ഉദിക്കുമോ രാജസൂര്യൻ?

ഉ​ദ​യ​സൂ​ര്യ​ന്റെ നാ​ടെ​ന്ന വി​ശേ​ഷ​ണ​ത്തെ മു​റു​കെ​പി​ടി​ച്ച് ഒ​രി​ക്ക​ൽ​കൂ​ടി യോ​ഗ്യ​ത​മ​ത്സ​രം ജ​യി​ച്ചു​ക​യ​റി​യ ജ​പ്പാ​ൻ ലോ​ക ഫു​ട്ബാ​ൾ മാ​മാ​ങ്കം ന​ട​ക്കു​ന്ന ഖ​ത്ത​റി​ലേ​ക്കെ​ത്തു​ന്ന​ത് എ​തി​രാ​ളി​ക​ളു​ടെ ശ​ക്തി​യോ​ളം പോ​രാ​ട​ണ​മെ​ന്ന് മ​ന​സ്സി​ലു​റ​പ്പി​ച്ചാ​ണ്. എ.​എ​ഫ്.​സി ഏ​ഷ്യ​ൻ യോ​ഗ്യ​ത​മ​ത്സ​ര​ത്തി​ൽ ആ​സ്ട്രേ​ലി​യ​യെ എ​തി​രി​ല്ലാ​ത്ത ര​ണ്ടു ഗോ​ളു​ക​ൾ​ക്ക് പ​രാ​ജ​യ​പ്പെ​ടു​ത്തി​യ​തി​ലു​ള്ള ആ​ത്മ​വി​ശ്വാ​സ​ത്തി​ന്റെ മ​തി​പ്പും ഖ​ത്ത​റി​ലേ​ക്കു​ള്ള യാ​ത്ര​യി​ൽ കൂ​ടെ​പ്പോ​രും. 2011ൽ ​ഖ​ത്ത​റി​ന്റെ മ​ണ്ണി​ൽ​നി​ന്ന് എ.​എ​ഫ്.​സി ഏ​ഷ്യ​ൻ കി​രീ​ട​മു​യ​ർ​ത്തി​യ ടീ​മി​ന് ഖ​ത്ത​റി​ലെ ലോ​ക​ക​പ്പ് നേ​ടാ​നാ​വു​മെ​ന്ന പ്ര​തീ​ക്ഷ​യും ആ​രാ​ധ​ക​ർ​ക്കു​ണ്ട്.

1980ക​ളു​ടെ അ​വ​സാ​നം വ​രെ ജ​പ്പാ​ന് ഫു​ട്ബാ​ൾ രം​ഗ​ത്ത് വ​ലി​യ ആ​ധി​പ​ത്യ​മൊ​ന്നും നേ​ടാ​നാ​യി​രു​ന്നി​ല്ല. ജാ​പ്പ​നീ​സ് ഫു​ട്ബാ​ളി​നെ കൂ​ടു​ത​ൽ പ്ര​ഫ​ഷ​ന​ലാ​ക്കി മാ​റ്റി​യ​തോ​ടെ​യാ​ണ് 1990ക​ൾ​ക്കു​ശേ​ഷം ഏ​ഷ്യ​യി​ലെ മി​ക​ച്ച ഫു​ട്ബാ​ൾ രാ​ജ്യ​മാ​യി വ​ള​ർ​ന്നു​പ​ന്ത​ലി​ച്ച​ത്. വ​ലി​യ വി​ജ​യ​ങ്ങ​ൾ നേ​ടേ​ണ്ടി​യി​രു​ന്ന മൈ​താ​ന​ങ്ങ​ളി​ൽ​നി​ന്നെ​ല്ലാം പ​രാ​ജ​യം ഏ​റ്റു​വാ​ങ്ങി മ​ട​ങ്ങേ​ണ്ടി​യും വ​ന്നി​ട്ടു​ണ്ട്. 1998ലാ​ണ് ആ​ദ്യ​മാ​യി ലോ​ക​ക​പ്പ് ക​ളി​ക്കാ​ൻ യോ​ഗ്യ​ത നേ​ടി​യ​ത്. പി​ന്നീ​ടൊ​രി​ക്ക​ലും ആ​രാ​ധ​ക​രെ മ​നം​മ​ടു​പ്പി​ച്ചി​ട്ടി​ല്ല. ഏ​ഴു ത​വ​ണ ലോ​ക​ക​പ്പ് മൈ​താ​ന​ത്ത് പ​ന്തു​ത​ട്ടി. ഏ​ഷ്യ​ൻ ക​പ്പി​ൽ നാ​ലു ത​വ​ണ കി​രീ​ടം നേ​ടി​യ താ​ര​രാ​ജാ​ക്ക​ന്മാ​രാ​ണ് ഖ​ത്ത​റി​ൽ പോ​രി​നി​റ​ങ്ങു​ന്ന​ത്.

കുന്തമുന

നാ​ഗ​സാ​ക്കി​യി​ൽ​നി​ന്നു​ള്ള മാ​യ യോ​ശി​ദ​യാ​ണ് ടീ​മി​ന്റെ നാ​യ​ക​സ്ഥാ​നം വ​ഹി​ക്കു​ന്ന​ത്. അ​മ്മ യോ​ശി​ദ ഗ​ർ​ഭം ധ​രി​ച്ച സ​മ​യ​ത്ത് ജ​നി​ക്കു​ന്ന പെ​ൺ​കു​ട്ടി​ക്ക് ഇ​ടാ​ൻ ക​രു​തി​വെ​ച്ച​താ​യി​രു​ന്നു മാ​യ​യെ​ന്ന പേ​ര്. ജ​നി​ച്ച​ത് ആ​ൺ​കു​ട്ടി​യാ​ണെ​ങ്കി​ലും പേ​ര് മാ​റ്റി​യി​ല്ല. സ​ഹോ​ദ​ര​ങ്ങ​ളു​മൊ​ത്തു​ള്ള ഇ​ട​പ​ഴ​ക​ലി​ൽ മാ​യ​യു​ടെ ഫു​ട്ബാ​ളി​ലെ മി​ക​വും ശ്ര​ദ്ധി​ക്ക​പ്പെ​ട്ടി​രു​ന്നു. ഏ​റെ വൈ​കാ​തെ പ്ര​ഫ​ഷ​ന​ൽ ഫു​ട്ബാ​ൾ രം​ഗ​ത്തെ​ത്തി​. സെ​ന്റ​ർ ബാ​ക്ക് പൊ​സി​ഷ​നി​ൽ ക​ളി​ക്കു​ന്ന ഇ​ദ്ദേ​ഹ​ത്തി​ന് ടീ​മി​ന്റെ ശ​ക്തി​യും ദൗ​ർ​ബ​ല്യ​വും ന​ന്നാ​യി അ​റി​യാം.

ഒ​രേ സ​മ​യം മൈ​താ​ന​ത്ത് വി​വി​ധ പൊ​സി​ഷ​നി​ലു​ള്ള​വ​ർ​ക്ക് മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കു​ന്ന​തി​ൽ മി​ക​വു​ണ്ട്.

നി​ല​വി​ൽ സ്കാ​ൽ​കെ ക്ല​ബി​ൽ ക​ളി​ക്കു​ന്ന ഇ​ദ്ദേ​ഹം അ​ണ്ട​ർ 23 ജ​പ്പാ​ൻ ടീ​മി​ലും ക​ളി​ച്ചി​ട്ടു​ണ്ട്.

ആ​ശാ​ൻ

ജ​പ്പാ​ൻ പ്ര​ഫ​ഷ​ന​ൽ ഫു​ട്ബാ​ൾ രം​ഗ​ത്തേ​ക്കു ക​ട​ന്ന തൊ​ണ്ണൂ​റു​ക​ളി​ൽ ടീ​മി​ലു​ണ്ടാ​യി​രു​ന്ന മി​ഡ്ഫീ​ൽ​ഡ​ർ ഹാ​ജിം മൊ​റി​യാ​സു​വാ​ണ് ആ​ശാ​ൻ. ടീം ​നേ​രി​ട്ടി​രു​ന്ന പ്ര​തി​സ​ന്ധി​ക​ളെ​യും മ​റ്റും ത​ര​ണം​ചെ​യ്ത​വ​രി​ൽ ഇ​ദ്ദേ​ഹ​ത്തി​ന്റെ പേ​ര് പ്ര​ധാ​ന​പ്പെ​ട്ട​താ​ണ്. ഹൈ​സ്കൂ​ൾ കാ​ലം തൊ​ട്ടേ ഫു​ട്ബാ​ൾ രം​ഗ​ത്തു​ള്ള ഇ​ദ്ദേ​ഹം 1987ലാ​ണ് സാ​ൻ​ഫ്ര​സ് ഹി​രോ​ഷി​മ ക്ല​ബി​ൽ പ​ന്തു​ത​ട്ടി​ത്തു​ട​ങ്ങി​യ​ത്. ഹി​രോ​ഷി​മ​ക്കു​വേ​ണ്ടി നി​ര​വ​ധി മ​ത്സ​ര​ങ്ങ​ൾ ക​ളി​ക്കു​ക​യും 34 ഗോ​ളു​ക​ൾ നേ​ടി​ക്കൊ​ടു​ക്കു​ക​യും ചെ​യ്തി​ട്ടു​ണ്ട്. 1992ലാ​ണ് ജ​പ്പാ​ൻ ദേ​ശീ​യ ടീ​മി​ലേ​ക്കു ക​ട​ന്നു​വ​ന്ന​ത്. 1996 വ​രെ ദേ​ശീ​യ ടീ​മി​ലും പ​ന്തു​ത​ട്ടി. താ​ൻ പ​ന്തു​ത​ട്ടി തു​ട​ങ്ങി​യ ഹി​രോ​ഷി​മ​ക്കു​വേ​ണ്ടി​ത​ന്നെ 2012ൽ ​ആ​ദ്യ​മാ​യി പ​രി​ശീ​ല​ന ചു​മ​ത​ല​യും ഏ​റ്റെ​ടു​ത്തു. റ​ഷ്യ​യി​ൽ ന​ട​ന്ന ലോ​ക​ക​പ്പ് തൊ​ട്ട് ജ​പ്പാ​ൻ ദേ​ശീ​യ ടീ​മി​ന്റെ മു​ഖ്യ പ​രി​ശീ​ല​ക​നാ​ണ്.