വിജയത്തുടർച്ചക്ക് സൗദി; കന്നി ജയം തേടി പോളണ്ട്

ദോഹ: അർജന്റീനക്കെതിരെ നേടിയ ഐതിഹാസിക ജയത്തിന്റെ ഹാങ്ങോവറിലാണിപ്പോഴും സൗദി അറേബ്യ. അതിന്റെ ആവേശത്തുടർച്ചയിൽ രണ്ടാം ജയത്തോടെ നോക്കൗട്ട് റൗണ്ട് പ്രവേശനമുറപ്പിക്കുകയെന്ന ലക്ഷ്യത്തോടെയാണ് സൗദി ഗ്രൂപ് സിയിലെ രണ്ടാം കളിയിൽ പോളണ്ടിനെ എതിരിടാനിറങ്ങുന്നത്. പോളണ്ടാവട്ടെ ആദ്യ കളിയിൽ മെക്സികോയുമായി ഗോൾരഹിത സമനിലയിൽ കുടുങ്ങിയതിന്റെ ക്ഷീണത്തിലാണ്.