Begin typing your search above and press return to search.
exit_to_app
exit_to_app
Homechevron_rightSportschevron_rightQatar World Cupchevron_rightടീം സമ്മർദ്ദങ്ങളിൽ...

ടീം സമ്മർദ്ദങ്ങളിൽ നിന്നെല്ലാം മുക്തർ -സാഞ്ചസ്​

text_fields
bookmark_border
Felix Sanchez
cancel

ദോഹ: ഇക്വഡോറിനേറ്റ ആദ്യ മത്സരത്തിെൻറ പരാജയഭാരത്തിൽ നിന്നും ഖത്തർ ടീം മുക്തരാണെന്ന് പരിശീലകൻ ഫെലിക്സ്​ സാഞ്ചസ്​ പറഞ്ഞു. പരാജയത്തെ തുടർന്നുണ്ടായ വിമർശനങ്ങളെ കാര്യമാക്കുന്നില്ല. മുന്നിലുള്ള മത്സരമാണ് ലക്ഷ്യം - സാഞ്ചസ്​ കൂട്ടിച്ചേർത്തു. മത്സരത്തിന് മുന്നോടിയായി നടത്തിയ വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം.

'സാധാരണ പറയാറുള്ളത് തന്നെയാണ് ഇപ്പോഴും പറയാനുള്ളത്, തെറ്റുകളിൽ നിന്നെല്ലാം പാഠങ്ങൾ പഠിച്ചിട്ടുണ്ട്. ആദ്യ മത്സരത്തിെൻറ സമ്മർദ്ദങ്ങളിൽ നിന്നെല്ലാം ഞങ്ങൾ സ്വതന്ത്രരാണ്​. സ്വതസിദ്ധമായ മത്സരം കളിക്കാൻ ഞങ്ങൾ സജ്ജമാണ്. സെനഗലുമായി മത്സരിക്കാൻ ഞങ്ങൾക്ക് സാധിക്കും. മറ്റു ദിവസങ്ങളിൽ നിന്നും വ്യത്യസ്​തമായി ഞങ്ങൾ മികച്ച പ്രകടനം കാഴ്ചവെക്കും' -സാഞ്ചസ്​ വ്യക്തമാക്കി.

മികച്ച ടീമിനെയാണ് ഞങ്ങൾ നേരിടാനിരിക്കുന്നത്. എന്ത് സംഭവിക്കുന്നുവെന്ന് കാത്തിരിക്കാം. ഇത് ഫുട്ബോൾ മത്സരമാണ്. നിരവധി വ്യത്യസ്​ത ഘടകങ്ങൾ ഉണ്ടാകും. ഏറ്റവും പ്രധാനപ്പെട്ടത് നമ്മുടെ പ്രകടനം തന്നെയാണ് -അദ്ദേഹം പറഞ്ഞു. എല്ലാ വിമർശനങ്ങളിൽ നിന്നും ഒഴിഞ്ഞ് മാറി, ടീമിലും മത്സരത്തിലും ശ്രദ്ധ കേന്ദ്രീകരിച്ചിരിക്കുകയാണ്. പുറത്ത് നിന്നുള്ള ശബ്ദങ്ങളെ കാര്യമാക്കുന്നില്ല. അവ ഞങ്ങളെ പോസിറ്റീവായും നെഗറ്റീവായും സ്വാധീനിക്കുകയില്ല -സാഞ്ചസ്​ പറഞ്ഞു.

ഖത്തർ പരിശീലകനോടൊപ്പം പ്രതിരോധനിരയിലെ ഇസ്​മാഈൽ മുഹമ്മദും വാർത്താ സമ്മേളനത്തിൽ പങ്കെടുത്തു.

Show Full Article
TAGS:world cup qatar Felix Sanchez 
News Summary - Team is free from all pressure - Sanchez
Next Story