പോർചുഗൽ ആരാധകരേ...മലയാളികളേ... എലിസബത്തിന് നിങ്ങളെ ഏറെ ഇഷ്ടമാണ്

കേ​ര​ള​ത്തെ​ക്കു​റി​ച്ച് പ​റ​യാ​ൻ എ​ലി​സ​ബ​ത്തി​ന് നൂ​റു​നാ​വാ​ണ്. അ​വി​ശ്വ​സ​നീ​യ​മാ​യ ആ​വേ​ശ​വും സ്നേ​ഹ​വും സൂ​ക്ഷി​ക്കു​ന്ന ആ​ളു​ക​ളാ​ണ​വ​രെ​ന്ന് പ​റ​ഞ്ഞു​തു​ട​ങ്ങി പി​ന്നെ വാ​രി​ക്കോ​രി പ്ര​ശം​സ. അ​ങ്ങ​നെ വി​ല​യി​രു​ത്താ​ൻ എ​ലി​സ​ബ​ത്തി​ന് അ​ർ​ഹ​ത​യു​മു​ണ്ട്. കാ​ര​ണം, ഖ​ത്ത​റി​ലെ ഒ​ട്ടേ​റെ മ​ല​യാ​ളി​ക​ളു​ടെ നേ​താ​വാ​ണ് അ​വ​ർ. പോ​ർ​ചു​ഗ​ൽ ഫു​ട്ബാ​ൾ ടീ​മി​ന്റെ ആ​രാ​ധ​ക കൂ​ട്ടാ​യ്മ​യാ​യ 'പോ​ർ​ചു​ഗ​ൽ ഫാ​ൻ​സ് ഖ​ത്ത​റി'​ന്റെ ഫാ​ൻ ലീ​ഡ​റാ​ണ് ലി​സ്ബ​ൺ സ്വ​ദേ​ശി​നി​യാ​യ ഈ ​യു​വ​തി.

'പോ​ർ​ചു​ഗ​ൽ ടീ​മി​നോ​ട് നി​റ​യെ സ്നേ​ഹ​വും ന​മ്മ​ളെ അ​മ്പ​ര​പ്പി​ക്കു​ന്ന ആ​വേ​ശ​വു​മാ​ണ് അ​വ​ർ​ക്കു​ള്ള​ത്. അ​വ​രി​ല്ലെ​ങ്കി​ൽ പോ​ർ​ചു​ഗ​ൽ ഫാ​ൻ​സ് ഖ​ത്ത​ർ ഒ​രി​ക്ക​ലും ഇ​ത്ര ക​രു​ത്തു​ള്ള ആ​രാ​ധ​ക സം​ഘ​മാ​വി​ല്ല. ഫാ​ൻ ലീ​ഡ​റെ​ന്ന നി​ല​യി​ൽ ഞാ​ൻ ചെ​യ്യു​ന്ന എ​ല്ലാ പ്ര​വ​ർ​ത്ത​ന​ങ്ങ​ളു​ടെ​യും ന​ട്ടെ​ല്ല് ഖ​ത്ത​റി​ലെ മ​ല​യാ​ളി സു​ഹൃ​ത്തു​ക്ക​ളാ​ണ്. ഈ ​ഗ്രൂ​പ്പി​ൽ അ​വ​ർ എ​ന്നോ​ടൊ​പ്പ​മു​ള്ള​താ​ണ് എ​ന്റെ ഏ​റ്റ​വും വ​ലി​യ സ​ന്തോ​ഷം'.

ഖ​ത്ത​റി​ൽ ഫാ​ൻ ഫെ​സ്റ്റി​നി​റ​ങ്ങി​യ മ​ല​യാ​ളി​ക​ൾ ഖ​ത്ത​ർ അ​ധി​കൃ​ത​ർ പ​ണം കൊ​ടു​ത്ത് ഇ​റ​ക്കി​യ വ്യാ​ജ ആ​രാ​ധ​ക​രാ​ണെ​ന്ന യൂ​റോ​പ്യ​ൻ മാ​ധ്യ​മ​ങ്ങ​ളു​ടെ ആ​രോ​പ​ണ​ത്തോ​ട് രോ​ഷാ​കു​ല​യാ​യാ​ണ് എ​ലി​സ​ബ​ത്ത് പ്ര​തി​ക​രി​ച്ച​ത്. 'അ​വ​ർ​ക്ക് എ​ന്ത​റി​യാം. വി​ഡ്ഢി​ത്ത​മാ​ണ് അ​വ​ർ പു​ല​മ്പു​ന്ന​ത്. ഖ​ത്ത​റി​നെ ഇ​ക​ഴ്ത്തി​ക്കാ​ട്ടാ​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​ണ​ത്. ഖ​ത്ത​ർ അ​തി​ഗം​ഭീ​ര​മാ​യി ഇ​ത്ത​ര​ത്തി​ൽ ഒ​രു ലോ​ക​ക​പ്പി​ന് അ​ര​ങ്ങൊ​രു​ക്കു​മ്പോ​ൾ അ​തി​നെ​തി​രെ ഇ​ല്ലാ​ക്ക​ഥ​ക​ൾ പ​ട​ച്ചു​ണ്ടാ​ക്കു​ന്ന​ത് നീ​തി​യ​ല്ല.

പോ​ർ​ചു​ഗ​ൽ ഫാ​ൻ​സ് ഖ​ത്ത​റി​ന്റെ ലീ​ഡ​ർ എ​ന്ന നി​ല​യി​ൽ എ​നി​ക്ക് പ​റ​യാ​നു​ള്ള​ത്, ഞ​ങ്ങ​ളു​ടെ ആ​രാ​ധ​ക​രെ​ല്ലാം അ​ങ്ങേ​യ​റ്റം ആ​ത്മാ​ർ​പ്പ​ണ​മു​ള്ള​വ​രാ​ണെ​ന്നാ​ണ്. ഇ​ത്ര​മാ​ത്രം ശു​ദ്ധ​രാ​യ ആ​രാ​ധ​ക​ർ​ക്കെ​തി​രെ ഇ​ങ്ങ​നെ​യൊ​രു ആ​രോ​പ​ണം ഉ​ന്ന​യി​ച്ച​ത് എ​ന്നെ വ​ല്ലാ​തെ വേ​ദ​നി​പ്പി​ച്ചു. സ്വ​ന്തം കൈ​യി​ൽ​നി​ന്ന് കാ​ശു​മു​ട​ക്കി​യാ​ണ് ഇ​വ​രെ​ല്ലാം പോ​ർ​ചു​ഗ​ലി​നു​വേ​ണ്ടി രം​ഗ​ത്തി​റ​ങ്ങു​ന്ന​ത്. ഖ​ത്ത​ർ അ​ധി​കൃ​ത​രു​മാ​യോ, ഫി​ഫ​യു​മാ​യോ ഞ​ങ്ങ​ൾ​ക്ക് ഒ​രു ബ​ന്ധ​വു​മി​ല്ല. ഇ​ത്ത​രം ആ​രോ​പ​ണ​ങ്ങ​ൾ ഒ​രു​ത​ര​ത്തി​ലും ഞ​ങ്ങ​ൾ അം​ഗീ​ക​രി​ക്കി​ല്ല. അ​ങ്ങ​നെ പ​റ​യു​ന്ന​വ​ർ മ​നോ​നി​ല തെ​റ്റി​യ​വ​രാ​ണെ​ന്നേ പ​റ​യാ​ൻ ക​ഴി​യൂ' -എ​ലി​സ​ബ​ത്ത് പ​റ​ഞ്ഞു.

യ​ഥാ​ർ​ഥ​ത്തി​ൽ എ​ലി​സ​ബ​ത്ത് ജ​നി​ച്ച​ത് മൊ​സാം​ബീ​കി​ലാ​ണ്. പോ​ർ​ചു​ഗ​ലി​ലെ ലി​സ്ബ​ൺ സ്വ​ദേ​ശി​ക​ളാ​യ മാ​താ​പി​താ​ക്ക​ൾ അ​ന്ന് മൊ​സാം​ബീ​കി​ൽ ജോ​ലി നോ​ക്കു​ക​യാ​യി​രു​ന്നു. പി​ന്നീ​ട് ലി​സ്ബ​ണി​ലേ​ക്ക് മ​ട​ങ്ങി. ഖ​ത്ത​റി​ലേ​ക്ക് ജോ​ലി ആ​വ​ശ്യാ​ർ​ഥം എ​ലി​സ​ബ​ത്ത് എ​ത്തു​ന്ന​ത് ലി​സ്ബ​ണി​ൽ​നി​ന്നാ​ണ്. പോ​ർ​ചു​ഗ​ലി​ൽ താ​മ​സി​ക്കു​മ്പോ​ഴാ​ണ് ഫു​ട്ബാ​ളി​നെ​യും ദേ​ശീ​യ ടീ​മി​നെ​യും അ​വ​ർ നെ​ഞ്ചേ​റ്റു​ന്ന​ത്.

ഖ​ത്ത​റി​ലെ​ത്തി​യ ശേ​ഷ​മാ​ണ് പോ​ർ​ചു​ഗീ​സു​കാ​രെ​ക്കാ​ൾ ആ​വേ​ശ​ത്തി​ൽ പോ​ർ​ചു​ഗ​ലി​നെ സ്നേ​ഹി​ക്കു​ന്ന​വ​രാ​ണ് മ​ല​യാ​ളി​ക​ളെ​ന്ന് മ​ന​സ്സി​ലാ​യ​ത്. കേ​ര​ള​ത്തി​ലെ ആ​രാ​ധ​ക​രു​ടെ പ്ര​വ​ർ​ത്ത​ന​ങ്ങ​ളു​ടെ വി​ഡി​യോ​ക​ളും ചി​ത്ര​ങ്ങ​ളും എ​ലി​സ​ബ​ത്ത് കൃ​ത്യ​മാ​യി കാ​ണാ​റു​ണ്ട്. 'അ​വ​രോ​ടെ​ല്ലാം എ​ന്റെ അ​ന്വേ​ഷ​ണം പ​റ​യ​ണം. ഏ​റെ ഇ​ഷ്ട​മാ​ണെ​നി​ക്ക​വ​രെ. എ​ന്നും ടീ​മി​ന്റെ കൂ​ടെ ഉ​ണ്ടാ​വ​ണ​മെ​ന്നാ​ണ് അ​ഭ്യ​ർ​ഥ​ന. എ​ന്റെ നാ​ട്ടി​ൽ​നി​ന്ന് ഒ​രു​പാ​ട് അ​ക​ലെ​യു​ള്ളൊ​രു നാ​ട്ടി​ൽ ഒ​രു​പാ​ടു​പേ​ർ ആ​ത്മാ​ർ​ഥ​മാ​യി ക്രി​സ്റ്റ്യാ​നോ​യെ​യും പോ​ർ​ചു​ഗ​ലി​നെ​യും സ്നേ​ഹി​ക്കു​ന്ന​തി​ൽ ഒ​രു​പാ​ട് ന​ന്ദി​യു​ണ്ട്.' -എ​ലി​സ​ബ​ത്ത് പ​റ​യു​ന്നു.

ഖ​ത്ത​റി​ൽ 1500ലേ​റെ പോ​ർ​ചു​ഗ​ലു​കാ​രു​ണ്ട്. അ​വ​രി​ലേ​റെ​യും പോ​ർ​ചു​ഗ​ൽ ഫാ​ൻ​സ് ഖ​ത്ത​റി​ൽ അം​ഗ​ങ്ങ​ളാ​ണ്. ദേ​ശ​ഭേ​ദ​മി​ല്ലാ​തെ എ​ല്ലാ പോ​ർ​ചു​ഗ​ൽ ആ​രാ​ധ​ക​രെ​യും കൂ​ട്ടി​യി​ണ​ക്കു​ന്ന​താ​ണ് ഈ ​കൂ​ട്ടാ​യ്മ. വാ​ട്സ് ആ​പ് ഗ്രൂ​പ്പു​ക​ൾ കേ​ന്ദ്രീ​ക​രി​ച്ച് ഈ ​ലോ​ക​ക​പ്പി​ന് പ​റ​ങ്കി​പ്പ​ട​യെ പി​ന്തു​ണ​ക്കു​ന്ന​തി​നു​ള്ള പ​ദ്ധ​തി​ക​ൾ ആ​വി​ഷ്ക​രി​ച്ചു​വ​രു​ക​യാ​ണ്. വെ​ള്ളി​യാ​ഴ്ച ടീം ​ഖ​ത്ത​റി​ലെ​ത്തു​മ്പോ​ൾ ടീ​മി​നെ സ്വാ​ഗ​തം ചെ​യ്യാ​നു​ള്ള പ​രി​പാ​ടി​ക​ളു​ണ്ട്. ക്രി​സ്റ്റ്യാ​നോ റൊ​ണാ​ൾ​ഡോ​യു​ടെ ക​ടു​ത്ത ആ​രാ​ധി​ക കൂ​ടി​യാ​ണ് എ​ലി​സ​ബ​ത്ത്.

'ഇ​തി​ഹാ​സ താ​ര​മാ​ണ് അ​ദ്ദേ​ഹം. ക്ല​ബ് ഫു​ട്ബാ​ളി​ൽ അ​ദ്ദേ​ഹം വെ​ട്ടി​പ്പി​ടി​ക്കാ​ത്ത നേ​ട്ട​ങ്ങ​ളി​ല്ല. ക​ളി​ക്കാ​ര​നെ​ന്ന നി​ല​യി​ൽ ആ ​മി​ക​വി​നെ അം​ഗീ​ക​രി​ച്ചേ പ​റ്റൂ. ടീ​മം​ഗ​ങ്ങ​ൾ അ​ദ്ദേ​ഹ​ത്തെ ഏ​റെ ബ​ഹു​മാ​നി​ക്കു​ന്നു​ണ്ട്. ഈ ​ലോ​ക​ക​പ്പി​ന്റെ മു​ഖ്യ ആ​ക​ർ​ഷ​ണം കൂ​ടി​യാ​ണ് ക്രി​സ്റ്റ്യാ​നോ. ഈ ​ടീ​മി​ൽ റൊ​ണാ​ൾ​ഡോ മാ​ത്ര​മ​ല്ല, എ​ല്ലാ​വ​രും മി​ക​ച്ച​വ​രാ​ണ്. ഈ ​പോ​ർ​ചു​ഗ​ൽ ടീ​മി​ൽ എ​നി​ക്ക് വി​ശ്വാ​സ​മു​ണ്ട്. അ​വ​ർ ഈ ​ലോ​ക​ക​പ്പി​ൽ മു​ത്ത​മി​ടു​മെ​ന്നു ത​ന്നെ​യാ​ണ് എ​ന്റെ വി​ശ്വാ​സം'. പോ​ർ​ചു​ഗ​ലി​ന്റെ എ​ല്ലാ മ​ത്സ​ര​ങ്ങ​ളു​ടെ​യും ടി​ക്ക​റ്റ് എ​ലി​സ​ബ​ത്തി​ന്റെ കൈ​യി​ലു​ണ്ട്.