എംബാപ്പെ Vs ഇംഗ്ലണ്ട്

ദോ​ഹ: ഒ​ന്നു​റ​പ്പു പ​റ​യാം. ഈ ​ക​ളി ഒ​രി​ക്ക​ലും ഏ​ക​പ​ക്ഷീ​യ​മാ​വി​ല്ല. അ​ൽ ബെ​യ്ത്തി​ലെ കൂ​ടാ​ര​ക്കീ​ഴി​ൽ ഖ​ത്ത​റി​ലെ അ​വ​സാ​ന ക്വാ​ർ​ട്ട​ർ ഫൈ​ന​ൽ ക​ളി​ച്ചു​തീ​രു​ന്ന​ത് ആ​വേ​ശ​ക്കാ​ഴ്ച​ക​ളി​ലേ​ക്കു​ത​ന്നെ​യാ​വും. ഈ ​ലോ​ക​ക​പ്പി​ൽ ആ​ക്ര​മ​ണ ഫു​ട്ബാ​ളി​ന്റെ വ​ശ്യ​മു​ഹൂ​ർ​ത്ത​ങ്ങ​ൾ കാ​ഴ്ച​വെ​ക്കു​ന്ന ഫ്രാ​ൻ​സും ഇം​ഗ്ല​ണ്ടു​മാ​ണ് ഇ​രു​ധ്രു​വ​ങ്ങ​ളി​ൽ കു​പ്പാ​യ​മി​ട്ടി​റ​ങ്ങു​ന്ന​ത്. കൊ​ണ്ടും കൊ​ടു​ത്തും ക​ളി കു​തി​ക്കു​മ്പോ​ൾ ആ​രു ജ​യി​ക്കു​മെ​ന്ന മു​ൻ​കൂ​ർ പ്ര​വ​ച​ന​ങ്ങ​ൾ​ക്ക് പ്ര​സ​ക്തി​യി​ല്ലാ​തെ പോ​കും. ത്ര​സി​പ്പി​ക്കു​ന്ന ഈ ​പോ​രാ​ട്ട​ത്തി​ൽ ആ​രും ജ​യി​ക്കാം.

അ​റു​പ​ത് വ​ർ​ഷം നീ​ണ്ട ഇ​ട​വേ​ള​ക്കു​ശേ​ഷം തു​ട​രെ ര​ണ്ടാം ത​വ​ണ കി​രീ​ടം നേ​ടു​ന്ന ആ​ദ്യ ടീ​മാ​കാ​ൻ കോ​പ്പു​കൂ​ട്ടു​ക​യാ​ണ് ഫ്രാ​ൻ​സ്. 1962ൽ ​ബ്ര​സീ​ൽ ആ ​നേ​ട്ടം കൈ​വ​രി​ച്ച​ശേ​ഷം പി​ന്നീ​ടി​ങ്ങോ​ട്ട് കി​രീ​ടം കാ​ക്കാ​ൻ ആ​ർ​ക്കും ക​ഴി​ഞ്ഞി​ട്ടി​ല്ല. ഒ​രു മേ​ജ​ർ ടൂ​ർ​ണ​മെ​ന്റി​ന്റെ പോ​ർ​ക്ക​ള​ത്തി​ൽ ഇ​രു​ടീ​മും നേ​ര​ങ്കം കു​റി​ക്കു​ന്ന​തും ഇ​താ​ദ്യം.

'ത​ട​യാ​മെ​ങ്കി​ൽ ത​ട​ഞ്ഞോ​ളൂ...'

ഫ്രാ​ൻ​സി​ന്റെ നാ​ലു മ​ത്സ​ര​ങ്ങ​ളി​ൽ അ​ഞ്ചു ഗോ​ളു​ക​ളു​മാ​യി ഗോ​ൾ​വേ​ട്ട​ക്കാ​രി​ൽ മു​മ്പ​നാ​ണി​പ്പോ​ൾ കി​ലി​യ​ൻ എം​ബാ​പ്പെ. ഫ്ര​ഞ്ച് ടീ​മം​ഗം യൂ​സു​ഫ് ഫൊ​ഫാ​ന ഇം​ഗ്ല​ണ്ട് ഡി​ഫ​ൻ​ഡ​ർ കെ​യ്ൽ വാ​ക്ക​റി​ന് എ​ല്ലാ ഭാ​വു​ക​വും നേ​രു​ന്ന​ത് 'പി​ടി​ച്ചു​കെ​ട്ടാ​നാ​വു​മെ​ങ്കി​ൽ എം​ബാ​പ്പെ​യെ പി​ടി​ച്ചു​കെ​ട്ടി​ക്കോ​ളൂ' എ​ന്നാ​ണ്. പി.​എ​സ്.​ജി താ​ര​ത്തെ ഏ​തു​വി​ധം ത​ട​ഞ്ഞു​നി​ർ​ത്താ​ൻ ക​ഴി​യു​മെ​ന്ന​ത് ഫ്ര​ഞ്ച് ലീ​ഗ് വ​ണ്ണി​ൽ ബാ​ക്കി 19 ടീ​മു​ക​ളും ഉ​റ്റു​നോ​ക്കു​ക​യാ​ണെ​ന്നും ഫൊ​ഫാ​ന പ​റ​യു​ന്നു. എം​ബാ​പ്പെ​ക്ക് 'ചു​വ​പ്പു​പ​ര​വ​താ​നി വി​രി​ക്കാ​ൻ' ത​നി​ക്ക് പ​ദ്ധ​തി​ക​ളി​ല്ലെ​ന്ന് വാ​ക്ക​ർ ക​ഴി​ഞ്ഞ ദി​വ​സം പ​റ​ഞ്ഞ​തി​നെ ട്രോ​ളു​ക​യാ​യി​രു​ന്നു ഫൊ​ഫാ​ന.

എ​ന്നാ​ൽ, അ​തി​വേ​ഗ​വും പ​ന്ത​ട​ക്ക​വും കൈ​മു​ത​ലാ​ക്കി ഭൂ​മി​യി​ലെ ഏ​റ്റ​വും അ​പ​ക​ട​കാ​രി​യാ​യ സ്ട്രൈ​ക്ക​റാ​യി മാ​റി​യ എം​ബാ​പ്പെ​ക്ക് കൂ​ച്ചു​വി​ല​ങ്ങി​ടാ​ൻ വാ​ക്ക​റി​ന് എ​ങ്ങ​നെ ക​ഴി​യും? എ​ന്നാ​ണ് ചോ​ദ്യ​മെ​ങ്കി​ൽ അ​ത് വാ​ക്ക​റി​നെ അ​റി​യാ​ത്ത​തു​കൊ​ണ്ടാ​കും. മ​ണി​ക്കൂ​റി​ൽ 38 കി.​മീ​റ്റ​ർ വേ​ഗ​ത്തി​ൽ ഓ​ടാ​ൻ കെ​ൽ​പു​ള്ള ചീ​റ്റ​പ്പു​ലി​യാ​ണ് ക​ള​ത്തി​ൽ എം​ബാ​പ്പെ​യെ​ങ്കി​ൽ വാ​ക്ക​റും ഒ​ട്ടും മോ​ശ​ക്കാ​ര​ന​ല്ല.

ഫു​ട്ബാ​ളി​ന്റെ ക​ള​ത്തി​ൽ മ​ണി​ക്കൂ​റി​ൽ 37.8 കി.​മീ​റ്റ​ർ വേ​ഗം രേ​ഖ​പ്പെ​ടു​ത്തി​യ വാ​ക്ക​ർ, ഇം​ഗ്ലീ​ഷ് പ്രീ​മി​യ​ർ ലീ​ഗ് ഫു​ട്ബാ​ളി​ന്റെ ച​രി​ത്ര​ത്തി​ൽ ഏ​റ്റ​വും വേ​ഗ​മു​ള്ള ഡി​ഫ​ൻ​ഡ​റാ​ണ്. 9.58 സെ​ക്ക​ൻ​ഡി​ൽ നൂ​റു​മീ​റ്റ​ർ ഓ​ടി റെ​ക്കോ​ഡി​ട്ട മ​ണി​ക്കൂ​റി​ൽ 44.7 കി.​മീ ഓ​ടു​ന്ന സ്ഥാ​ന​ത്താ​ണി​ത്.

പോ​ള​ണ്ടു​മാ​യു​ള്ള മ​ത്സ​ര​ത്തി​ൽ കി​ലി​യ​നെ ഒ​രു മ​ണി​ക്കൂ​റി​ലേ​റെ മാ​റ്റ് കാ​ഷും യാ​ക്കൂ​ബ് ക​മി​ൻ​സ്കി​യും കെ​ട്ടി​പ്പൂ​ട്ടി നി​ർ​ത്തി​യ​ത് വാ​ക്ക​റി​ന് പ്ര​ചോ​ദ​നം പ​ക​രും. ക​മി​ൻ​സ്കി​യെ കോ​ച്ച് പി​ൻ​വ​ലി​ച്ച ശേ​ഷ​മാ​ണ് മാ​ർ​ക്ക് ചെ​യ്യു​ന്ന​തി​ലെ വീ​ഴ്ച മു​ത​ലെ​ടു​ത്ത് ഫ്ര​ഞ്ച് സ്ട്രൈ​ക്ക​ർ ഇ​രു​വ​ട്ടം വ​ല കു​ലു​ക്കി​യ​ത്. എം​ബാ​പ്പെ​യെ, പ​ക്ഷേ 90 മി​നി​റ്റും സൂ​ക്ഷ്മ​മാ​യി മാ​ർ​ക്ക് ചെ​യ്യേ​ണ്ടി​വ​രും. വേ​ഗ​വും ക​രു​ത്തും മാ​ത്ര​മ​ല്ല, അ​യാ​ളു​ടെ കൈ​മു​ത​ൽ. അ​പാ​ര ബു​ദ്ധി​ശാ​ലി​യു​മെ​ന്ന നി​ല​ക്ക് വാ​ക്ക​റി​ന് 23കാ​ര​നാ​യ ഫ്ര​ഞ്ചു​കാ​ര​ൻ ഉ​യ​ർ​ത്തു​ന്ന ത​ല​വേ​ദ​ന ചി​ല്ല​റ​യാ​യി​രി​ക്കി​ല്ല.

വാ​ക്ക​റി​ന് പ​ക്ഷേ, അ​തൊ​ന്നും പ്ര​ശ്ന​മ​ല്ല. കാ​ര​ണം, എം​ബാ​പ്പെ​യെ ചാ​മ്പ്യ​ൻ​സ് ലീ​ഗി​ൽ മാ​ഞ്ച​സ്റ്റ​ർ സി​റ്റി​ക്കു​വേ​ണ്ടി മൂ​ന്നു​ത​വ​ണ പി​ടി​ച്ചു​കെ​ട്ടി​യ​തി​ന്റെ പ​കി​ട്ടു​ണ്ട് മേ​നി പ​റ​യാ​ൻ. അ​ന്ന് 90 മി​നി​റ്റി​നി​ടെ ഒ​രു ഷോ​ട്ടു​പോ​ലും പോ​സ്റ്റി​ലേ​ക്ക് തി​ക​ച്ചെ​ടു​ക്കാ​ൻ പ​റ്റി​യി​ട്ടി​ല്ല ഫ്ര​ഞ്ചു​കാ​ര​ന്. 0.70 ഷോ​ട്ടു​ക​ളാ​യി​രു​ന്നു ശ​രാ​ശ​രി. ഈ ​ലോ​ക​ക​പ്പി​ൽ പ​ക്ഷേ, 6.4 ഷോ​ട്ടു​ക​ളാ​ണ് എം​ബാ​പ്പെ​യു​ടെ ഒ​രു മ​ത്സ​ര​ത്തി​ലെ ശ​രാ​ശ​രി.

ബെ​ലി​ങ്ഹാം x ഗ്രീ​സ്മാ​ൻ

19ാം വ​യ​സ്സി​ൽ ഇം​ഗ്ല​ണ്ടി​ന്റെ മ​ധ്യ​നി​ര നി​റ​ഞ്ഞു​ക​ളി​ക്കു​ന്ന ജൂ​ഡ് ബെ​ലി​ങ്ഹാ​മും ഫ്ര​ഞ്ച് പ​ട​യോ​ട്ട​ങ്ങ​ൾ​ക്ക് തേ​രു​തെ​ളി​ക്കു​ന്ന 31കാ​ര​നാ​യ അ​ന്റോ​യി​ൻ ഗ്രീ​സ്മാ​നും ത​മ്മി​ലു​ള്ള പോ​രാ​ട്ടം ക​ള​ത്തി​ൽ ശ്ര​ദ്ധേ​യ​മാ​കും. ബോ​ക്സി​ൽ ഏ​റ്റ​വും കൂ​ടു​ത​ൽ പാ​സു​ക​ൾ ന​ൽ​കി​യ ഗ്രീ​സ്മാ​നും ഏ​റ്റ​വും കൂ​ടു​ത​ൽ ഡ്യു​വ​ൽ​സും ടാ​ക്ക്ൾ​സും ജ​യി​ച്ച ബെ​ലി​ങ്ഹാ​മും ഇ​രു​നി​ര​യു​ടെ​യും ത​ന്ത്ര​ങ്ങ​ളി​ൽ മു​ഖ്യ​മാ​വും. ഗ്രീ​സ്മാ​നെ സ​ഹാ​യി​ക്കാ​ൻ ഔ​റേ​ലി​ൻ ചു​വാ​മെ​നി​യും ബെ​ലി​ങ്ഹാ​മി​ന് കൂ​ട്ടാ​യി ജോ​ർ​ഡ​ൻ ഹെ​ൻ​ഡേ​ഴ്സ​ണു​മു​ണ്ടാ​കും.

ഇ​ട​തു ആ​ഭി​മു​ഖ്യം

മു​ന്നേ​റ്റ നി​ര​യു​ടെ മി​ടു​ക്കി​ൽ വി​ശ്വ​സി​ക്കു​ന്ന ഇ​രു​ടീ​മും ഏ​റ​ക്കു​റെ ഒ​രേ രീ​തി​യി​ൽ ആ​ക്ര​മി​ച്ചു​ക​യ​റു​ന്നു​വെ​ന്ന​ത് യാ​ദൃ​ച്ഛി​ക​മാ​കാം. അ​വ​സ​ര​ങ്ങ​ൾ ഇ​രു​നി​ര​യും തു​റ​ന്നെ​ടു​ക്കു​ന്ന​തും സ​മാ​ന സ്വ​ഭാ​വ​ത്തി​ലാ​ണ്. ഇ​ട​തു​വി​ങ്ങി​ലൂ​ടെ​യു​ള്ള ആ​ക്ര​മ​ണ​ങ്ങ​ളി​ലാ​ണ് ഇം​ഗ്ല​ണ്ടും ഫ്രാ​ൻ​സും വി​ശ്വാ​സ​മ​ർ​പ്പി​ക്കു​ന്ന​ത്. ഇ​രു​നി​ര​യു​ടെ​യും 41 ശ​ത​മാ​നം മു​ന്നേ​റ്റ​ങ്ങ​ളും ഇ​തു​വ​ഴി​യാ​യി​രു​ന്നു. ഇ​ട​തു​വി​ങ് ബാ​ക്കു​ക​ളാ​യ തി​യോ ഹെ​ർ​ണാ​ണ്ട​സും ലൂ​ക്ക് ഷാ​യും യ​ഥാ​ക്ര​മം ഫ്രാ​ൻ​സി​നു വേ​ണ്ടി ഒ​മ്പ​തും ഇം​ഗ്ല​ണ്ടി​നു​വേ​ണ്ടി ആ​റും അ​വ​സ​ര​ങ്ങ​ൾ തു​റ​ന്നെ​ടു​ത്തു. ഇ​ട​തു വി​ങ്ങി​ൽ ഫ്രാ​ൻ​സ് 26ഉം ​ഇം​ഗ്ല​ണ്ട് 11ഉം ​അ​വ​സ​ര​ങ്ങ​ളാ​ണ് മെ​ന​ഞ്ഞെ​ടു​ത്ത​ത്.

ഒ​രു​ക്കം, ത​കൃ​തി

ഇം​ഗ്ല​ണ്ടി​ന്റെ ക​രു​ത്ത് ഒ​ട്ടും കു​റ​ച്ചു​കാ​ണാ​ൻ ക​ഴി​യാ​ത്ത​തി​നാ​ൽ മി​ക​ച്ച ത​യാ​റെ​ടു​പ്പു​ക​ൾ ന​ട​ത്തി​യാ​ണ് ഫ്രാ​ൻ​സ് ക​ള​ത്തി​ലെ​ത്തു​ന്ന​ത്. അ​ൽ സ​ദ്ദി​ലെ ത​ങ്ങ​ളു​ടെ ത​ട്ട​ക​ത്തി​ൽ വ്യാ​ഴാ​ഴ്ച 'ഇം​ഗ്ലീ​ഷ്' പ്ര​ക​ട​ന​ങ്ങ​ളു​ടെ വി​ഡി​യോ​ക​ൾ ഇ​ഴ​കീ​റി പ​രി​ശോ​ധി​ച്ചാ​യി​രു​ന്നു ത​യാ​റെ​ടു​പ്പു​ക​ൾ. ക്യാ​പ്റ്റ​ൻ ഹാ​രി കെ​യ്ൻ ന​യി​ക്കു​ന്ന ഇം​ഗ്ലീ​ഷ് ആ​ക്ര​മ​ണ​ത്തി​ൽ ഫി​ൽ ഫോ​ഡ​ൻ, ബു​കാ​യോ സാ​ക, മാ​ർ​ക​സ് റാ​ഷ്ഫോ​ർ​ഡ് അ​ട​ക്ക​മു​ള്ള​വ​രു​ടെ അ​പ​ക​ട നീ​ക്ക​ങ്ങ​ളെ അ​ന​ലൈ​സ് ചെ​യ്താ​ണ് ഫ്ര​ഞ്ചു​കാ​ർ ത​ന്ത്ര​ങ്ങ​ൾ രൂ​പ​പ്പെ​ടു​ത്തി​യ​ത്. മ​റു​വ​ശ​ത്ത് എം​ബാ​പ്പെ​യെ പൂ​ട്ടു​ന്ന​തി​നൊ​പ്പം, വ​ല​തു​വി​ങ്ങി​ൽ ഉ​സ്മാ​ൻ ഡെം​ബ​ലെ​ക്കും സെ​ൻ​ട്ര​ൽ അ​റ്റാ​ക്കി​ങ്ങി​ൽ ഒ​ലി​വി​യ​ർ ജി​റൂ​ഡ്, അ​ന്റോ​യി​ൻ ഗ്രീ​സ്മാ​ൻ എ​ന്നി​വ​രെ​യും പ​ത്മ​വ്യൂ​ഹ​ങ്ങ​ളി​ൽ കു​രു​ക്കാ​ൻ പ​ദ്ധ​തി​ക​ളൊ​രു​ക്കി​യാ​ണ് ഇം​ഗ്ല​ണ്ടും കോ​പ്പു​കൂ​ട്ടു​ന്ന​ത്.