മറക്കില്ലൊരിക്കലും

ദോ​ഹ: ക​ളി​യു​ടെ ഉ​ത്സ​വ​നാ​ളു​ക​ൾ​ക്ക് കൊ​ടി​യി​റ​ങ്ങു​മ്പോ​ൾ ദോ​ഹ​യു​ടെ മ​ണ്ണ് ആ​രാ​ധ​ക​ർ​ക്ക് അ​വ​ശേ​ഷി​പ്പി​ക്കു​ന്ന​ത് നൂ​റാ​യി​രം നി​മി​ഷ​ങ്ങ​ൾ. തീ​രാ​വേ​ദ​ന​യും ആ​ന​ന്ദ​ക്ക​ണ്ണീ​രു​മാ​യി ഖ​ത്ത​റി​ന്റെ ക​ളി​യി​ടം പ​ല​വ​ട്ടം ന​ന​ഞ്ഞു. ലോ​ക​ക​പ്പ് ച​രി​ത്ര​ത്തി​ൽ ഖ​ത്ത​റി​നെ വ​ര​ച്ചി​ടു​ന്ന 10 മു​ഹൂ​ർ​ത്ത​ങ്ങ​ൾ ഇ​വ​യാ​ണ്.

• മെ​സ്സി​യു​ടെ കി​രീ​ട​മു​ത്തം

ക​ളി​യ​ഴ​കി​ൽ ഇ​തി​ഹാ​സ​താ​രം ല​യ​ണ​ൽ മെ​സ്സി 'ദി ​കം​പ്ലീ​റ്റ് ഫു​ട്ബാ​ള​ർ' ആ​യ നി​മി​ഷ​ത്തി​ന് ദോ​ഹ സാ​ക്ഷ്യം​വ​ഹി​ച്ചു. ഡീ​ഗോ മ​റ​ഡോ​ണ​യു​ടെ മ​ണ്ണി​ലേ​ക്ക് 36 വ​ർ​ഷ​ത്തി​നു​ശേ​ഷം ലോ​ക​ക​പ്പ് ഫു​ട്ബാ​ൾ ട്രോ​ഫി​യെ​ത്തി​ച്ചു​കൊ​ണ്ട് ല​യ​ണ​ൽ മെ​സ്സി​യെ​ന്ന താ​രം സ​മ്പൂ​ർ​ണ​നാ​യി. ക്ല​ബ് ഫു​ട്ബാ​ളി​ൽ കി​രീ​ട​നേ​ട്ട​ങ്ങ​ളും വ്യ​ക്തി​ഗ​ത നേ​ട്ട​ങ്ങ​ളും നേ​ടി​യ മെ​സ്സി ക​ഴി​ഞ്ഞ വ​ർ​ഷ​മാ​യി​രു​ന്നു കോ​പ അ​മേ​രി​ക്ക​യി​ൽ അ​ർ​ജ​ൻ​റീ​ന​യെ കി​രീ​ട​മ​ണി​യി​ച്ച​ത്.

എ​ന്നാ​ൽ, 2014ൽ ​ഫൈ​ന​ലി​ൽ ന​ഷ്ട​മാ​യ ലോ​ക​ക​പ്പി​ൽ ഖ​ത്ത​റി​ലൂ​ടെ മു​ത്ത​മി​ട്ട് ഡീ​ഗോ​ക്കു​ശേ​ഷം അ​ർ​ജ​ൻ​റീ​ന​യി​ലേ​ക്ക് സ്വ​ർ​ണ​ക്കി​രീ​ട​മെ​ത്തി​ച്ചു. ടൂ​ർ​ണ​മെൻറി​ലു​ട​നീ​ളം ഒ​രു​പാ​ട് മു​ഹൂ​ർ​ത്ത​ങ്ങ​ൾ സൃ​ഷ്ടി​ച്ചും റെ​ക്കോ​ഡു​ക​ൾ കു​റി​ച്ചു​മാ​യി​രു​ന്നു മെ​സ്സി​യു​ടെ യാ​ത്ര. ഏ​ഴു ക​ളി​യി​ൽ ഏ​ഴു ഗോ​ളു​ക​ൾ. ഏ​റ്റ​വും മി​ക​ച്ച താ​ര​ത്തി​നു​ള്ള സു​വ​ർ​ണ പ​ന്ത് പു​ര​സ്കാ​ര​വും സ്വ​ന്തം.

• അ​ർ​ജ​ൻ​റീ​ന​യെ മു​റി​വേ​ൽ​പി​ച്ച സൗ​ദി

തു​ട​ർ​വി​ജ​യ​ങ്ങ​ളു​ടെ ഗ​രി​മ​യി​ൽ ലോ​ക​ക​പ്പ് കി​രീ​ട സ്വ​പ്ന​വു​മാ​യെ​ത്തി​യ അ​ർ​ജ​ൻ​റീ​ന​യെ മാ​റ്റി​മ​റി​ച്ച​ത് ഗ്രൂ​പ് 'സി'​യി​ലെ ആ​ദ്യ മ​ത്സ​ര​മാ​യി​രി​ക്കാം. ന​വം​ബ​ർ 22ന് ​ഉ​ച്ച​ക്ക് ലു​സൈ​ൽ സ്റ്റേ​ഡി​യം വേ​ദി​യാ​യ അ​ങ്ക​ത്തി​ൽ ആ​ദ്യ പ​കു​തി​യി​ൽ ലീ​ഡ് പി​ടി​ച്ച അ​ർ​ജ​ൻ​റീ​ന​യെ ഗ്രീ​ൻ ഫാ​ൽ​ക്ക​ൺ​സ് ഇ​ര​ട്ട ഗോ​ളി​ൽ അ​ട്ടി​മ​റി​ച്ചു.

പി​ന്നാ​ലെ, സൗ​ദി ആ​രാ​ധ​ക​ർ 'എ​വി​ടെ​പ്പോ​യി മെ​സ്സി' എ​ന്ന് ചോ​ദ്യ​ങ്ങ​ളു​മാ​യി സ​മൂ​ഹ​മാ​ധ്യ​മ​ങ്ങ​ളി​ലും സ​ജീ​വ​മാ​യി. ഒ​രു​പ​ക്ഷേ, അ​ടു​ത്ത ക​ളി മു​ത​ൽ ഉ​യി​ർ​ത്തെ​ഴു​ന്നേ​ൽ​ക്കാ​നും ഒ​ടു​വി​ൽ ക​ലാ​ശ​പ്പോ​രാ​ട്ട​ത്തി​ൽ കി​രീ​ട​ത്തി​ലേ​ക്ക് കു​തി​ക്കാ​നും അ​ർ​ജ​ൻ​റീ​ന​ക്ക് ക​രു​ത്താ​യ​ത് സൗ​ദി​യോ​ടേ​റ്റ ആ​ദ്യ തോ​ൽ​വി​യാ​യി​രി​ക്കും.

• മൊ​റോ​ക്കോ, അ​ർ​ജ​ൻ​റീ​ന ആ​രാ​ധ​ക​ർ

ഖ​ത്ത​റി​ൽ ക​ളി മു​റു​കും​മു​മ്പേ നി​ലം​തൊ​ട്ട ഏ​റ്റ​വും വ​ലി​യ ആ​രാ​ധ​ക കൂ​ട്ടം അ​ർ​ജ​ൻ​റീ​ന​യി​ൽ​നി​ന്നാ​യി​രു​ന്നു. പ​തി​നാ​യി​ര​ങ്ങ​ൾ നേ​ര​ത്തേ​ത​ന്നെ ദോ​ഹ​യി​ൽ ത​മ്പ​ടി​ച്ചു. ഫൈ​ന​ലി​ൽ കി​രീ​ട​മ​ണി​യു​മ്പോ​ഴേ​ക്കും 45,000ത്തോ​ളം അ​ർ​ജ​ൻ​റീ​ന​ക്കാ​രാ​ണ് ബ്വേ​ന​സ് എ​യ്റി​സി​ൽ​നി​ന്നും ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്നു​മാ​യി ഖ​ത്ത​റി​ലെ​ത്തി​യ​ത്. ഗ്രൂ​പ് റൗ​ണ്ട് ക​ട​ന്ന് മൊ​റോ​ക്കോ നോ​ക്കൗ​ട്ടി​ലേ​ക്ക് പ്ര​വേ​ശി​ച്ച​തി​നു​പി​ന്നാ​ലെ അ​റ​ബ് കാ​ണി​ക​ളും ഖ​ത്ത​റി​ന്റെ തെ​രു​വു​ക​ളി​ൽ ആ​ര​വ​മാ​യി മാ​റി.

• ആ​ഘോ​ഷ​ത്തി​ന് കൊ​റി​യ​ൻ കാ​ത്തി​രി​പ്പ്

ഗ്രൂ​പ് 'എ​ച്ചി'​ൽ​നി​ന്ന് ഉ​റു​ഗ്വാ​യി​യു​ടെ​യും ഘാ​ന​യു​ടെ​യും നോ​ക്കൗ​ട്ട് സ്വ​പ്നം ത​ച്ചു​ട​ച്ച ദ​ക്ഷി​ണ കൊ​റി​യ​യു​ടെ കു​തി​പ്പാ​യി​രു​ന്നു ശ്ര​ദ്ധേ​യം. ഗ്രൂ​പ്പി​ലെ അ​വ​സാ​ന മ​ത്സ​ര​ത്തി​ന്റെ ഇ​ഞ്ചു​റി ടൈം ​ഗോ​ളി​ലൂ​ടെ പോ​ർ​ചു​ഗ​ലി​നെ അ​ട്ടി​മ​റി​ച്ച കൊ​റി​യ​ക്കാ​ർ ലോ​ങ് വി​സി​ലി​നു പി​ന്നാ​ലെ ആ​ഘോ​ഷ​ത്തി​നാ​യി പി​ന്നെ​യും 10 മി​നി​റ്റോ​ളം കാ​ത്തി​രി​പ്പാ​യി. ഉ​റു​ഗ്വാ​യ്-​ഘാ​ന മ​ത്സ​ര​ത്തി​ന്റെ ഫ​ല​ത്തി​നാ​യു​ള്ള ആ ​കാ​ത്തി​രി​പ്പി​നെ ജീ​വി​ത​ത്തി​ലെ ഏ​റ്റ​വും ദൈ​ർ​ഘ്യ​മേ​റി​യ നി​മി​ഷ​മെ​ന്നാ​യി​രു​ന്നു ഹ്യൂ​ങ് മി​ൻ സ​ൺ വി​ശേ​ഷി​പ്പി​ച്ച​ത്.

• ക്രി​സ്റ്റ്യാ​നോ​യു​ടെ ക​ണ്ണീ​ർ​മ​ട​ക്കം

അ​ഞ്ചു ലോ​ക​ക​പ്പി​ലും ഗോ​ൾ നേ​ടി​യ ആ​ദ്യ താ​ര​മാ​യ പോ​ർ​ചു​ഗ​ൽ ഇ​തി​ഹാ​സം ക്രി​സ്റ്റ്യാ​നോ റൊ​ണാ​ൾ​ഡോ​യു​ടെ ക​ണ്ണീ​ർ ഖ​ത്ത​റി​​ന്റെ നൊ​മ്പ​ര​ക്കാ​ഴ്ച​യാ​യി​രു​ന്നു. പ്ലെ​യി​ങ് ഇ​ല​വ​നി​ൽ​നി​ന്ന് പു​റ​ത്താ​യ താ​രം, പ്രീ​ക്വാ​ർ​ട്ട​റി​ലും ക്വാ​ർ​ട്ട​റി​ലും ബെ​ഞ്ചി​ലാ​യി. ഒ​ടു​വി​ൽ മൊ​റോ​ക്കോ​ക്കെ​തി​രെ ടീം ​പി​ന്നി​ൽ നി​ൽ​ക്കു​മ്പോ​ൾ അ​വ​സാ​ന മി​നി​റ്റി​ൽ ക​ള​ത്തി​ലെ​ത്തി​യി​ട്ടും സ്വ​ന്തം പാ​ള​യ​ത്തി​ൽ​നി​ന്ന് ഒ​റ്റി​ക്കൊ​ടു​ക്ക​പ്പെ​ട്ട പ​ട​നാ​യ​ക​നെ​പ്പോ​ലെ നി​സ്സ​ഹാ​യ​നാ​യി വീ​ണു​പോ​യി.

• വ​നി​ത വി​സി​ൽ മു​ഴ​ക്കം

92 വ​ർ​ഷ​ത്തെ ച​രി​ത്ര​മു​ള്ള ഫി​ഫ ലോ​ക​ക​പ്പി​ൽ ആ​ദ്യ​മാ​യി മ​ത്സ​രം നി​യ​ന്ത്രി​ച്ച വ​നി​ത​യാ​യി ഫ്ര​ഞ്ചു​കാ​രി സ്റ്റെ​ഫാ​നി ഫ്രാ​പ്പ​ർ​ട്ട് ച​രി​ത്ര​മെ​ഴു​തി. അ​ൽ​ബെ​യ്ത് സ്റ്റേ​ഡി​യം വേ​ദി​യാ​യ ജ​ർ​മ​നി-​കോ​സ്റ്റ​റീ​ക മ​ത്സ​ര​ത്തി​ൽ ബ്ര​സീ​ലി​ന്റെ ന്യൂ​സ ബാ​ക്, മെ​ക്സി​കോ​യു​ടെ ക​രെ​ൻ ഡ​യ​സ് എ​ന്നി​വ​ർ​ക്കൊ​പ്പം സ്റ്റെ​ഫാ​നി മ​ത്സ​രം നി​യ​ന്ത്രി​ച്ചു.

• ജ​ർ​മ​നി​യെ യാ​ത്ര​യാ​ക്കി​യ ജ​പ്പാ​ൻ

ലോ​ക​ക​പ്പി​ലെ ആ​ദ്യ മ​ത്സ​ര​ത്തി​നി​റ​ങ്ങും​മു​മ്പ് വാ​യ പൊ​ത്തി പ്ര​തി​ഷേ​ധി​ച്ചാ​യി​രു​ന്നു ജ​ർ​മ​നി​യു​ടെ തു​ട​ക്കം. എ​ന്നാ​ൽ, 90 മി​നി​റ്റ് ക​ഴി​ഞ്ഞ് വി​സി​ൽ മു​ഴ​ങ്ങു​മ്പോ​ൾ ഏ​ഷ്യ​ൻ ക​രു​ത്ത​രാ​യ ജ​പ്പാ​നു മു​ന്നി​ൽ 2-1ന് ​തോ​റ്റ് ജ​ർ​മ​നി നാ​ണം​കെ​ട്ടു. ആ​ദ്യ മ​ത്സ​ര​ത്തി​ലെ തോ​ൽ​വി ഗ്രൂ​പ് റൗ​ണ്ടി​ൽ നി​ന്നു​ള്ള ജ​ർ​മ​നി​യു​ടെ മ​ട​ക്ക​ത്തി​നും വ​ഴി​വെ​ച്ചു.

• എം​ബാ​പ്പെ​യു​ടെ ലോ​ക​ക​പ്പ്

കി​രീ​ട​ത്തി​ള​ക്ക​മി​ല്ലെ​ങ്കി​ലും കി​ലി​യ​ൻ എം​ബാ​പ്പെ​യെ​ന്ന താ​ര​ത്തെ ഈ ​ലോ​ക​ക​പ്പി​ലൂ​ടെ ഇ​തി​ഹാ​സ​മാ​യി അ​ട​യാ​ള​പ്പെ​ടു​ത്തും. ഒ​രു​പി​ടി മു​ഹൂ​ർ​ത്ത​ങ്ങ​ളാ​ണ് സൂ​പ്പ​ർ​താ​രം കാ​ൽ​പ​ന്തു​ലോ​ക​ത്തി​ന് സ​മ്മാ​നി​ച്ച​ത്. ഫൈ​ന​ലി​ൽ ഹാ​ട്രി​ക് ഗോ​ളു​മാ​യി ഫ്രാ​ൻ​സി​നെ മ​ത്സ​ര​ത്തി​ൽ തി​രി​കെ​യെ​ത്തി​ച്ച​തും പ്രീ​ക്വാ​ർ​ട്ട​റി​ൽ പോ​ള​ണ്ടി​നെ​തി​രെ നി​റ​ഞ്ഞാ​ടി​യ​തു​മെ​ല്ലാം എം​ബാ​പ്പെ​യു​ടെ സു​വ​ർ​ണ നി​മി​ഷ​ങ്ങ​ളാ​യി.

എ​ട്ടു ഗോ​ളു​മാ​യി ലോ​ക​ക​പ്പി​ൽ സു​വ​ർ​ണ ബൂ​ട്ടു​മാ​യാ​ണ് മ​ട​ക്കം. 2018 ലോ​ക​ക​പ്പി​ൽ മി​ക​ച്ച യു​വ​താ​ര​മാ​യി മാ​റി​യ​വ​ൻ 2022ൽ ​ലോ​ക ഫു​ട്ബാ​ളി​ലെ ത​ല​യെ​ടു​പ്പു​ള്ള താ​ര​മാ​യി.

• ബ്ര​സീ​ലി​നെ വീ​ഴ്ത്തി​യ കാ​മ​റൂ​ൺ

ഗ്രൂ​പ് റൗ​ണ്ടി​ൽ​നി​ന്ന് പ്രീ​ക്വാ​ർ​ട്ട​ർ ഉ​റ​പ്പി​ച്ച​ശേ​ഷ​മാ​യി​രു​ന്നു ബ്ര​സീ​ൽ അ​വ​സാ​ന മ​ത്സ​ര​ത്തി​ൽ കാ​മ​റൂ​ണി​നെ​തി​രെ ഇ​റ​ങ്ങി​യ​ത്. അ​ഴി​ച്ചു​പ​ണി​ത പ്ലെ​യി​ങ് ഇ​ല​വ​നു​മാ​യി ക​ള​ത്തി​ലെ​ത്തി​യ​വ​രെ ഇ​ഞ്ചു​റി ടൈ​മി​ൽ പി​റ​ന്ന ഗോ​ളു​മാ​യി കാ​മ​റൂ​ൺ അ​ട്ടി​മ​റി​ച്ചു. വി​ൻ​സെൻറ് അ​ബൂ​ബ​ക്ക​റി​ന്റെ ഉ​ജ്ജ്വ​ല ഗോ​ളാ​യി​രു​ന്നു ടീ​മി​ന് വി​ജ​യ​മൊ​രു​ക്കി​യ​ത്.

ക്വാ​ർ​ട്ട​ർ ഫൈ​ന​ലി​ൽ ക്രൊ​യേ​ഷ്യ​യോ​ട് പെ​നാ​ൽ​റ്റി ഷൂ​ട്ടൗ​ട്ടി​ൽ തോ​റ്റ ബ്ര​സീ​ലി​ന്റെ​യും നെ​യ്മ​റി​ന്റെ​യും ക​ണ്ണീ​രും മ​റ​ക്കാ​നാ​വി​ല്ല.

• നാ​ട​കീ​യം മ​ര​ണ​ഗ്രൂ​പ്

വി​ശേ​ഷ​ണ​ങ്ങ​ൾ​പോ​ലെ മ​ര​ണ​ഗ്രൂ​പ്പാ​യി​രു​ന്നു ഗ്രൂ​പ് 'ഇ'. ​ജ​ർ​മ​നി​യും ജ​പ്പാ​നും സ്പെ​യി​നും കോ​സ്റ്റ​റീ​ക​യും ഉ​ൾ​പ്പെ​ട്ട ഗ്രൂ​പ് പ്ര​വ​ച​ന​ങ്ങ​ളെ​യെ​ല്ലാം കാ​റ്റി​ൽ പ​റ​ത്തി. ആ​ദ്യ ക​ളി​യി​ൽ ജ​പ്പാ​ൻ 2-1ന് ​ജ​ർ​മ​നി​യെ അ​ട്ടി​മ​റി​ച്ചു. സ്പെ​യി​ൻ 7-0ത്തി​ന് കോ​സ്റ്റ​റീ​ക​ൻ വ​ല നി​റ​ച്ചു. പി​ന്നാ​ലെ, ജ​പ്പാ​ൻ സ്പെ​യി​നി​നെ​യും (2-1) അ​ട്ടി​മ​റി​ച്ച് ഗ്രൂ​പ് ജേ​താ​ക്ക​ളാ​യി. അ​വ​സാ​ന ക​ളി​യി​ൽ ജ​ർ​മ​നി കോ​സ്റ്റ​റീ​ക​യെ തോ​ൽ​പി​ച്ചെ​ങ്കി​ലും ജ​പ്പാ​ൻ സ്പെ​യി​നി​നെ​തി​രെ നേ​ടി​യ ജ​യ​ത്തോ​ടെ ഗ്രൂ​പ് സ​മ​വാ​ക്യം മാ​റി.