ ന​ട​ന്ന ലോ​ക​ക​പ്പി​ലാ​ണ് വെ​യി​ൽ​സ്​ അ​വ​സാ​ന​മാ​യി പ​ന്തു ത​ട്ടി​യ​ത്. ഖ​ത്ത​റി​ൽ ഗ്രൂ​പ് ബി​യി​ൽ ഇം​ഗ്ല​ണ്ട്, ഇ​റാ​ൻ, അ​മേ​രി​ക്ക എ​ന്നി​വ​ർ​ക്കൊ​പ്പ​മാ​ണ് ബെ​യ്​​ലും സം​ഘ​വും. വെ​യി​ൽ​സ്​ എ​ന്ന​പേ​രി​ൽ ഒ​രു​പ​ക്ഷേ അ​വ​രു​ടെ അ​വ​സാ​ന ലോ​ക​ക​പ്പാ​യി​രി​ക്കു​മി​ത്. ആ​ഗോ​ള​ത​ല​ത്തി​ൽ 'സിം​റു' എ​ന്ന് വി​ളി​ക്ക​പ്പെ​ടാ​നു​ള്ള സാ​ധ്യ​ത​ക​ൾ സം​ബ​ന്ധി​ച്ച് വെ​യി​ൽ​സ്​ അ​ധി​കൃ​ത​ർ ച​ർ​ച്ച ആ​രം​ഭി​ച്ചു​ക​ഴി​ഞ്ഞു. രാ​ജ്യ​ത്തും ഫു​ട്ബാ​ൾ ആ​സ്​​ഥാ​ന​ത്തും വ്യാ​പ​ക​മാ​യി ഉ​പ​യോ​ഗി​ക്കു​ന്ന വെ​ൽ​ഷ് നാ​മ​മാ​ണ് സിം​റു. അ​തേ​സ​മ​യം, രാ​ജ്യ​ത്തി​ന് പു​റ​ത്ത് അ​വ​ര​റി​യ​പ്പെ​ടു​ന്ന പേ​രാ​ണ് വെ​യി​ൽ​സ്.

അ​ധി​കൃ​ത​രു​മാ​യി കൂ​ടി​യാ​ലോ​ചി​ക്കാ​തെ ഇ​ക്കാ​ര്യ​ത്തി​ൽ അ​ന്തി​മ തീ​രു​മാ​ന​മു​ണ്ടാ​കി​ല്ലെ​ങ്കി​ലും പേ​രു​മാ​റ്റം സം​ബ​ന്ധി​ച്ച് യു​വേ​ഫ​യു​മാ​യി അ​നൗ​പ​ചാ​രി​ക ച​ർ​ച്ച​ക​ൾ ആ​രം​ഭി​ച്ച​താ​യി മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്യു​ന്നു. 'ടീ​മി​നെ എ​പ്പോ​ഴും 'സിം​റു' എ​ന്ന് വി​ളി​ക്ക​ണം. അ​താ​ണ് ഞ​ങ്ങ​ളി​വി​ടെ വി​ളി​ച്ചു​കൊ​ണ്ടി​രി​ക്കു​ന്ന​ത്' -വെ​ൽ​ഷ് ഫു​ട്ബാ​ൾ അ​സോ​സി​യേ​ഷ​ൻ സി.​ഇ.​ഒ നോ​യ​ൽ മൂ​ണി പ​റ​ഞ്ഞു. ഞ​ങ്ങ​ളു​ടെ വെ​ബ്സൈ​റ്റി​ലും സം​സാ​രി​ക്കു​ന്ന​ത് സിം​റു എ​ന്നാ​ണെ​ന്ന് കാ​ണാ​ൻ സാ​ധി​ക്കും. ഇ​തു​മാ​യി ബ​ന്ധ​പ്പെ​ട്ട് അ​ന്താ​രാ​ഷ്ട്ര ത​ല​ത്തി​ൽ കു​റ​ച്ചു​കൂ​ടി ചെ​യ്യാ​നു​ണ്ട്. അ​ക്കാ​ര​ണ​ത്താ​ൽ ഈ ​ലോ​ക​ക​പ്പി​ന് വെ​യി​ൽ​സ്​ എ​ന്ന നാ​മ​ത്തി​ൽ പോ​കു​ക​യാ​ണ്. 2023ൽ ​പ​ങ്കാ​ളി​ക​ളു​മാ​യി ച​ർ​ച്ച​ക​ൾ പു​രോ​ഗ​മി​ക്കും. അ​തി​ൽ ഗ​വ​ൺ​മെൻറു​ക​ളും സ്വ​ന്തം ബോ​ർ​ഡു​ക​ളും കൗ​ൺ​സി​ലു​ക​ളും തീ​രു​മാ​ന​ങ്ങ​ളെ​ടു​ക്കു​ന്ന ബോ​ഡി​ക​ളും ജീ​വ​ന​ക്കാ​രും ക്ല​ബു​ക​ളും താ​ര​ങ്ങ​ളും ഉ​ൾ​പ്പെ​ടും -അ​ദ്ദേ​ഹം പ​റ​ഞ്ഞു.

പേ​രു​മാ​റ്റം യാ​ഥാ​ർ​ഥ്യ​മാ​കു​ക​യാ​ണെ​ങ്കി​ൽ തു​ർ​ക്കി​യു​ടെ വ​ഴി വെ​യി​ൽ​സും സ്വീ​ക​രി​ക്കും. നേ​ര​ത്തേ തു​ർ​ക്കി എ​ന്നു​ള്ള​ത് പേ​രു മാ​റ്റി ഇ​പ്പോ​ൾ തു​ർ​ക്കി​യ ആ​ക്കി മാ​റ്റി​യി​ട്ടു​ണ്ട്. അ​തോ​ടൊ​പ്പം 2024 യൂ​റോ​ക​പ്പ് യോ​ഗ്യ​ത​യി​ൽ വെ​യി​ൽ​സിെൻറ ഗ്രൂ​പ്പി​ലാ​ണ് തു​ർ​ക്കി​യു​ള്ള​ത്.