Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightQatar World Cupchevron_rightശുക്റൻ... ഖത്തർ

ശുക്റൻ... ഖത്തർ

text_fields
bookmark_border
Qatar World Cup
cancel

ഒ​രു മാ​സ​ത്തി​ലേ​റെ​ക്കാ​ലം ഖ​ത്ത​റാ​യി​രു​ന്നു ലോ​കം. ഭൂ​മി​യി​ലെ മ​നു​ഷ്യ​രേ​റെ​യും ഈ ​കാ​ല​യ​ള​വി​ൽ ഉ​റ്റു​നോ​ക്കി​യ​ത് ഈ ​മ​ണ്ണി​ലേ​ക്കാ​ണ്. അ​ള​വ​റ്റ പ്ര​തീ​ക്ഷ​ക​ൾ​ക്കൊ​പ്പ​മാ​ണ് ന​വം​ബ​ർ അ​ഞ്ചി​ന് ഇ​വി​ടേ​ക്ക് പ​റ​ന്നി​റ​ങ്ങി​യ​ത്. ഒ​രു രാ​ജ്യം, ജ​ന​ത, അ​വ​രു​ടെ സ​ന്നാ​ഹ​ങ്ങ​ൾ... വ്യാ​ഴ​വ​ട്ട​ക്കാ​ലം അ​വ​ർ ന​ട​ത്തി​യ പ്ര​വ​ർ​ത്ത​ന​ങ്ങ​ളാ​ണ് അ​തി​ശ​യ​മാ​യി ആ​ദ്യം കാ​ഴ്ച​യി​ലും മ​ന​സ്സി​ലും നി​റ​ഞ്ഞ​ത്.

ലോ​ക​ത്തെ വ​ര​വേ​ൽ​ക്കാ​നും വി​രു​ന്നൂ​ട്ടാ​നും 2010 മു​ത​ൽ തു​ട​ങ്ങി​യ ഒ​രു​ക്ക​ങ്ങ​ൾ ഈ ​വി​ശ്വ​മേ​ള എ​ത്ര​മാ​ത്രം മ​ഹ​ത്ത​ര​മാ​ക​ണ​മെ​ന്ന് അ​വ​രാ​ഗ്ര​ഹി​ച്ച​തി​ന്റെ തെ​ളി​വാ​യി​രു​ന്നു. അ​തി​ന്റെ നി​റ​പ്പ​കി​ട്ടാ​ർ​ന്ന​തും അ​ത്യു​ജ്ജ്വ​ല​വു​മാ​യ സാ​ക്ഷാ​ത്കാ​ര​മാ​ണ് ലു​സൈ​ലി​ലെ ക​ലാ​ശ​ക്ക​ളി​യോ​ടെ അ​തി​മി​ക​വോ​ടെ പൂ​ർ​ത്തി​യാ​യ​ത്. ശു​ക്റ​ൻ... ഖ​ത്ത​ർ... ന​ന്ദി​യോ​ടെ ലോ​കം ഖ​ത്ത​റി​നെ വാ​ഴ്ത്തു​ക​യാ​ണി​പ്പോ​ൾ. ക​ളി​ച്ചു​ജ​യി​ച്ച അ​ർ​ജ​ന്റീ​ന​ക്കൊ​പ്പം സം​ഘാ​ട​ന​മി​ക​വി​ന്റെ പാ​ര​മ്യ​ത്തി​ൽ നി​ങ്ങ​ളും ഈ ​ലോ​ക​ക​പ്പി​ന്റെ വി​ജ​യി​ക​ളാ​ണ്.

മു​ൻ​ധാ​ര​ണ​ക​ളും ഗൂ​ഢ​നീ​ക്ക​ങ്ങ​ളു​മ​ട​ക്ക​മു​ള്ള​വ​യാ​ൽ, ചി​ല പ്ര​ത്യേ​ക കോ​ണു​ക​ളി​ൽ​നി​ന്ന് ഇ​ത്ര​യേ​റെ ക​ല്ലെ​റി​യ​പ്പെ​ട്ടൊ​രു വേ​ദി ക​ളി​യു​ടെ ച​രി​ത്ര​ത്തി​ലു​ണ്ടാ​കി​ല്ല. എ​ന്നാ​ൽ, ഇ​ത്ര ചി​ട്ട​യോ​ടെ​യും ഗം​ഭീ​ര​മാ​യും ന​ട​ത്തി​യ മ​റ്റൊ​രു ലോ​ക​ക​പ്പ് ക​ളി​യു​ടെ പ​ഴ​ങ്ക​ഥ​ക​ളി​ലി​ല്ലെ​ന്ന് സാ​ക്ഷ്യ​പ്പെ​ടു​ത്തി​യാ​ണ് മേ​ള​ക്ക് ഐ​തി​ഹാ​സി​ക​മാ​യി കൊ​ടി​യി​റ​ങ്ങി​യ​ത്.

പാ​ശ്ചാ​ത്യ​ൻ മാ​ധ്യ​മ​ങ്ങ​ൾ ന​ട​ത്തി​യ അ​വാ​സ്‍ത​വ പ്ര​ചാ​ര​ണ​ങ്ങ​ളു​ടെ മു​ന​യൊ​ടി​ഞ്ഞു തേ​ഞ്ഞു​പോ​യ മ​ണ്ണി​ൽ ക​ളി അ​തി​ന്റെ മു​ഴു​വ​ൻ ആ​വേ​ശ​വും പു​റ​ത്തെ​ടു​ത്ത് ലോ​ക​ത്തി​ന് ഹ​രം​പ​ക​ർ​ന്നു. എ​ക്കാ​ല​വും ത​ങ്ങി​നി​ൽ​ക്കു​ന്ന ആ​തി​ഥ്യ​വും സൗ​ക​ര്യ​ങ്ങ​ളും മ​ത്സ​ര​ങ്ങ​ളു​മൊ​ക്കെ​യാ​ണ് ഖ​ത്ത​ർ ആ​രാ​ധ​ക​മ​ന​സ്സി​ൽ ബാ​ക്കി​വെ​ക്കു​ന്ന​ത്.

ക​ളി​യു​ടെ ര​സ​ങ്ങ​ളി​ലേ​ക്ക് കേ​ന്ദ്രീ​ക​രി​ച്ച ലോ​ക​ക​പ്പി​ൽ ഒ​രു അ​നി​ഷ്ട സം​ഭ​വ​വു​മി​ല്ലാ​തെ, എ​ല്ലാം ഭം​ഗി​യാ​യി ക​ലാ​ശി​ച്ചു. അ​റ​ബ് മ​ണ്ണി​ൽ അ​ന​വ​ദ്യ​സു​ന്ദ​ര​മാ​യൊ​രു ലോ​ക​ക​പ്പാ​യി​രി​ക്കും ന​ട​ക്കാ​ൻ പോ​വു​ക​യെ​ന്ന ത​ങ്ങ​ളു​ടെ വാ​ഗ്ദാ​നം നി​റ​വേ​റി​യ​താ​യി ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി ഏ​റെ സം​തൃ​പ്തി​യോ​ടെ​യാ​ണ് പ്ര​ഖ്യാ​പി​ച്ച​ത്.

വീ​റു​റ്റ പോ​രാ​ട്ട​ങ്ങ​ൾ

ലോ​ക​ക​പ്പ് ച​രി​ത്ര​ത്തി​ലെ​ത​ന്നെ ഏ​റ്റ​വും വീ​റു​റ്റ മ​ത്സ​ര​ങ്ങ​ൾ പി​റ​ന്ന ലോ​ക​ക​പ്പാ​ണി​ത്. ഇ​വി​ടെ 'ദു​ർ​ബ​ല​ർ' എ​ന്ന ടാ​ഗു​മാ​യി ആ​രു​മു​ണ്ടാ​യി​രു​ന്നി​ല്ല. അ​ർ​ജ​ന്റീ​ന​യെ തോ​ൽ​പി​ച്ച സൗ​ദി, ബ്ര​സീ​ലി​നെ വീ​ഴ്ത്തി​യ കാ​മ​റൂ​ൺ, ജ​ർ​മ​നി​യെ​യും സ്‍പെ​യി​നി​നെ​യും കീ​ഴ​ട​ക്കി​യ ജ​പ്പാ​ൻ, പോ​ർ​ചു​ഗ​ലി​നെ ത​റ​പ​റ്റി​ച്ച ദ. ​കൊ​റി​യ, വെ​യ്ൽ​സി​നെ വീ​ഴ്ത്തി​യ ഇ​റാ​ൻ... ആ​രും ആ​രെ​യും തോ​ൽ​പി​ക്കാ​മെ​ന്നു​വ​ന്ന​തോ​ടെ ക​ളി​യു​ടെ 'ലെ​വ​ൽ' ത​ന്നെ മാ​റി. പ്ര​തി​രോ​ധ​ത്തി​ലേ​ക്ക് ഉ​ൾ​വ​ലി​ഞ്ഞ​വ​ർ​ക്കൊ​ക്കെ 'പ​ണി കി​ട്ടി'​യ​തോ​ടെ ആ​ക്ര​മ​ണം അ​നി​വാ​ര്യ​മാ​യി. അ​തോ​ടെ ക​ളി​ക​ൾ ഒ​ന്നി​നൊ​ന്ന് ആ​വേ​ശ​ക​രം. ഫൈ​ന​ൽ അ​തി​നൊ​ത്ത കൊ​ട്ടി​ക്ക​ലാ​ശ​വു​മാ​യി.

നി​റ​ഞ്ഞ കാ​ണി​ക​ൾ

ലോ​ക​ത്തി​ന്റെ പ​രി​ച്ഛേ​ദ​മാ​യി​രു​ന്നു ലോ​ക​ക​പ്പ് കാ​ല​ത്തെ ഖ​ത്ത​ർ. സൂ​ഖ് വാ​ഖി​ഫും കോ​ർ​ണി​ഷും ക​താ​റ​യും അ​ൽ​ബി​ദ​യും പേ​ൾ ഖ​ത്ത​റു​മൊ​ക്കെ വി​വി​ധ ദേ​ശ​ക്കാ​രും ഭാ​ഷ​ക്കാ​രും നി​റ​ക്കാ​രു​മാ​യ മ​നു​ഷ്യ​രു​ടെ കൂ​ട്ടാ​യ്മ​ക​ൾ​കൊ​ണ്ടു നി​റ​ഞ്ഞു. മെ​ട്രോ സ്റ്റേ​ഷ​നു​ക​ളി​ൽ നി​റ​യു​ന്ന അ​ർ​ജ​ന്റീ​ന ആ​രാ​ധ​ക​രു​ടെ, വ​രി​ക​ള​റി​യാ​ത്ത പാ​ട്ടി​ന്റെ ഈ​ണ​ങ്ങ​ൾ​ക്കൊ​പ്പം എ​ല്ലാ​വ​രും കൈ​യ​ടി​ച്ചു.

കൈ​യി​ലെ മ്യൂ​സി​ക് സ്റ്റീ​രി​യോ സി​സ്റ്റ​ത്തി​നൊ​പ്പം ആ​ട്ട​വും പാ​ട്ടു​മാ​യി ന​ട​ക്കു​ന്ന മൊ​റോ​ക്കോ​ക്കാ​ർ​ക്കൊ​പ്പം എ​ല്ലാ​വ​രും കൂ​ടി. ഖ​ത്ത​റി​ൽ കാ​ണി​ക​ളു​ണ്ടാ​വി​ല്ലെ​ന്ന് കു​റ്റ​പ്പെ​ടു​ത്തി​യ യൂ​റോ​പ്യ​ൻ മീ​ഡി​യ​യെ കൊ​ഞ്ഞ​നം​കു​ത്തി എ​ല്ലാ മ​ത്സ​ര​ങ്ങ​ളും നി​റ​ഗാ​ല​റി​ക്കു​കീ​ഴെ അ​ര​ങ്ങേ​റി.

അ​ർ​ജ​ന്റീ​ന, മൊ​റോ​ക്കോ, ബ്ര​സീ​ൽ കാ​ണി​ക​ളൊ​ക്കെ ഖ​ത്ത​റി​ന്റെ വ​ർ​ണ​മ​നോ​ഹ​ര കാ​ഴ്ച​ക​ളാ​യി ച​രി​ത്ര​ത്തി​ൽ ഇ​ടം​നേ​ടി. ഇ​വി​ടെ​യെ​ത്തി​യ​വ​രെ​ല്ലാം, ദേ​ശ​ഭേ​ദ​മി​ല്ലാ​തെ ഖ​ത്ത​റി​ന്റെ ആ​തി​ഥ്യ​ത്തെ പു​ക​ഴ്ത്താ​ൻ മ​ത്സ​രി​ക്കു​ക​യാ​യി​രു​ന്നു.

സീ​സ​ണി​നി​ട​യി​ലെ മ​ത്സ​ര​ങ്ങ​ൾ

യൂ​റോ​പ്യ​ൻ ക്ല​ബ് സീ​സ​ണി​നി​ട​യി​ലെ ലോ​ക​ക​പ്പ് മ​ത്സ​ര​ങ്ങ​ളെ​ക്കു​റി​ച്ചും ആ​ധി​യു​ണ്ടാ​യി. ലോ​ക​ക​പ്പി​നെ അ​ത് ബാ​ധി​ക്കു​മെ​ന്ന വി​മ​ർ​ശ​ന​ങ്ങ​ൾ അ​സ്ഥാ​ന​ത്താ​യി. ക്ല​ബ് മ​ത്സ​ര​ങ്ങ​ൾ​ക്കി​ട​യി​ൽ​നി​ന്നു വ​ന്ന താ​ര​ങ്ങ​ളു​ടെ ഫി​റ്റ്ന​സും എ​ന​ർ​ജി ലെ​വ​ലും മി​ക​ച്ച​താ​യി​രു​ന്നു. അ​ത് മ​ത്സ​ര​ങ്ങ​ളി​ലും പ്ര​തി​ഫ​ലി​ച്ചു.

കോം​പാ​ക്ട് ലോ​ക​ക​പ്പ്

ഖ​ത്ത​ർ ലോ​ക​ക​പ്പ് നി​ല​വി​ലെ പ​ല കീ​ഴ്വ​ഴ​ക്ക​ങ്ങ​ളെ​യും കാ​റ്റി​ൽ​പ​റ​ത്തി. ചെ​റു​രാ​ജ്യ​ങ്ങ​ൾ​ക്കും ലോ​ക​ക​പ്പ് പോ​ലൊ​രു വ​മ്പ​ൻ മേ​ള ഭം​ഗി​യാ​യി ന​ട​ത്താ​മെ​ന്ന് ഖ​ത്ത​ർ ബോ​ധ്യ​പ്പെ​ടു​ത്തി. മി​ക​ച്ച സം​വി​ധാ​ന​ങ്ങ​ളൊ​രു​ക്കി​യാ​ൽ വ​ലി​യ രാ​ജ്യ​ങ്ങ​ളി​ലേ​തി​നേ​ക്കാ​ൾ ലോ​ക​ക​പ്പ് കൂ​ടു​ത​ൽ ആ​സ്വാ​ദ്യ​ക​ര​മാ​യി ന​ട​ത്താ​മെ​ന്ന് അ​ത് തെ​ളി​യി​ച്ചു. ഒ​രു ലോ​ക​ക​പ്പി​ൽ റെ​ക്കോ​ഡ് മ​ത്സ​ര​ങ്ങ​ൾ കാ​ണാ​ൻ ക​ളി​ക്ക​മ്പ​ക്കാ​രെ തു​ണ​ച്ച വേ​ദി​യാ​ണ് ഖ​ത്ത​ർ.

കു​രു​ക്കി​ല്ലാ​ത്ത വ​ഴി​ക​ൾ

ചു​രു​ങ്ങി​യ കി​ലോ​മീ​റ്റ​റു​ക​ൾ​ക്കു​ള്ളി​ൽ എ​ട്ടു സ്റ്റേ​ഡി​യ​ങ്ങ​ൾ. ഗ്രൂ​പ് ഘ​ട്ട​ത്തി​ൽ ഒ​രു ദി​വ​സം നാ​ലു ക​ളി​ക​ൾ. ഗ​താ​ഗ​ത ത​ട​സ്സം​കൊ​ണ്ട് ഖ​ത്ത​ർ ആ​കെ വീ​ർ​പ്പു​മു​ട്ടു​മെ​ന്ന് മു​ൻ​വി​ധി​ക​ളി​ലു​യ​ർ​ന്ന വി​മ​ർ​ശ​നം. എ​ല്ലാ​വ​ർ​ക്കും ആ​ശ​ങ്ക​യു​ണ്ടാ​യി​രു​ന്നു. എ​ന്നാ​ൽ, അ​തെ​ല്ലാം കാ​റ്റി​ൽ​പ​റ​ന്നു.

ഒ​രു ല​ക്ഷ​ത്തോ​ളം പേ​ർ​ക്കി​രി​ക്കാ​വു​ന്ന ലു​സൈ​ൽ സ്റ്റേ​ഡി​യ​ത്തി​ൽ​പോ​ലും ക​ളി​ക​ൾ ക​ഴി​ഞ്ഞ് ഒ​രു മ​ണി​ക്കൂ​റി​ന​കം ആ​ളു​ക​ൾ ഒ​ഴി​ഞ്ഞു. ന​ഗ​ര​ങ്ങ​ളി​ലെ​വി​ടെ​യും ഒ​രു തി​ര​ക്കു​മു​ണ്ടാ​യി​രു​ന്നി​ല്ല. ലോ​ക​ത്ത് മ​റ്റൊ​രു രാ​ജ്യ​ത്തി​നും ക​ഴി​യാ​ത്ത ത​ര​ത്തി​ൽ മെ​ട്രോ​യും ബ​സ് സ​ർ​വി​സു​മൊ​ക്കെ തീ​ർ​ത്തും സൗ​ജ​ന്യ​മാ​യി കാ​ണി​ക​ൾ​ക്ക് തു​റ​ന്നു​കൊ​ടു​ത്തു. എ​ല്ലാ സം​വി​ധാ​ന​ങ്ങ​ളും സൂ​ക്ഷ്മ​മാ​യ കൃ​ത്യ​ത​യി​ൽ ഏ​കോ​പി​ച്ച​തോ​ടെ കാ​ര്യ​ങ്ങ​ൾ ഏ​റ്റ​വും ഭം​ഗി​യാ​യി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:footballqatar​qatar worldcup 2022
News Summary - qatar world cup
Next Story