ആഗോളാരവം

ലോ​ക​ത്തി​ന്റെ കൈ​വ​ഴി​ക​ൾ ഖ​ത്ത​റി​ലേ​ക്കൊ​ഴു​കി​യ ആ​ഘോ​ഷ​രാ​വി​ൽ ക​ളി​യു​ടെ ആ​കാ​ശം തു​റ​ന്നു. ഇ​നി ന​ക്ഷ​ത്ര​ങ്ങ​ൾ മ​ണ്ണി​ലേ​ക്ക്. ബ​ദൂ​വി​യ​ൻ ടെൻറു​ക​ളു​ടെ മ​നോ​ഹ​ര മാ​തൃ​ക​യി​ൽ പൊ​തി​ഞ്ഞ അ​ൽ​ബെ​യ്ത്ത് സ്റ്റേ​ഡി​യ​ത്തി​ന്റെ ന​ടു​ത്ത​ള​ത്തി​ൽ മ​ധ്യ​പൂ​ർ​വേ​ഷ്യ​യു​ടെ പാ​ര​മ്പ​ര്യ​വും സം​സ്കാ​ര​വും ഇ​ഴ​പി​രി​ഞ്ഞ സാ​ന്ധ്യ​ശോ​ഭ​യി​ൽ ഖ​ത്ത​ർ സ്വാ​ഗ​തം ചൊ​ല്ലി... അ​ഹ്‍ല​ൻ വ ​സ​ഹ്‍ല​ൻ ഫി​ൽ ആ​ലം (ലോ​ക​മേ സ്വാ​ഗ​തം)...

ക​ളി​യു​ടെ മ​ഹാ​പോ​രാ​ട്ട​ങ്ങ​ൾ​ക്കാ​യി ഒ​രു വ്യാ​ഴ​വ​ട്ട​ക്കാ​ലം മ​ണ്ണും മ​ന​സ്സു​മൊ​രു​ക്കി​യ സ​മ​ർ​പ്പി​ത നാ​ളു​ക​ൾ​ക്കൊ​ടു​വി​ൽ ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി പ്ര​ഖ്യാ​പി​ച്ചു. ഖ​ത്ത​റി​ലെ മ​ഹാ​പോ​രാ​ട്ട​ങ്ങ​ൾ​ക്ക് ഇ​താ തു​ട​ക്ക​മാ​യി​രി​ക്കു​ന്നു. അ​തോ​ടെ ലോ​കം നാ​ലാ​ണ്ടു​ക​ളാ​യി കാ​ത്തു​കാ​ത്തി​രു​ന്ന പോ​ർ​ക്ക​ളം യാ​ഥാ​ർ​ഥ്യ​മാ​യി. അ​റേ​ബ്യ​ൻ ഉ​ൾ​ക്ക​ട​ലി​ന്റെ തീ​ര​ത്ത് ഖ​ത്ത​റി​ന്റെ അ​ഷ്ട ദി​ക്കു​ക​ളി​ൽ ഇ​നി കാ​ൽ​പ​ന്തി​ന്റെ പെ​രു​ങ്ക​ളി​യാ​ട്ടം. അ​വി​ടെ, ലോ​ക ഫു​ട്ബാ​ളി​ലെ ആ​റ്റി​ക്കു​റു​ക്കി​യ 32 പോ​ർ​സം​ഘ​ങ്ങ​ൾ. വി​ജ​യം മാ​ത്രം മ​ന​സ്സി​ൽ ക​ണ്ട് ത​ന്ത്ര​വും മ​റു​ത​ന്ത്ര​വു​മൊ​രു​ക്കി​യ അ​ടി​ത​ട​വു​ക​ൾ. 29 പ​ക​ലി​ര​വു​ക​ളി​ൽ 64 ക​ളി​ക​ളി​ലാ​യി ഇ​നി പ​ന്തി​ന്റെ ച​ടു​ല​ച​ല​ന​ങ്ങ​ൾ​ക്കു പി​ന്നാ​ലെ​യാ​ണ് ലോ​കം.

ഗാ​നിം അ​ൽ മു​ഫ്ത​യു​ടെ മ​നോ​ഹ​ര ഈ​ണ​ത്തി​ലു​ള്ള ഖു​ർ​ആ​ൻ പാ​രാ​യ​ണ​ത്തോ​ടെ​യാ​ണ് 22ാമ​ത് ലോ​ക​ക​പ്പി​ന്റെ ഉ​ദ്ഘാ​ട​ന ച​ട​ങ്ങു​ക​ൾ​ക്ക് തു​ട​ക്ക​മാ​യ​ത്. ദൂ​ര​ങ്ങ​ളെ ത​മ്മി​ല​ടു​പ്പി​ക്കു​ന്ന പാ​ല​മാ​വു​ക​യെ​ന്ന സ​ന്ദേ​ശ​മാ​ണ് ഉ​ദ്ഘാ​ട​ന ച​ട​ങ്ങ് പ്ര​സ​രി​പ്പി​ച്ച​ത്.

ദീ​പ​പ്ര​ഭ​യി​ൽ മു​ങ്ങി​യ ന​ടു​ത്ത​ള​ത്തി​ൽ അ​റേ​ബ്യ​ൻ ജീ​വി​ത​ത്തി​ന്റെ കാ​ൻ​വാ​സാ​യ മ​രു​ഭൂ​മി​യും മൂ​ന്ന് ഒ​ട്ട​ക​ങ്ങ​ളു​മാ​ണ് ആ​ദ്യം തെ​ളി​ഞ്ഞ​ത്. പി​ന്നെ വി​ഖ്യാ​ത ഹോ​ളി​വു​ഡ് ന​ട​നും ഓ​സ്ക​ർ ജേ​താ​വു​മാ​യ മോ​ർ​ഗ​ൻ ഫ്രീ​മാ​ൻ എ​ത്തി. ശേ​ഷം, ഖ​ത്ത​റി​ന്റെ ക​ല​യും സം​സ്കാ​ര​വും ജീ​വി​ത​വും ലോ​ക​ത്തി​നു മു​മ്പാ​കെ അ​ട​യാ​ള​പ്പെ​ടു​ത്തു​ന്ന ദൃ​ശ്യ​ങ്ങ​ൾ. ദാ​ന​യു​ടെ പാ​ട്ട്, അ​ർ​ദ നൃ​ത്തം. ഭാ​ഗ്യ​ചി​ഹ്നം ല​ഈ​ബ്... നി​റ​ഗാ​ല​റി​ക്ക് മ​ന​സ്സു​നി​റ​ഞ്ഞ വി​രു​ന്നൊ​രു​ക്കി പാ​ട്ടും മേ​ള​വും ഉ​ച്ച​ത്തി​ലു​യ​ർ​ന്നു. ഉ​പ​രാ​ഷ്ട്ര​പ​തി ജ​ഗ്ദീ​പ് ധ​ൻ​ക​ർ ഇ​ന്ത്യ​യു​ടെ പ്ര​തി​നി​ധി​യാ​യി ഉ​ദ്ഘാ​ട​ന ച​ട​ങ്ങി​ൽ സം​ബ​ന്ധി​ച്ചു.

ഖ​ത്ത​റി​ന്റെ പ​ര​മ്പ​രാ​ഗ​ത വ​സ്ത്ര​മാ​യ ക​ന്തൂ​റ​യ​ണി​ഞ്ഞ​വ​രാ​ൽ നി​റ​ഞ്ഞ​താ​യി​രു​ന്നു ഗാ​ല​റി. ച​ട​ങ്ങു​ക​ൾ​ക്കു പി​ന്നാ​ലെ ആ​തി​ഥേ​യ​രാ​യ ഖ​ത്ത​റും എ​ക്വ​ഡോ​റും ത​മ്മി​ലു​ള്ള ആ​ദ്യ മ​ത്സ​ര​ത്തി​ന് കി​ക്കോ​ഫ് വി​സി​ൽ. കളിയിൽ എക്വഡോർ 2-0ത്തിന് ജയിച്ചു.